Michael Schumacher Birthday: మైఖేల్ షూమేకర్ ప్రపంచంలోని అత్యుత్తమ రేసర్లలో ఒకరిగా పేరుగాంచాడు. దీంతో అతను రేసింగ్ ప్రపంచంలో విభిన్న స్థానాన్ని సంపాదించుకున్నాడు. ఈ జర్మన్ రేసర్ ఈ క్రీడలో కొత్త ప్రమాణాలను నెలకొల్పాడు. దీనిని అనుసరించడం ప్రస్తుత రేసర్లకు ఎంతో కష్టం. షూమేకర్ ఏడుసార్లు ప్రపంచ ఛాంపియన్‌షిప్ టైటిల్‌ను గెలుచుకున్నాడు. ఈరోజు అంటే డిసెంబర్ 3న షూమాకర్ పుట్టినరోజు. 1969లో జన్మించిన షూమేకర్ గురించిన కొన్ని ఆసక్తికరమైన విషయాలను ఇప్పుడు తెలుసుకుందాం.
1 / 8
షూమేకర్ కెరీర్ ఆరేళ్ల వయసులో ప్రారంభమైంది. చిన్నప్పటి నుంచి రేసింగ్ ప్రపంచంలోకి వెళ్లాలని నిర్ణయించుకున్నాడు. కేవలం ఆరు సంవత్సరాల వయస్సులోనే ఈ రేసర్ ప్రీమియర్ కార్టింగ్ ఛాంపియన్‌షిప్‌ను గెలుచుకున్నాడు. అతను ఆ కార్ట్ కారును స్క్రాప్ నుంచి నిర్మించడం విశేషం. అతని కుటుంబం ఆర్థిక ఇబ్బందుల కారణంగా స్థానిక వ్యాపారులు అతనికి సహాయం చేసి కారు ఇంజిన్‌కు నిధులు సమకూర్చారు. అందుకే ఈ విజయం అతనికి ఎంతో కీలకమైంది.
2 / 8
జర్మనీలో 14 ఏళ్లలోపు కార్ట్ లైసెన్స్ మంజూరు చేయరనే నియమం ఉంది. అయితే షూమేకర్ ఈ నియమానికి వ్యతిరేకంగా పోరాడి కేవలం 12 సంవత్సరాల వయస్సులో లైసెన్స్ పొందాడు. మరుసటి సంవత్సరం అతను జర్మన్ జూనియర్ కార్ట్ ఛాంపియన్‌షిప్‌లో విజయం సాధించాడు. 1988లో అతను ఫార్ములా ఫోర్డ్‌కు వెళ్లాడు.
3 / 8
షూమేకర్ ప్రపంచంలోని అత్యుత్తమ రేసర్లలో ఒకటిగా పేరుగాంచాడు. దీనికి కారణం అతని అద్భుతమైన కెరీర్. అతను ఫార్ములా వన్‌లో అత్యంత విజయవంతమైన డ్రైవర్. అయితే లూయిస్ హామిల్టన్ 2020, 2021 సీజన్‌లను గెలుచుకోవడం ద్వారా అతని రికార్డును బద్దలు కొట్టాడు. 2006లో షూమేకర్ పదవీ విరమణ చేసినప్పుడు, ఈ స్థాయికి చేరుకోవడం అసాధ్యం అనిపించింది. అతను ఒకప్పుడు అత్యధిక ప్రపంచ డ్రైవర్ల ఛాంపియన్‌షిప్, అత్యధిక విజయాలు, అత్యధిక పోల్ స్థానాలు సాధించిన రికార్డులను కలిగి ఉన్నాడు.
4 / 8
2006లో రిటైర్ అయ్యాడు. కానీ, 2010లో తన పునరాగమనాన్ని ప్రకటించాడు. ఈసారి మెర్సిడెస్‌తో తిరిగి వచ్చాడు. అయితే అతని పునరాగమనం అంతగా విజయవంతం కాలేదు. 2012లో మళ్లీ పదవీ విరమణ చేశాడు.
5 / 8
ఫెరారీతోనే అధిక విజయాలు. షూమేకర్ తన కెరీర్‌లో చాలా రేసులను ఫెరారీతో ఆడాడు. 1996లో ఈ జట్టులో చేరాడు. ఆ సమయంలో ఫెరారీ కష్టాల్లో పడింది. అయినప్పటికీ షూమేకర్ ఈ జట్టులో చేరడం ద్వారా తన పేరును పెంచుకోవడమే కాకుండా ఈ జట్టుకు కొత్త ఎత్తులను అందించాడు.
6 / 8
29 డిసెంబర్ 2019న ఫ్రెంచ్ ఆల్ప్ రిసార్ట్‌లో స్కీయింగ్ చేస్తున్నప్పుడు షూమేకర్ తీవ్రంగా గాయపడ్డాడు. అతను తన 14 ఏళ్ల కొడుకుతో కలిసి స్కీయింగ్ చేశాడు. ఈ సమయంలో ఒక రాయిని ఢీకొన్నాడు. హెల్మెట్ పెట్టుకున్నా కూడా తీవ్రంగా గాయపడి కోమాలోకి వెళ్లాడు.
7 / 8
అయితే రేసులో వర్షం కురిసి ట్రాక్ తడిసిపోతే రేసర్లకు మాత్రం చాలా ఇబ్బందిగా ఉంటుంది. కానీ, షూమేకర్‌ను తడి 'ట్రాక్ కింగ్' అని పిలుస్తారు. తడి ట్రాక్‌లో షూమేకర్‌ను మించిన అత్యుత్తమ రేసును ఎవరూ ఉండరు.
