Janmashtami 2024: వైభవంగా సాగుతున్న జన్మాష్టమి వేడుకలు.. మధుర నుండి ద్వారక వరకు ప్రధాన ఆలయాల్లో భక్తుల సందడి
సరిగ్గా రాత్రి 12 గంటలకు దేశంలోని అన్ని కృష్ణ దేవాలయాలు 'కన్నయ్య పుట్టిన జన్మదినోత్సవ వేడుకలను ఘనంగా జరుపుకున్నారు. జై కృష్ణ అనే నినాదంతో ప్రతి ఆలయం ప్రతిధ్వనించింది. దేశ వ్యాప్తంగా జన్మాష్టమి పండుగను ఘనంగా జరుపుకున్నారు. ఎక్కడ చూసినా భక్తులు కన్నయ్యను కీర్తిస్తూ భక్తిపారవశ్యంలో మునిగిపోయారు. జన్మాష్టమి సందర్భంగా ఆలయాలన్నీ రంగు రంగుల విద్యుత్ కాంతులతో మెరిసిపోతున్నాయి. బాల గోపాలుడికి ప్రత్యేక స్వీట్లు, వంటకాలు అందించారు. దేశంలో మాత్రమే కాదు విదేశాల్లోని కన్నయ్య ప్రతి ఆలయం అందంగా అలంకరించబడ్డాయి. దేవాలయాలలో ప్రత్యేక పూజలు భజనలు, కీర్తనలు వంటి కార్యక్రమాలను నిర్వహించారు. ఈ కార్యక్రమాలను భక్తులు తిలకించి పులకించారు. కృష్ణుడి పట్ల భక్తితో లీనమయ్యారు.
ఈ దేవాలయాల్లో జన్మాష్టమి ప్రత్యేక వేడుకలు: జన్మాష్టమి పండుగను దేశమంతటా పూర్తి ఉత్సాహంతో జరుపుకుంటున్నప్పటికీ, మధుర-బృందావన్, జగన్నాథ పురి, ద్వారకాధీష్ ఆలయంలతో పాటు అన్ని ఇస్కాన్ దేవాలయాలలో జన్మాష్టమి పండుగకు ప్రత్యేక ప్రాముఖ్యత ఉంది. జన్మాష్టమి సందర్భంగా ఈ ప్రదేశాలలో అలంకరణలు, ప్రార్ధనలు, ప్రత్యేక హారతులు నిర్వహిస్తారు. శ్రీకృష్ణుని దర్శనం కోసం జన్మదిన వేడుకలను జరుపుకునేందుకు సుదూర ప్రాంతాల నుంచి భక్తులు ఈ ఆలయాలకు వస్తుంటారు. ఈ ఆలయాల్లో జన్మాష్టమి సందర్భంగా నిర్వహించే ఉత్సవాల్లో వేలాది మంది ప్రజలు పాల్గొంటారు.
1 / 6
శ్రీ కృష్ణుడి జన్మస్థలం మధుర: మధురలో జన్మాష్టమికి ప్రధాన ఆకర్షణ కేంద్రం శ్రీ కృష్ణ జన్మభూమి ఆలయం. శ్రీకృష్ణుని జన్మభూమి సందర్భంగా శ్రీకృష్ణుని విగ్రహాన్ని రత్నాలు పొదిగిన నగలు, పసుపు వస్త్రాలు, కిరీటంతో అలంకరించి ప్రత్యేక పూజలు నిర్వహించారు.
2 / 6
బాంకే బిహారీ దేవాలయం బృందావన్: బృందావన్‌లోని బాంకే బిహారీ ఆలయంలో జన్మాష్టమి పండుగను అత్యంత వైభవంగా జరుపుకుంటున్నారు. బాంకే బిహారీ ఆలయంలో కన్నయ్యను అనేక రకాల ఆభరణాలతో అలంకరించారు. భక్తులు ఆలయంలో భజన-కీర్తనలు, ఇతర మతపరమైన కార్యక్రమాలను నిర్వహిస్తున్నారు.
3 / 6
ఇస్కాన్ ఆలయాల్లో : ఇస్కాన్ దేవాలయాల్లో జన్మాష్టమి పండుగను అత్యంత వైభవంగా జరుపుకుంటున్నారు. ఇతర దేవాలయాల మాదిరిగానే, ఇస్కాన్ దేవాలయాలలో కూడా కీర్తనలు, ప్రార్ధన కార్యక్రమాలు నిర్వహించబడుతున్నాయి. భక్తులు శ్రీకృష్ణుని నామస్మరణ చేస్తున్నారు.
4 / 6
ద్వారకాధీశ దేవాలయం: ద్వారకాధీశ ఆలయంలో కూడా కృష్ణ జన్మాష్టమిని ఘనంగా జరుపుకుంటున్నారు. ద్వారక శ్రీ కృష్ణుని నగరంగా పరిగణించబడుతుంది. అందువల్ల ఇక్కడ జన్మాష్టమి పండుగకు ప్రత్యేక ప్రాముఖ్యత ఉంది. ద్వారకాధీశుడు ఆకర్షణీయమైన నగలు, బట్టలు ధరించాడు. గుజరాత్‌లోని శ్రీ ద్వారకాధీష్ ఆలయంలో జన్మాష్టమి సందర్భంగా ప్రత్యేక పూజలు జరుగుతున్నాయి.
5 / 6
జగన్నాథ్ పూరి: ఒడిశాలోని జగన్నాథ ఆలయంలో జన్మాష్టమి వేడుకలు అత్యంత వైభవంగా జరుగుతున్నాయి. శ్రీకృష్ణుడు జన్మించిన అర్ధరాత్రి ప్రత్యేక పూజలు చేస్తారు. జగన్నాథ ఆలయంలో జగన్నాథుడు, బలభద్రుడు, సుభద్ర విగ్రహాలను ప్రత్యేకంగా అలంకరించారు. ప్రత్యేకంగా తయారు చేసిన భోగాన్ని ఆలయంలో స్వామివారికి నైవేద్యంగా సమర్పించి భక్తులకు పంచుతారు.
