Budh Gochar 2023: మిధున రాశిలోకి బుధ గ్రహ సంచారం.. ఆ రాశుల వారికి యోగం పట్టనుంది..! మీకు ఎలా ఉంటుందంటే..
Mercury Transit 2023: బుధ గ్రహం లగ్నంలో ఉన్నా, రాశిలో ఉన్నా అది బుద్ది బలం ఇస్తుంది. దీనివల్ల ఆ వ్యక్తిలో తప్పకుండా జ్ఞానం విజ్ఞానం కలగలిపి ఉంటాయి. బుధ గ్రహానికి అధి దేవత వినాయకుడు. వినాయకుడిని శ్రద్ధగా పూజిస్తే బుధ గ్రహం అన్ని విధాలుగాను సానుకూలం అవుతుంది. మిధున రాశిలో ప్రవేశించిన బుధ గ్రహం వల్ల ఏ ఏ రాశుల వారికి ఏ ఏ విధమైన ఉపయోగం ఉంటుందో, యోగం పడుతుందో ఇక్కడ పరిశీలిద్దాం.
బుద్ధి కారకుడైన బుధ గ్రహం ఈనెల 25వ తేదీ నుంచి తన స్వక్షేత్రమైన మిధున రాశిలో సంచరించడం జరుగుతుంది. ఈ సంచారం జూలై 8 వరకు కొనసాగుతుంది. తెలివితేటలకు, వివేకానికి, దూర దృష్టికి, ప్రణాళిక బద్ధమైన జీవితానికి బుధ గ్రహం కారణం అవుతుంది. జాతకంలో బుధ గ్రహం బలంగా ఉన్న పక్షంలో ఆ జాతకుడి జీవితం ఉత్సాహంగా, ఉల్లాసంగా, సంతృప్తికరంగా సాగిపోతుంది. ఎటువంటి సమస్యను అయినప్పటికీ సునాయాసంగా అధిగమించడం జరుగుతుంది. బుధ గ్రహం లగ్నంలో ఉన్నా, రాశిలో ఉన్నా అది దిగ్బలం ఇస్తుంది. దీనివల్ల ఆ వ్యక్తిలో తప్పకుండా జ్ఞానం విజ్ఞానం కలగలిపి ఉంటాయి. బుధ గ్రహానికి అధి దేవత వినాయకుడు. వినాయకుడిని శ్రద్ధగా పూజిస్తే బుధ గ్రహం అన్ని విధాలుగాను సానుకూలం అవుతుంది. మిధున రాశిలో ప్రవేశించిన బుధ గ్రహం వల్ల ఏ ఏ రాశుల వారికి ఏ ఏ విధమైన ఉపయోగం ఉంటుందో, యోగం పడుతుందో ఇక్కడ పరిశీలిద్దాం.
1 / 13
మేష రాశి: ఈ నెల 25 నుంచి ఈ రాశి వారు ఎటువంటి ప్రయత్నం తలపెట్టినప్పటికీ సాధారణంగా అది తప్పకుండా విజయవంతం అవుతుంది. తోబు ట్టువుల నుంచి కుటుంబ సభ్యుల నుంచి సహాయ సహకారాలు లభిస్తాయి. శత్రువులు కూడా స్నేహితుడిగా మారి అండగా నిలబడ తారు. వ్యక్తిగత ప్రతిష్ట పెరుగుతుంది. ఉద్యో గంలో ఊహించని పురోగతికి అవకాశం ఉంటుంది. కొద్దిపాటి ప్రయత్నం చేయడం, సానుకూల దృక్పథంతో వ్యవహరించడం వల్ల ముఖ్యమైన పనులన్నీ వేగంగా పూర్తవుతాయి.
2 / 13
వృషభ రాశి: మిధున రాశిలో బుధ గ్రహ సంచారం వల్ల ఈ రాశి వారికి అప్రయత్న ధన లాభం, ధన యోగం వంటివి అనుభవానికి వస్తాయి. తప్పకుండా ఆర్థిక స్థిరత్వం ఏర్పడుతుంది. ఆర్థిక సమస్యలు పరిష్కారం అవుతాయి. ఆర్థిక లావాదేవీలు ప్రయోజనం కలిగిస్తాయి. కుటుంబ జీవితం సుఖ సంతోషాలతో సాగిపోతుంది. ఈ రాశి వారి మాటకు, చేతకు విలువ పెరుగుతుంది. వీరి సలహాలు సూచనలకు ప్రాధాన్యం ఉంటుంది. పిల్లలు పురోగతి సాధిస్తారు.
3 / 13
మిథున రాశి: ఈ రాశి వారికి వ్యక్తిగత పురోగతి సాధ్యం అవుతుంది. ఉద్యోగంలో అభివృద్ధి చెందటానికి, వృత్తి పరంగా గుర్తింపు పొందటానికి, వ్యాపారా లలో లాభాలు గడించడానికి ఎదురవుతున్న ఆటంకాలు, అవరోధాలు తొలగిపోతాయి. ఆరోగ్యం చాలావరకు మెరుగుపడుతుంది. కుటుంబం వీలైనంతగా అభివృద్ధి చెందుతుంది. ముఖ్యమైన ప్రయత్నాలు, నిర్ణయాలు ఆశించిన ఫలితాలను ఇస్తాయి. పిల్లలు తమ రంగాలలో ఆశించిన దాని కంటే ఎక్కువగా అభివృద్ధి చెందుతారు.
4 / 13
కర్కాటక రాశి: ఈ రాశి వారు దూర ప్రాంతాలలో లేదా విదేశా లలో స్థిరపడటానికి అవకాశం ఉంది. విదేశీ యానానికి సంబంధించిన ఆటంకాలన్నీ తొలగి పోతాయి. వైద్య ఖర్చులు బాగా తగ్గుతాయి. శుభకార్యాల మీద బాగా ఖర్చు చేయడం జరుగుతుంది. దాంపత్య జీవితంలో అన్యోన్యత పెరుగుతుంది. హద్దులు లేని కామ వాంఛ కలుగుతుంది. ఆస్తి పంపకాలకు సంబంధించిన సమస్యలు చాలా వరకు సానుకూలంగా పరిష్కారం అవుతాయి. శుభవార్తలు వినడం జరుగుతుంది.
5 / 13
సింహ రాశి: ఈ రాశి వారికి లాభ స్థానంలో బుధ గ్రహ సంచారం వల్ల వృత్తిపరంగా, వ్యాపార పరంగా సంపాదన బాగా పెరిగే అవకాశం ఉంది. అనేక మార్గాలలో ఆదాయం పెరుగుతుంది. ఉద్యోగ పరంగా తప్పకుండా పురోగతి చోటు చేసుకుం టుంది. వ్యక్తిగత ప్రతిష్ట ఇనుమడిస్తుంది. వ్యక్తిగతంగా సమస్యలు ఏవైనా ఉంటే అవి సునాయాసంగా పరిష్కారం అవుతాయి. పలుకుబడి కలిగిన వ్యక్తులతో పరిచయాలు ఏర్పడతాయి. రాజకీయ రంగంలో ప్రవేశించే అవకాశం ఉంటుంది.
6 / 13
కన్యా రాశి: ఈ రాశి వారికి దశమ స్థానంలో బుధ గ్రహ సంచారం వల్ల ఉద్యోగ పరంగా అనేక ప్రయోజనాలను పొందే అవకాశం ఉంటుంది. ఉద్యోగ స్థిరత్వం లభిస్తుంది. ఉద్యోగంలో మంచి మార్పులకు అవకాశం ఉంటుంది. నిరుద్యోగులు ఆశించిన ఉద్యోగంలో చేరటానికి అవకాశం ఉంది. ఉద్యోగంలో ప్రమోషన్ లేదా అధికారం దక్కే సూచనలు ఉన్నాయి. ఉద్యోగ పరంగా విదేశాలకు వెళ్లే అవకాశం కూడా కనిపిస్తోంది. వ్యక్తిగతంగా గౌరవ మర్యాదలు పెరుగుతాయి.
7 / 13
తులా రాశి: ఈ రాశి వారికి తప్పకుండా విదేశీయానానికి, విదేశాలలో ఉద్యోగానికి, విదేశాల్లో స్థిరపడటానికి, ఉన్నత విద్యకు వెళ్ళటానికి అవకాశాలు అంది వస్తాయి. సంతానం లేని వారికి సంతానయోగం కలగడానికి అవకాశం ఉంది. ఒకటి రెండు ముఖ్యమైన శుభ పరిణామాలు చోటు చేసుకుంటాయి. ఎటువంటి ప్రయత్నం చేపట్టినప్పటికీ అది సత్ఫలితాలను ఇవ్వడం జరుగుతుంది. ఆరోగ్యం కుదుటపడుతుంది. మంచి నిర్ణయాలు తీసుకోవడానికి మంచి ప్రయత్నాలు చేపట్టడానికి ఇది అనుకూల సమయం.
8 / 13
వృశ్చిక రాశి: ఈ రాశి వారికి దాంపత్య జీవితంలో అన్యోన్యత పెరుగుతుంది. జీవిత భాగస్వామి పురోగతి చెందడం జరుగుతుంది. భర్త లేదా భార్య వైపు నుంచి ఆస్తి కలిసి వచ్చే అవకాశం ఉంది. కుటుంబ జీవితం సుఖ సంతోషాలతో సాగిపో తుంది. ఆర్థిక పరిస్థితి కొంతవరకు మెరుగుపడే సూచనలు ఉన్నాయి. ఉద్యోగంలో సానుకూల వాతావరణం ఏర్పడుతుంది. వారసత్వ సంపద సంక్రమించే సూచనలు ఉన్నాయి. ధనయోగం పట్టే అవకాశం ఉంది.
9 / 13
ధనూ రాశి: ఈ రాశి వారికి సప్తమ స్థానంలో బుధసంచారం వల్ల దాంపత్య జీవితం కొత్త పుంతలు తొక్కు తుంది. ఆర్థికంగా కుటుంబం అభివృద్ధి చెందుతుంది. లాటరీలు, జూదం, షేర్లు, వడ్డీ వ్యాపారం వంటివి ఎంతగానో లాభిస్తాయి. కొత్త నిర్ణయాలు, కొత్త ప్రయత్నాల వల్ల ఉత్తమ ఫలితాలను పొందడం జరుగుతుంది. సంతానం అభివృద్ధి చెందుతుంది. ఈ రాశి వారి సలహాలు, సూచనలకు వృత్తి, ఉద్యోగాలలో విలువ పెరుగుతుంది. భాగస్వాములతో ఉన్న సమస్యలు పరిష్కారం అవుతాయి.
10 / 13
మకర రాశి: ఈ రాశి వారికి అనుకోకుండా ఆదాయం పెరిగి అవసరాలు తీరడమే కాకుండా ఆర్థిక సమస్యలు బాగా తగ్గిపోయే సూచనలు ఉన్నాయి. ఎంత సానుకూల దృక్పథంతో వ్యవహరిస్తే అంత మంచిది. వ్యతిరేకంగా కనిపించే పనులు కూడా సానుకూలంగా అవుతాయి. ఇప్పుడు తీసుకున్న నిర్ణయాలు, చేపట్టిన ప్రయత్నాలు భవిష్యత్తులో ఆశించిన ఫలితాలను ఇస్తాయి. ప్రణాళికా బద్ధంగా పనిచేస్తే మనసులోని కోరికలన్నీ నెర వేరుతాయి. ఆరోగ్యం అనుకూలంగా ఉంటుంది.
11 / 13
కుంభ రాశి: ఈ రాశి వారి ఆలోచనలు, నిర్ణయాలు, ప్రయత్నా లన్నీ సత్ఫలితాలను ఇస్తాయి. మనసులోని కోరికలు నెరవేరుతాయి. ఒకటి రెండు కుటుంబ సమస్యలు సునాయాసంగా పరిష్కారం అవుతాయి. జీవితం ఒక మంచి మలుపు తిరిగే అవకాశం ఉంది. పిల్లల పైకి రావడం, వారి నుంచి శుభవార్తలు వినటం వంటివి జరుగుతాయి. ఈ రాశి వారి శైలికి అంటి గుర్తింపు లభిస్తుంది. వృత్తి ఉద్యోగాలలో ఒక మెట్టు పైకి వెళ్ళడానికి అవకాశం ఉంది. ఆరోగ్యం నిలకడగానే ఉంటుంది.
12 / 13
మీన రాశి: నాలుగవ స్థానంలో సంచరిస్తున్న బుధ గ్రహం వల్ల కుటుంబంలో సుఖసంతోషాలు చోటు చేసుకుంటాయి. గృహ వాహన సమస్యలు పరిష్కారం అవుతాయి. ఏ ప్రయత్నం తలపెట్టి నప్పటికీ అది చాలా వరకు విజయవంతం అయ్యే అవకాశం ఉంది. పిల్లలు అభివృద్ధి చెందుతారు. శుభవార్తలు మోసుకు వస్తారు. వృత్తి ఉద్యోగాలలో శుభపరిణామాలు చోటు చేసుకుంటాయి. నిరుద్యోగులు మంచి ఉద్యోగంలో చేరే అవకాశం ఉంది. ఆరోగ్యం బాగుపడుతుంది.
