Onion Hair Oil: జుట్టు బాగా ఊడిపోతోందా.. ఉల్లి నూనె బెస్ట్ మెడిసిన్.. ఇంట్లోనే తయారు చేసుకోండి ఇలా

ప్రస్తుతం మారిన జీవన విధానం.. ఆహారపు అలవాట్లతో అనేక శారీరక ఇబ్బందులతో పాటు తలలో చుండ్రు, జుట్టు రాలిపోవడం కూడా ఓ సమస్యగా మారింది. ఒత్తైన జుట్టుని ప్రతి ఒక్కరూ కోరుకుంటారు. దీంతో రకరకాల ప్రయత్నాలు కూడా చేస్తారు. అయితే ఒత్తైన జుట్టు కోసం ఉలిపాయ మంచి ఎంపిక. ఉల్లిపాయతో చేసిన నూనెను క్రమం తప్పకుండా ఉపయోగిస్తే హెయిర్ ఫాల్ ఆగుతుంది. ఈ నేపథ్యంలో ఇంట్లోనే ఆనియన్ ఆయిల్ ను తయారు చేసుకోవచ్చు.

Onion Hair Oil 1

: ఉల్లిపాయలో సల్ఫర్ ఉంటుంది. జుట్టు రాలడాన్ని తగ్గించి జుట్టు ఒత్తుగా మారడంలో సహాయపడుతుంది. జుట్టు పెరుగుదలకు సహాయపడుతుంది. ఈ ఉల్లిపాయ రసం కొల్లాజెన్ ఉత్పత్తిని కూడా పెంచుతుంది.

: ప్రస్తుతం ప్రతి ఒక్కరూ జుట్టు రాలిపోతుంది అంటూ ఫిర్యాదు చేస్తారు. ముఖ్యంగా శీతాకాలంలో జుట్టు ఎక్కువగా రాలిపోతుంది. దీనికి ప్రధాన కారణం వాతావరణం. శీతాకాలంలో వాతావరణం పొడిగా ఉంటుంది. దీనికి తోడు చుండ్రు, కాలుష్యం కూడా ఎక్కువగా జుట్టు రాలిపోవడానికి కారణం అవుతుంది.

: చుండ్రు వల్ల తల దురదతో ఇబ్బంది పడతారు. అంతేకాదు ఎక్కువగా జుట్టు రాలిపోతుంది. చలికాలంలో స్కాల్ప్ కూడా డ్రైగా మారుతుంది. అదొక్కటే జుట్టుకు అప్లై చేసే షాంపు విధానం కూడా అధికంగా హెయిర్ ఫాలింగ్ కు కారణం అవుతుంది.

: బయటికి వెళ్లిన తర్వాత వాతావరణంలోని కాలుష్య ప్రభావం వల్ల జుట్టుపై మురికి పేరుకుపోతుంది. ఎక్కువ మురికి పేరుకుపోతే జుట్టు ఎక్కువగా రాలిపోతుంది. అంతేకాదు హార్మోన్ల అసమతుల్యత కారణంగా జుట్టు రాలడం. సరిగ్గా తినకపోయినా జుట్టు రాలిపోతుంది. తీవ్ర ఆరోగ్యబారిన పడి ఆ పరిస్థితి నుంచి కోలుకున్నా, జుట్టు రాలిపోయి బట్టతల అవుతుంది

: ఇలాంటి సమయంలో మార్కెట్ లో దొరికే నూనెను షాంపూని కొని ఉపయోగిస్తారు. కొంతమంది వివిధ రకాల చికిత్సలు కూడా చేయించుకుంటున్నారు. అయితే ఇంట్లో దొరికే ఉల్లిపాయ తో హెయిల్ ఫాలింగ్ కు చెక్ పెట్టవచ్చు. ఉల్లిపాయ రసం చాలా బాగా పనిచేస్తుంది

: రెండు ఉల్లిపాయలను పూర్తిగా రుబ్బుకోవాలి. మొత్తం 50 గ్రాముల ఉల్లిపాయ రసం వచ్చేలా బాగా పేస్ట్ చేయండి. అనంతరం ఉల్లిపాయ రసం తీయండి. ఈ ఉల్లిపాయ రసాన్ని కొబ్బరి నూనెతో కలిపి బాగా మరిగించాలి. ఇప్పుడు ఆ నూనె చల్లారనివ్వండి. వడకట్టి ఒక గాజు సీసాలో భద్ర పరచుకోండి. ఈ నూనెను తలకు రాసుకోవాలి. 2 గంటల పాటు అలాగే ఉంచి అనంతరం షాంపూతో తలస్నానం చేయాలి