Curd preservation: పెరుగు త్వరగా చెడిపోతుందా.. ఇలా నిల్వ చేస్తే వారమైనా ఫ్రెష్గా ఉంటుంది!
పెరుగు తినేందుకు చాలా మంది ఇష్టపడుతారు. మళ్లీ మళ్లీ షాప్లకు వెరు వెళ్తారని కొందరు ఒకేసారి ఎక్కువ మొత్తంలో పెరుగు తెచ్చుకొని ఇంట్లో పెట్టుకుంటారు. కానీ కొన్ని సార్లు అది త్వరగా పాడవుతుంది. అలాగే పుల్లగా మారిపోతుంది. కానీ మీరు ఇప్పుడు మేం చెప్పబోయే ఈ చిట్కాలను ఉపయోగిస్తే వారం రోజులైనా మీరు పెరుగును ఫ్రష్గా ఉంచుకోవచ్చు. అదెలానో తెలుసుకుందాం.
మన దేశంలో చాలా మందికి పెరుగు అత్యంత ప్రీతికరమైన పదార్థం. ఇది లేకుండా భోజనం అసంపూర్తిగా ఉంటుంది. అయితే చాలా మంది బయటి నుంచి తెచ్చుకునే బదులు ఇంట్లోనే పెరుగును తయారు చేసుకుంటారు. అయితే అది కొన్ని సార్లు చాలా త్వరగా పుల్లగా మారిపోతుంది. కాబట్టి ఈ సమస్యకు చెక్ పెట్టి పెరుగునున్న ఎక్కువ రోజులు నిల్వ ఉంచుకునేందుకు మన పూర్వికులు వాడిన కొన్ని చిట్కాలను మేం ఇప్పుడు మీకు చెప్పబోతున్నాం.
ఉల్లిపాయ: పెరుగును చెడిపోకుండా ఉంచేందుకు ఉల్లిపాయ అద్భుతంగా పనిచేస్తుంది. ఇది మన పూర్వీకులు ఉపయోగించే గొప్ప చిట్కా. పెరుగు చిక్కగా అయిన తర్వాత, రెండు లేదా మూడు చిన్న ఉల్లిపాయలను తొక్క తీసి పెరుగులో వేయండి. ఇవి పెరుగులోని అదనపు ఆమ్లతను గ్రహిస్తాయి. ఫ్రిజ్ అందుబాటులో లేనప్పుడు లేదా వేసవిలో ఈ చిట్కా అద్భుతంగా పనిచేస్తుంది. ఇది వారం పాటు పెరుగును ప్రష్గా ఉంచడంలో సహాయపడుతుంది.
పెరుగులో నీరు: పెరుగులోని నీరు త్వరగా పుల్లగా మారుతుంది. ఈ సమస్యను అధిగమించడానికి, ఒక శుభ్రమైన కాటన్ క్లాత్ తీసుకొని పెరుగును అందులో పోసి వడకట్టండి ఇలా చేయడం ద్వారా అందులో ఉన్న నీరు తొలగిపోతుంది. ఇప్పుడు, మిగిలిన గట్టి పెరుగును గాలి చొరబడని కంటైనర్లో వేసి ఫ్రిజ్లో నిల్వ చేయండి. నీరు లేకపోవడం వల్ల, కిణ్వ ప్రక్రియ ఆగిపోతుంది. దీని వల్ల పెరుగు కనీసం ఒక వారం పాటు ఫ్రష్గా ఉంటుంది.
పెరుగు తీసేటప్పుడు ఎల్లప్పుడూ పొడి చెంచా వాడండి. తడి చెంచా వాడటం వల్ల బ్యాక్టీరియా పెరిగి త్వరగా చెడిపోతుంది. అలాగే, గిన్నె మొత్తాన్ని కలపవద్దు, ఒక చెంచా మాత్రమే తీసుకోండి. గిన్నెను పదే పదే కదిలించడం వల్ల నీరు పేరుకుపోయి పుల్లగా మారుతుంది. ఉల్లిపాయలు, వెల్లుల్లి, ఊరగాయలు వంటి బలమైన వాసన వచ్చే పదార్థాల నుండి పెరుగును దూరంగా ఉంచితే, దాని అసలు రుచి పోదు.
Note: పైన పేర్కొన్న అంశాలు ఇంటర్నెట్, నివేదికల ఆధారంగా మాత్రమే అదించబడినవి.. వీటినీ TV9 దృవీకరించట్లేదు. వీటిపై మీకేవైనా సందేహాలు ఉంటే ఉపయోగించే ముందు నిపుణులను సంప్రదించండి.