Asthma Treatment: వైద్య చరిత్రలో మరో అద్భుతం.. ఆస్తమాకు తొలిసారి మందు కనుగొన్న సైంటిస్టులు
మనిషిని ఉక్కిరి బిక్కిరి చేసే దీర్ఘకాలిక వ్యాధుల్లో ఆస్తమా ఒకటి. ఇప్పటి వరకు స్టెరాయిడ్స్ ద్వారా మాత్రమే ఈ వ్యాధికి చికిత్స చేస్తూ వచ్చారు. కానీ ఇప్పుడు ఈ వ్యాధిని అంతమొందించే మందు మనముందుకు వచ్చింది. దాదాపు 50 యేళ్ల పరిశోధన తర్వాత సైంటిస్టులు తొలిసారి ఆస్తమాకు మందును కనుగొన్నారు..
అన్ని కాలాల్లో ఆరోగ్యపరంగా మనిషిని కుంగదీసే సమస్యల్లో ‘ఆస్తమా’ (ఉబ్బసం) ఒకటి. అయితే ఈ సమస్య నుంచి ఉపశమనం పొందడానికి ఇప్పటి వరకూ నిర్ధిష్ట ట్రీట్‌మెంట్ లేదు. ఆహారం, జీవన శైలిలో కొద్దిపాటి మార్పుల వంటి వాటి ద్వారా ఇప్పటి వరకూ చికిత్స అందిస్తూ వస్తున్నారు వైద్యులు. దీంతో ఇది దీర్ఘకాల ఆరోగ్య సమస్యగా మారిపోయింది.
అయితే తాజాగా ఆస్తమా చికిత్సకు సంబంధించి సైంటిస్టులు మరో ముందడుగు వేశారు. దాదాపు 50 యేళ్లు శ్రమించి దీనికి మందు కనుగొన్నారు. తీవ్ర ఆస్తమా వ్యాధికి 'బెన్రలిజుమాబ్' అనే మందును కనుగొన్నట్లు శాస్త్రవేత్తలు చెబుతున్నారు. అత్యవసర ఆసుపత్రిలో చేరడాన్ని తగ్గించడాన్ని, ఉబ్బసం, COPD పరిస్థితులను నివారించడానికి ఎంతో ఉపయోగించబడుతుందని వారు చెబుతున్నారు.
ప్రపంచవ్యాప్తంగా ఆస్తమా, COPDతో బాధపడుతున్న లక్షలాది మందికి ఈ కొత్త మందు చికిత్స అందించడానికి సహాయపడుతుందని శాస్త్రవేత్తలు అంటున్నారు.
బెన్రాలిజుమాబ్ అనే ఔషధం అనేది మోనోక్లోనల్ యాంటీబాడీ. ఇది ఊపిరితిత్తుల వాపును తగ్గించడానికి, ఇసినోఫిల్స్ అని పిలువబడే నిర్దిష్ట తెల్ల రక్త కణాలను లక్ష్యంగా చేసుకుని పనిచేస్తుంది. ఆస్తమా చికిత్సకు ఇది ఉపయోగించబడుతుంది.
'బెన్రలిజుమాబ్' (Benralizumab) అనేది పూర్తిగా సురక్షితమైన, సమర్థవంతమైన ఔషధమని వైద్యులు చెబుతున్నారు. ఇప్పటికే తీవ్రమైన ఆస్తమా ఉన్నవారి చికిత్సలో ఉపయోగించవచ్చని అంటున్నారు. ప్రస్తుతం అందుబాటులో ఉన్న ఏకైక చికిత్స అయిన స్టెరాయిడ్ మాత్రల కంటే ఇది మరింత ప్రభావవంతంగా పనిచేస్తుందని శాస్త్రవేత్తలు అంటున్నారు.