IND vs AUS: జహీర్ ఖాన్ రికార్డ్‌ని సమం చేసిన సూర్య కుమార్ యాదవ్.. ఆ అరుదైన లిస్టులో మూడో ప్లేయర్‌గా రికార్డ్..

IND vs AUS 2nd ODI: ఇండోర్ వేదికగా ఆస్ట్రేలియాతో జరిగిన రెండో వన్డేలో భారత్ 99 పరుగుల తేడాతో ఘన విజయం సాధించింది. ఈ మ్యాచ్‌లో శ్రేయాస్ అయ్యర్ (105), శుభ్‌మన్ గిల్ (104) సెంచరీలు చేయగా.. కేఎల్ రాహుల్ (52), సూర్యకుమార్ యాదవ్ (72) హాఫ్ సెంచరీలతో రాణించారు. వీరిలో సూర్య ఇన్నింగ్స్ అయితే మ్యాచ్‌కే హైలైట్. కేవలం 37 బంతుల్లోనే అజేయంగా 72 పరుగులు చేశాడు. ఈ క్రమంలో స్కై ఓ అరుదైన రికార్డ్ సాధించాడు. దీంతో అతను జహీర్ ఖాన్, రోహిత్ శర్మ సరసన కూడా చేరాడు.