Brinjal Masala Recipe: వహ్వా.. వంకాయ మసాలా కూర! ఎలా తయారు చేసుకోవాలంటే..
వంకాయ కూర రుచే వేరబ్బ.. అందుకే వంటింటి రారాజుగా వంటకాయకు పేరు. చపాతీ, అన్నం, బిర్యానీ.. ఇలా దేనిలోనైనా వంకాయ కూర కాంబినేషన్‌ అదిరిపోతుంది. మీకు వంకాయ- క్యాప్సికమ్ మసాలా కూర ఎలా వండాలో తెలుసా? చాలా సింపుల్‌గా చేసెయ్యొచ్చు. ఈ వంటకం ఒక్కసారి ట్రై చేశారంటే ఇంట్లో మీ కుంటుంబ సభ్యులు ఫుల్ మార్క్స్‌ వేసేస్తారంతే.. వంకాయ- క్యాప్సికమ్ మసాలా ఎలా తయారు చేయాలంటే..
వంకాయ కూర రుచే వేరబ్బ.. అందుకే వంటింటి రారాజుగా వంటకాయకు పేరు. చపాతీ, అన్నం, బిర్యానీ.. ఇలా దేనిలోనైనా వంకాయ కూర కాంబినేషన్‌ అదిరిపోతుంది. మీకు వంకాయ- క్యాప్సికమ్ మసాలా కూర ఎలా వండాలో తెలుసా? చాలా సింపుల్‌గా చేసెయ్యొచ్చు. ఈ వంటకం ఒక్కసారి ట్రై చేశారంటే ఇంట్లో మీ కుంటుంబ సభ్యులు ఫుల్ మార్క్స్‌ వేసేస్తారంతే.. వంకాయ- క్యాప్సికమ్ మసాలా ఎలా తయారు చేయాలంటే..
1 / 5
వంకాయను ముందుగా పొడవుగా లేదా చిన్న ముక్కలుగా కట్‌ చేసుకోవాలి. బాణలిలో నూనె వేసి నీళ్లలో కడిగిన వంకాయ ముక్కలను వేసి బాగా వేయించుకోవాలి. మరీ ఎర్రగా కాకుండా గోదుమ రంగు వచ్చే వరకు వేయించాలి. ఇప్పుడు వంకాయ ముక్కలను ఒక గిన్నెలోకి తీసుకుని, బాణలిలో క్యాప్సికమ్ ముక్కలు వేసి వేయించుకుని.. వీటిని కూడా మరొక గిన్నెలో తీసిపెట్టుకోవాలి.
2 / 5
తర్వాత బాణలిలో ఒక స్పూన్‌ నూనె వేసి స్పూన్‌ కొత్తిమీర తురుం, కారం, కొద్దిగా పసుపు, మిరియాల పొడి వేసి వేయించుకోవాలి. బాగా వేగిన తర్వాత స్పూన్‌ మసాలా వేయాలి. తర్వాత 1 స్పూన్‌ అల్లం పేస్టు వేసుకోవాలి. మసాలా పచ్చి వాసన పోయేంత వరకూ వేయించుకోవాలి. తర్వాత కప్పు టమోటా ముక్కలు వేసుకోవాలి.
3 / 5
రుచికి సరిపడా వేసుకుని మూత పెట్టాలి. టొమాటోలు మెత్తగా అయ్యాక అందులోనే వేయించిన వంకాయ ముక్కలు, క్యాప్సికమ్ కలుపుకోవాలి. గ్రేవీ కోసం కాసిన్ని నీళ్లు జోడించవచ్చు. ఐదు నిముషాలు సన్నని సెగపై ఉడికిస్తే సరి. వంకాయ-క్యాప్సికమ్ కూర సిద్ధం.
4 / 5
ఉల్లిపాయ, వెల్లుల్లి అవసరం లేదు. చిన్నపిల్లల నుంచి పెద్దల వరకు అందరూ ఇష్టపడి తింటారు. రుచి కోసం అందులో కొత్తిమీర తరుగు, పచ్చిమిర్చి వేసి వేయించుకోవచ్చు. ఈ కూర వేడివేడిగా చపాతీ లేదా అన్నంలో తింటే చాలా బాగుంటుంది. ఆలస్యం ఎందుకు ఈ రోజే ట్రై చేయండి.
