Eagle: రవితేజ ఈగల్‌కు అతిపెద్ద సవాల్ ఇదే.. దాన్ని దాటగలదా ??
ముందు నుంచి అనుకుంటున్నట్లుగానే సంక్రాంతి రేసు నుంచి రవితేజ తప్పుకున్నాడు. ఆయన నటిస్తున్న ఈగల్ సినిమాను ఫిబ్రవరి 9న విడుదల చేయడానికి నిర్మాతలు ఓకే చెప్పడంతో మిగిలిన మూడు సినిమాలకు లైన్ క్లియర్ అయిపోయింది. ఒక్క సినిమా తప్పుకోవడంతో ఏం జరుగుతుంది అనుకోవచ్చు కానీ రవితేజ లాంటి స్టార్ హీరో సినిమాను పక్కన బెడితే కచ్చితంగా దానికోసం ఇచ్చిన 500 థియేటర్స్ మిగిలిన మూడు సినిమాలకు పంచుకోవచ్చు. ఈ క్రమంలోనే ఈగల్ కోసం అనుకున్న స్క్రీన్స్ అన్నీ ఇప్పుడు నా సామిరంగా వైపు వెళ్తున్నట్లు తెలుస్తుంది.
ముందు నుంచి అనుకుంటున్నట్లుగానే సంక్రాంతి రేసు నుంచి రవితేజ తప్పుకున్నాడు. ఆయన నటిస్తున్న ఈగల్ సినిమాను ఫిబ్రవరి 9న విడుదల చేయడానికి నిర్మాతలు ఓకే చెప్పడంతో మిగిలిన మూడు సినిమాలకు లైన్ క్లియర్ అయిపోయింది. ఒక్క సినిమా తప్పుకోవడంతో ఏం జరుగుతుంది అనుకోవచ్చు కానీ రవితేజ లాంటి స్టార్ హీరో సినిమాను పక్కన బెడితే కచ్చితంగా దానికోసం ఇచ్చిన 500 థియేటర్స్ మిగిలిన మూడు సినిమాలకు పంచుకోవచ్చు.
1 / 6
ఈ క్రమంలోనే ఈగల్ కోసం అనుకున్న స్క్రీన్స్ అన్నీ ఇప్పుడు నా సామిరంగా వైపు వెళ్తున్నట్లు తెలుస్తుంది. ఇదిలా ఉంటే ఈగల్ సినిమా పోస్ట్ పోన్ అయింది.. సంక్రాంతి సినిమాలకు బాగానే ఉంది.. కానీ అసలు విషయం మాత్రం మరోటి ఉంది. ఎందుకంటే ఇప్పుడు ఈగల్ కోసం అనౌన్స్ చేసిన డేట్ రవితేజకు పెద్దగా కలిసిరాలేదు. దాంతో ఆయన ఫ్యాన్స్ కంగారు పడుతున్నారు.
2 / 6
గతంలో ఫిబ్రవరిలో వచ్చిన రవితేజ మూవీస్ పెద్దగా ఆకట్టుకోలేదు. ఇంకా చెప్పాలంటే మాస్ రాజాకు ఫిబ్రవరి అస్సలు కలిసిరాలేదు. 15 ఏళ్లుగా ఈ బ్యాడ్ లక్ ఆయన్ని వెంటాడుతూనే ఉంది. అందుకే రవితేజ అభిమానులకు ఇప్పుడు కంగారు తప్పడం లేదు. 2006లో హరీష్ శంకర్ దర్శకుడిగా పరిచయం అయిన షాక్ నుంచే ఫిబ్రవరి షాకులు ఇస్తుంది రవితేజకు. షాక్ సినిమాను కూడా ఫిబ్రవరి 9నే విడుదల చేసారు.
3 / 6
ఆ సినిమా దారుణంగా నిరాశ పరిచింది. ఆ తర్వాత 2012 ఫిబ్రవరి 2న గుణశేఖర్ తెరకెక్కించిన నిప్పు సినిమాతో వచ్చాడు మాస్ రాజా. ఆ సినిమా కూడా డిజాస్టరే. ఇక 2018లో విక్రమ్ సిరికొండ తెరకెక్కించిన టచ్ చేసి చూడు సినిమాను కూడా ఫిబ్రవరి 2నే విడుదల చేసారు. దీని ఫలితం కూడా మారలేదు. రెండేళ్ల కింద 2022లో ఫిబ్రవరి 11న ఖిలాడీ సినిమా విడుదలైంది.
4 / 6
క్రాక్ లాంటి బ్లాక్‌బస్టర్ తర్వాత రవితేజ నుంచి వచ్చిన సినిమా కావడంతో భారీ అంచనాల మధ్య విడుదలైంది ఖిలాడీ. రమేష్ వర్మ పెన్మత్స తెరకెక్కించిన ఈ చిత్రం కూడా ఫ్లాపే. మీనాక్షి చౌదరి, డింపుల్ హయాతీ అందాలు కూడా ఖిలాడీని కాపాడలేకపోయాయి. ఈ నాలుగు సినిమాలు ఫిబ్రవరిలోనే వచ్చి ఫ్లాప్ అయ్యాయి. ఇప్పుడు మరోసారి ఫిబ్రవరి 9నే ఈగల్ రిలీజ్ అంటున్నారు.
5 / 6
ఇక్కడే ఫ్యాన్స్ కంగారు పడుతున్నారు. కానీ ఈ సారి వచ్చే సినిమా కచ్చితంగా బ్యాడ్ సెంటిమెంట్‌కు బ్రేక్ చెప్తుందని నమ్మకంగా ఉన్నారు దర్శక నిర్మాతలు. కార్తిక్ ఘట్టమనేని తెరకెక్కిస్తున్న ఈగల్‌లో అనుపమ పరమేశ్వరన్, కావ్య థపర్ హీరోయిన్లుగా నటిస్తున్నారు. పీపుల్ మీడియా ఫ్యాక్టరీ ఈ సినిమాను నిర్మిస్తున్నారు. మరి చూడాలిక.. ఈగల్‌తో అయినా రవితేజ ఈ ఫిబ్రవరి గండాన్ని దాటుతాడో లేదో..?
