Paid Premeiers: పెయిడ్ ప్రీమియర్స్కు సై అంటోన్న ‘చోటా’ మూవీస్.. ముందుగానే చూసేయ్యండంటూ..!
స్టార్ హీరోల సినిమాలకు ఫస్ట్ డే కలెక్షన్స్ వద్దన్నా వస్తాయి.. కానీ చిన్న సినిమాలకు అలాక్కాదు కదా..! బాగుందంటే గానీ థియేటర్స్కు కదలరు ఆడియన్స్. అందుకే మా సినిమాను ముందుగానే చూసేయమంటూ పెయిడ్ ప్రీమియర్స్ బాట పడుతున్నారు మేకర్స్. చిన్న సినిమాలకు పెయిడ్ ప్రీమియర్స్ ఎంతవరకు హెల్ప్ అవుతున్నాయి..? అది వర్కౌట్ అయితే ఓకే.. మిస్ ఫైర్ అయితే అంతే సంగతులు. కానీ చిన్న సినిమాల్ని జనాల్లోకి తీసుకెళ్లడానికి పెయిడ్ ప్రీమియర్స్ తప్ప మరో ఆప్షన్ లేకుండా పోతుందిప్పుడు.
స్టార్ హీరోల సినిమాలకు ఫస్ట్ డే కలెక్షన్స్ వద్దన్నా వస్తాయి.. కానీ చిన్న సినిమాలకు అలాక్కాదు కదా..! బాగుందంటే గానీ థియేటర్స్కు కదలరు ఆడియన్స్. అందుకే మా సినిమాను ముందుగానే చూసేయమంటూ పెయిడ్ ప్రీమియర్స్ బాట పడుతున్నారు మేకర్స్. చిన్న సినిమాలకు పెయిడ్ ప్రీమియర్స్ ఎంతవరకు హెల్ప్ అవుతున్నాయి..?
పెయిడ్ ప్రీమియర్స్.. ఇండస్ట్రీలో మోస్ట్ ట్రెండింగ్ వర్డ్ ఇది. రిలీజ్కు ఒక్కరోజు ముందు సినిమా చూపించడం అంటే ఆషామాషీ కాదు. సినిమా భవిష్యత్తును ఓ రోజు ముందుగానే ఆడియన్స్ చేతిలో పెట్టడమే. అది వర్కౌట్ అయితే ఓకే.. మిస్ ఫైర్ అయితే అంతే సంగతులు. కానీ చిన్న సినిమాల్ని జనాల్లోకి తీసుకెళ్లడానికి పెయిడ్ ప్రీమియర్స్ తప్ప మరో ఆప్షన్ లేకుండా పోతుందిప్పుడు.
ఎక్కడివరకో ఎందుకు.. సంక్రాంతికి విడుదలై సంచలనం రేపిన హనుమాన్ సినిమాకు ముందు రోజే ప్రీమియర్స్ వేసారు. ఒకటి రెండు కాదు.. ఇండియన్ సినిమా కనీవినీ ఎరుగని విధంగా 1000 షోలకు పైగా వేసారు.
అలాగే గతేడాది సాయి రాజేష్ తెరకెక్కించిన బేబీ.. సామజవరగమనా.. బలగం.. రైటర్ పద్మభూషణ్ ఇలా ఎన్నో సినిమాలకు ముందు రోజే పెయిడ్ ప్రీమియర్స్ వేసారు.
ప్రీమియర్స్ వల్ల అన్నీ లాభాలే ఉంటాయనుకోలేం. కొన్నిసార్లు నష్టాలు కూడా తప్పవు. ఆ మధ్య నాగశౌర్య రంగబలితో పాటు అప్పట్లో ఫలక్నుమా దాస్, ఈ నగరానికి ఏమైంది లాంటి సినిమాలకు పెయిడ్ ప్రీమియర్స్ పెద్దగా వర్కవుట్ అవ్వలేదు. తాజాగా అంబాజీపేట మ్యారేజీ బ్యాండ్కు ఓ రోజు ముందే ఈ ప్రీమియర్స్ వేస్తున్నారు. మరి చూడాలిక.. సుహాస్ జాతకం ఎలా మారబోతుందో..?