1000 Crores Dream: మళ్లీ మన సినిమా వెయ్యి కోట్ల కల తీరేదెప్పుడు? ఆ సినిమాలతోనే ఇది సాధ్యమా..
ఇండియన్ స్క్రీన్‌కు వెయ్యి కోట్ల మార్క్‌ను పరిచయం చేసిన ఘనత టాలీవుడ్‌దే. రాజమౌళి దర్శకత్వంలో తెరకెక్కిన బాహుబలి 2తో ఇండియన్ మూవీ మార్కెట్‌కు కొత్త హైట్స్ చూపించారు. ఈ సినిమా 1800 కోట్లకు పైగా వసూళ్లు సాధించిన మన సినిమా సత్తా ఏంటో ప్రపంచానికి చాటింది. బాహుబలి సక్సెస్ సౌండ్ విన్నాకా... అంతకు ముందే రిలీజ్‌ అయిన దంగల్‌ను కూడా ఇతర దేశాల్లో రిలీజ్‌ చేసిన 2 వేల కోట్ల మార్క్‌ను రీచ్ అయ్యింది నార్త్ సినిమా.
ఇండియన్ స్క్రీన్‌కు వెయ్యి కోట్ల మార్క్‌ను పరిచయం చేసిన ఘనత టాలీవుడ్‌దే. రాజమౌళి దర్శకత్వంలో తెరకెక్కిన బాహుబలి 2తో ఇండియన్ మూవీ మార్కెట్‌కు కొత్త హైట్స్ చూపించారు. ఈ సినిమా 1800 కోట్లకు పైగా వసూళ్లు సాధించిన మన సినిమా సత్తా ఏంటో ప్రపంచానికి చాటింది. బాహుబలి సక్సెస్ సౌండ్ విన్నాకా... అంతకు ముందే రిలీజ్‌ అయిన దంగల్‌ను కూడా ఇతర దేశాల్లో రిలీజ్‌ చేసిన 2 వేల కోట్ల మార్క్‌ను రీచ్ అయ్యింది నార్త్ సినిమా.
1 / 5
బాహుబలి 2తో వెయ్యి కోట్ల క్లబ్‌కు వెల్‌ కం చెప్పిన టాలీవుడ్, ఆ తరువాత ఆ రేంజ్‌ సినిమా ఇవ్వటంలో మాత్రం తడబడుతోంది. మళ్లీ రాజమౌళి దర్శకత్వంలోనే తెరకెక్కిన ట్రిపులార్‌ అతి కష్టం మీద 1000 కోట్ల మార్క్‌ను క్రాస్ చేసింది. ఒక్క రాజమౌళి తప్ప మరే టాలీవుడ్ దర్శకుడు వెయ్యి కోట్ల రేంజ్‌లో బజ్‌ క్రియేట్ చేయలేకపోయారు.
2 / 5
బాలీవుడ్ మాత్రం ఈ విషయంలో కాస్త ముందే ఉంది. ఆలస్యంగా వెయ్యి కోట్ల క్లబ్‌లోకి ఎంట్రీ ఇచ్చినా... ఈ ఏడాది రెండు వెయ్యి కోట్ల సినిమాలతో సత్తా చాటింది నార్త్ ఇండస్ట్రీ. షారూఖ్ హీరోగా సిద్దార్థ్ ఆనంద్ దర్శకత్వంలో తెరకెక్కిన పఠాన్ సినిమా ఇండియన్ బాక్సాఫీస్‌ను షేక్ చేసింది. స్పై యూనివర్స్‌లో భాగంగా యాక్షన్ ఎంటర్‌టైనర్‌గా తెరకెక్కిన పఠాన్ షారూఖ్ కెరీర్‌లో బిగ్గెస్ట్ హిట్‌గా నిలవటమే కాదు వెయ్యి కోట్లకు పైగా వసూళ్లు సాధించింది.
3 / 5
రీసెంట్‌గా జవాన్ సినిమాతో మరోసారి వెయ్యి కోట్ల మార్క్‌ను టచ్ చేసింది బాలీవుడ్. అట్లీ దర్శకత్వంలో తెరకెక్కిన జవాన్, పఠాన్ రికార్డులు బ్రేక్ చేయటమే కాదు షారూఖ్ కెరీర్‌లో బిగ్గెస్ట్ హిట్‌గా నిలిచింది. దీంతో ఒకే ఏడాదిలో రెండు వెయ్యి కోట్ల సినిమాలు ఇచ్చిన వన్‌ అండ్ ఓన్లీ హీరోగా చరిత్ర సృష్టించారు షారూఖ్ ఖాన్‌. దీపావళి కానుకగా రిలీజ్‌కు రెడీ అవుతున్న టైగర్ 3 మీద కూడా భారీ అంచనాలు ఉన్నాయి ఈ సినిమా కూడా వెయ్యి కోట్ల క్లబ్‌లోకి ఎంట్రీ ఇస్తుందని గట్టిగా నమ్ముతున్నారు నార్త్ మేకర్స్‌. అదే జరిగితే టాలీవుడ్ కన్నా బాలీవుడ్ చాలా ముందున్నట్టే అంటున్నారు విశ్లేషకులు.
4 / 5
అప్‌ కమింగ్ తెలుగు సినిమాల్లో వెయ్యి కోట్ల మార్క్‌ను టచ్ చేసే రేంజ్‌ అంచనాలు ఉన్న సినిమాలు రెండే. అల్లు అర్జున్‌, సుకుమార్‌ కాంబినేషన్‌లో తెరకెక్కుతున్న పుష్ప 2తో పాటు ప్రభాస్‌, ప్రశాంత్ నీల్ కాంబో తెరకెక్కుతున్న సలార్‌. మాస్ యాక్షన్ ఎంటర్‌టైనర్లుగా తెరకెక్కుతున్న ఈ రెండు సినిమాల మీద వెయ్యి కోట్ల ఆశలు గట్టిగానే ఉన్నాయి. మరి వీళ్లైన మరోసారి నేషనల్ బాక్సాఫీస్ ముందు మన జెండా ఎగరేస్తారేమో చూడాలి.
