Kalki 2: కల్కి 2పై క్లారిటీ.. పాపం ప్రభాస్ ఫ్యాన్స్ ఆశలన్నీ.. నిరాశలేనా..
కల్కి 2 ఎప్పుడు.. షూటింగ్ ఎప్పట్నుంచి మొదలు కాబోతుంది.. ఎప్పుడు విడుదల కాబోతుంది..? ప్రభాస్ ఫ్యాన్స్ మదిలో ఉన్న బేసిక్ క్వశ్చన్స్ ఇవి. దీనికి ఒక్కొక్కరు ఒక్కోలా సమాధానం చెప్తున్నారు. మరి కెప్టెన్ మాటేంటి..? అసలు కల్కి 2 మీద నాగ్ అశ్విన్ ఏమంటున్నారు..? షూటింగ్ ఎప్పుడు మొదలు కానుంది..? అసలు ఇప్పట్లో అవుతుందా లేదా..?
ప్రభాస్తో సినిమా చేయాలంటే దర్శకుడి దగ్గర ఉండాల్సిందిప్పుడు కథ కాదు.. ఓపిక. ఆయనతో సినిమా అంటే టోకన్ సిస్టమ్ అన్నట్లే..! మీ నెంబర్ వచ్చేవరకు వెయిట్ చేయడం తప్ప చేసేదేం లేదు.
మూడు నాలుగేళ్లకు సరిపోయే ప్రాజెక్ట్స్ అన్నీ సెట్ చేసుకున్నారు రెబల్ స్టార్.. దాంతో దర్శకుల్లో వాళ్లలో వాళ్లకు ఈ పోటీ తప్పట్లేదు. ఒకేసారి రెండు సినిమాలు చేయడం అలవాటు చేసుకున్నారు ప్రభాస్. ఇప్పుడు కూడా ఓ వైపు రాజాసాబ్.. మరోవైపు హను రాఘవపూడి సినిమాలు చేస్తున్నారు.
వీటి తర్వాత స్పిరిట్తో సందీప్ వంగా స్క్రిప్ట్ పట్టుకుని సిద్ధంగా ఉన్నారు. అన్నీ కుదిర్తే అక్టోబర్ నుంచే ఈ చిత్రం సెట్స్పైకి రానుంది. అదే నెలలో బాహుబలి ది ఎపిక్ కూడా విడుదల కానుంది.
స్పిరిట్ తర్వాత కల్కి 2, సలార్ 2 ఉంటాయి.. వీటిలో కల్కి 2పై క్లారిటీ ఇచ్చారు నాగ్ అశ్విన్. డిసెంబర్ నుంచి షూట్ స్టార్ చేయాలనుకుంటున్నట్లు తెలిపారు నాగీ. కాకపోతే కల్కి 2లో చాలా భాషల నటులన్నారని.. అందరి డేట్స్ కుదిరినపుడే సినిమా సెట్స్పైకి తీసుకొస్తామంటున్నారు ఈ దర్శకుడు. రిలీజ్ డేట్ ఎప్పుడనేది ఇప్పుడే చెప్పలేమంటున్నారు నాగ్ అశ్విన్.
డేట్స్ దొరికితే షూటింగ్ తక్కువ సమయంలోనే అయిపోతుందని.. కానీ పోస్ట్ ప్రొడక్షన్ కోసం మాత్రం చాలా టైమ్ పడుతుందంటున్నారు నాగ్ అశ్విన్. మరో రెండేళ్లలో ఈ సినిమాను తీసుకొచ్చే ప్రయత్నం చేస్తానన్నారు కానీ కచ్చితంగా మాత్రం చెప్పలేకపోతున్నారీయన. ఈ లెక్కన కల్కి 2 రిలీజ్ ఏ 2027లోనో, 2028లోనో ఎక్స్పెక్ట్ చేయొచ్చు.