Pan India Movies: మళ్లీ పాన్ ఇండియా పాత ట్రెండ్ రిపీట్.. ఇదే కంటిన్యూ అవుతుందా.?
పాన్ ఇండియా ట్రెండ్ మొదలైన కొత్తలో సినిమా మేకింగ్ కంటే ప్రమోషన్స్ మీదే ఎక్కువ దృష్టి పెట్టారు మేకర్స్‌. కానీ ఇప్పుడు పరిస్థితులు మారిపోయాయి. స్టార్ ఇమేజ్‌, కాంబినేషన్స్ క్రేజ్‌తో ప్రమోషన్‌ చేయకుండానే సినిమాకు కావాల్సినంత పబ్లిసిటీ వచ్చేస్తోంది. దీంతో ప్రమోషన్స్‌ను లైట్ తీసుకుంటున్నారు మేకర్స్‌. కానీ పుష్పరాజ్ మాత్రం మళ్లీ పాత రోజుల్ని గుర్తు చేస్తున్నారు.
బాహుబలి టైమ్‌లో కాళ్లకు చక్రాలు కట్టుకొని దేశమంతా తిరిగిన ప్రభాస్, రీసెంట్ టైమ్స్‌లో తన సినిమాల ప్రమోషన్స్ అస్సలు పట్టించుకోవటం లేదు. జస్ట్ డార్లింగ్ కటౌట్‌ చూసి కలెక్షన్స్ వచ్చేస్తున్నాయి కాబట్టి, మేకర్స్‌ కూడా పబ్లిసిటీ గురించి అస్సలు ఆలోచించటం లేదు.
ప్రభాస్ హీరోగా తెరకెక్కిన పాన్ ఇండియా మూవీస్ సలార్‌, కల్కి 2898 ఏడీ సినిమాల విషయంలో పబ్లిసిటీ హడావిడి కనిపించలేదు. కామన్ ఇంటర్వ్యూస్ తరువాత భారీ ఈవెంట్ అన్న రేంజ్‌లో ఒక్క ప్రోగ్రామ్ కూడా చేయలేదు. అయినా ఆ సినిమాలు బ్లాక్ బస్టర్ హిట్ అయ్యాయి.
ట్రిపులార్‌ కోసం దేశ విదేశాలు చుట్టేసిన తారక్ కూడా దేవర విషయంలో ప్రమోషన్స్‌కు దూరంగానే ఉన్నారు. తెలుగు స్టేట్స్‌లో ఒక ఈవెంట్ ప్లాన్ చేసినా వర్కవుట్ కాలేదు. ఆ తరువాత మళ్లీ గ్రాండ్‌ ఈవెంట్ చేసే ప్రయత్నం చేయలేదు. అయినా దేవర కూడా బిగ్ హిట్ అయ్యింది.
స్క్రీన్‌ మీద సినిమా మూడు గంటలకు పైగా ఉన్నా... థియేటర్లో కూర్చుని చూసే ప్రేక్షకులకు రెండున్నర గంటలే చూసినట్టు అనిపిస్తుంది. అంత ఎంగేజింగ్‌గా ఉంటుంది..
బన్నీ మళ్లీ ప్రమోషన్‌ ట్రెండ్‌ను రీస్టార్ట్‌ చేయటంతో చరణ్ కూడా అదే ఫాలో అయ్యే ఆలోచనలో ఉన్నారు. ఆర్సీ 16 షూటింగ్‌లో బిజీగా ఉన్నా... టైమ్ తీసుకొని గేమ్ చేంజర్ సినిమాను భారీగా ప్రమోట్ చేసేందుకు రెడీ అవుతున్నారు. మళ్లీ స్టార్ హీరోలు పబ్లిక్ ఈవెంట్స్‌లో కనిపిస్తుండటంతో ఫ్యాన్స్‌ కూడా పండగ చేసుకుంటున్నారు.