Mango for Diabetic: మధుమేహులు మామిడి పండు తింటే ఆరోగ్యానికి మంచిదా.. కాదా..?
పండ్లలో రారాజు మామిడి. జ్యూసీ, పల్పీ... స్వీట్‌ మామిడి పండ్లు అంటే ప్రతి ఒక్కరూ ఇష్టపడతారు. మంచి రంగు, అమోఘమైన వాసనతో అంతదూరం నుంచే నోరూరిస్తుంటాయి. మామిడిపండ్లు. ప్రస్తుతం మామిడి పండ్ల సీజన్‌ నడుస్తోంది. మార్కెట్‌ నిండా రకరకాల మామిడి పండ్లు కనువిందు చేస్తున్నాయి. మన దేశంలో రసాలు, బంగినపల్లి, ఆల్ఫోన్సో, దాషేరి... ఇలా 1500 కంటే ఎక్కువ రకాల మామిడి పండ్లను పండిస్తారు. మామిడిలో ఒక్కో రకానికి ఒక్కో స్పెషల్‌ టేస్ట్‌ ఉంటుంది. అయితే, మధుమేహం బాధితులు మామిడి పండ్లు తినాలా వద్దా..? నిపుణులు ఏం చెబుతున్నారో ఇక్కడ తెలుసుకుందాం..
మామిడి పండ్లలో పోషకాలు చాలా ఎక్కువ. ఇందులో ఎ, బి, సి విటమిన్లతో పాటు ప్రొటీన్లు, పీచులు, కాపర్‌, పొటాషియం, మెగ్నీషియంలాంటి మినరళ్లు అధిక మోతాదులో ఉంటాయి. శరీరానికి తక్షణ శక్తినిచ్చే కార్బొహైడ్రేట్లు కూడా ఎక్కువే. ఇందులో ఉండే సహజ చక్కెరలు షుగర్ స్థాయులను పెంచుతాయి. డయాబెటిస్ ఉన్నవారు మామిడికాయ తినవచ్చు, కానీ కొన్ని జాగ్రత్తలు తీసుకోవాలి.
1 / 5
ఈ పండులో ఉండే షుగర్ లెవెల్స్‌ కారణంగా మీరు షుగర్ సమస్యల బారిన పడాల్సి ఉంటుందని ఆరోగ్యానిపుణులు చెబుతున్నారు. అయితే మీరు మామిడి పండు తినాలి అనుకుంటే మాత్రం రోజుకు సుమారు 1/2 కప్పు మామిడి పండు తింటే తినవచ్చు. అలాగే, మామిడిని తినేటప్పుడు ఇతర తీపి ఆహారాలను తినకుండా ఉండండి.
2 / 5
మీ రక్తంలో చక్కెర స్థాయిలను ఎప్పటికప్పుడు చెక్‌ చేసుకోవాలి. మామిడిలో చక్కెర ఎక్కువగా ఉన్నప్పటికీ ఇది డయాబెటిస్ ఉన్నవారికి కొన్ని ప్రయోజనాలను కూడా కలిగి ఉంటుంది. మామిడిలో ఫైబర్ పుష్కలంగా ఉంటుంది, ఇది రక్తంలో చక్కెర స్థాయిలను నియంత్రించడంలో సహాయపడుతుంది.
3 / 5
మామిడి పండ్లను పరిమిత మోతాదులో తినడమే కాకుండా, రోజులో ఎన్నిసార్లు తింటున్నాం, ఎంత గ్యాప్‌తో తింటున్నామో గమనించుకోవాలి. మామిడిపండు ద్వారా మనం కార్బోహైడ్రేట్‌లు తీసుకుంటున్నప్పుడు అందుకు తగ్గమోతాదులో ప్రోటీన్‌ ఫైబర్ తప్పకుండా తినాలి. అందుకోసం గుడ్లు, గింజల్లాంటి వాటిని ఆహారంలో భాగం చేసుకోవాలి.
4 / 5
మామిడిలో యాంటీఆక్సిడెంట్లు పుష్కలంగా ఉంటాయి. ఇవి కణాలను దెబ్బతినకుండా కాపాడతాయి. మామిడిలో విటమిన్లు, ఖనిజాలు పుష్కలంగా ఉంటాయి. ఇవి మంచి ఆరోగ్యానికి అవసరం. మీకు డయాబెటిస్ ఉంటే మీరు మామిడి తినడం సురక్షితమైనదా అని మీ వైద్యుడిని సంప్రదించటం మంచిది.
