వేసవిలో శరీరానికి చల్లదనం, శక్తి అవసరం. ఆరోగ్యకరమైన ఆహారంతో పాటు నీరు అధికంగా ఉండే పండ్లు ఎక్కువగా తినమని పోషకాహార నిపుణులు చెబుతుంటారు. ఎండలకు ఎక్కువగా నీరసం వస్తుంది. ఎండ, వేడి గాలులతో ఇబ్బంది పడతాం. శరీరానికి శక్తి, చల్లదనం కావాలి. వేసవిలో తినదగ్గ పండ్లలో బొప్పాయి ఒకటి. రుచిగా ఉండటమే కాదు, ఆరోగ్యానికి కూడా మంచిది. కానీ, వేసవిలో బొప్పాయి అందరికీ మంచిదేనా? లాభనష్టాలు తెలుసుకుందాం.
వేసవిలో శరీరంలో నీటి శాతం తగ్గుతుంది. బొప్పాయిలో 88శాతం నీరు ఉంటుంది. శరీరానికి తేమను అందిస్తుంది. బొప్పాయితో పాటు, నారింజ, పుచ్చకాయ, ఖర్బూజా, దోసకాయ వంటివి తినమని ఆరోగ్య నిపుణులు చెబుతున్నారు. బొప్పాయిలో ఉండే విటమిన్ A, C, E చర్మానికి తేమ, మెరుపునిస్తాయి. వేసవిలో చర్మం కాంతివిహీనంగా మారుతుంది. బొప్పాయి చర్మానికి టానిక్ లా పనిచేస్తుంది.
1 / 5
బొప్పాయిలో పపైన్ అనే ఎంజైమ్ ఉంటుంది. ఇది జీర్ణక్రియకు మంచిది. వేసవిలో అజీర్తి, గ్యాస్ సమస్యలు వస్తాయి. బొప్పాయి తింటే ఉపశమనం కలుగుతుంది. రోజూ ఒక గిన్నె బొప్పాయి ముక్కలు తింటే అజీర్తి రాదు. అలాగే, తక్కువ కేలరీలు, ఎక్కువ ఫైబర్ ఉన్న బొప్పాయి కడుపు నిండుగా ఉంచుతుంది. బరువు తగ్గడానికి సహాయపడుతుంది. వేసవిలో ఎండ వల్ల కళ్ళు పొడిగా మారవచ్చు. బొప్పాయిలోని విటమిన్ A కళ్ల ఆరోగ్యాన్ని కాపాడుతుంది.
2 / 5
వేసవిలో తేలికపాటి ఆహారం అవసరం. బొప్పాయి మంచి ఎంపిక అంటున్నారు పోషకాహార నిపుణులు. బొప్పాయిలో విటమిన్ C ఎక్కువగా ఉంటుంది. వేసవిలో బలహీనపడే రోగనిరోధక శక్తిని పెంచుతుంది. ఇన్ఫెక్షన్ల నుండి కాపాడుతుంది.
3 / 5
మంచి లాభాలు పొందాలంటే ఉదయం ఖాళీ కడుపుతో తినడం ఉత్తమం. జీర్ణక్రియ వేగంగా జరుగుతుంది. బొప్పాయి ముక్కలు, కొద్దిగా పాలు లేదా దహితో కలిపి స్మూతీగా చేసుకుని తింటే వేసవిలో శరీరానికి చల్లదనం ఇస్తుంది. బొప్పాయిలో ఉండే యాంటీఆక్సిడెంట్లు రక్తంలోని చెడు కొలెస్ట్రాల్ (LDL) తగ్గించి గుండె ఆరోగ్యాన్ని మెరుగుపరుస్తాయి.
4 / 5
అలాగే, ఎండాకాలంలో బొప్పాయిని అతిగా తినడం వల్ల కొన్ని అనర్థాలు కూడా ఉన్నాయని నిపుణులు చెబుతున్నారు. అవేంటంటే.. బొప్పాయిలో ఫైబర్ ఎక్కువ. ఎక్కువగా తింటే డయేరియా లేదా విరేచనాలు అయ్యే సమస్యలు రావచ్చు అంటున్నారు. అలాగే, గర్భిణీలు జాగ్రత్తగా ఉండాలి. కొంతమందికి బొప్పాయితో అలెర్జీ ఉంటుంది. బొప్పాయి తిన్న తర్వాత చర్మంపై దద్దుర్లు, దురద, వాపు వంటివి రావొచ్చు. అలా ఉన్నవారు వెంటనే వైద్యుల సలహా తీసుకోవాలి.
