ఏడాదిన్నర బాలుడి పాలిట శాపంగా మారిన కొత్త కారు.. కిటికీలో మెడ ఇరుక్కుని మృతి!

కొత్త కారు ఏడాదిన్నర బాలుడి పాలిట శాపంగా మారింది. కొత్త కారు కోసం పూజ చేస్తుండగా, బాలుడి తల కారు కిటికీలో ఇరుక్కుపోయి ప్రాణాలు కోల్పోయాడు. ఉత్తరప్రదేశ్‌లోని బల్లియా జిల్లాలో ఈ దారుణ ఘటన చోటు చేసుకుంది. తన కుటుంబంతో కలిసి దేవి ఆలయానికి వచ్చిన పిల్లవాడి మెడ కారు కిటికీలో ఇరుక్కుపోయింది. ఆతురుతలో, కుటుంబ సభ్యులు పిల్లవాడిని అదే కారులో మౌలోని ఆసుపత్రికి తీసుకెళ్లారు. అయితే అప్పటికే బాలుడు చనిపోయినట్లు వైద్యులు ప్రకటించారు. ఈ సంఘటన కారణంగా, ఆ కుటుంబంలోని ఆనందం కొన్ని గంటల్లోనే శోకసంద్రంగా మారింది. ఈ విషయం ఉభావోన్ పోలీస్ స్టేషన్ పరిధిలో జరిగింది. సమాచారం అందుకున్న పోలీసులు అక్కడికి చేరుకుని దర్యాప్తు ప్రారంభించారు.

చకియా గ్రామానికి చెందిన రవి ఠాకూర్ రెండు రోజుల క్రితం కొత్త బాలెనో కారును కొనుగోలు చేశాడు. ఇంట్లోకి కొత్త కారు రావడంతో కుటుంబ సభ్యులందరూ చాలా సంతోషంగా ఉన్నారు. కుటుంబ సభ్యులందరూ ఈ కారులో కూర్చుని సోమవారం(మార్చి 10) దేవి మాత ఆలయానికి చేరుకుని పూజలు చేయించుకున్నారు. ఆలయానికి చేరుకున్న తర్వాత, కుటుంబ సభ్యులందరూ దిగి పూజకు సన్నాహాలు ప్రారంభించారు. ఇంతలో, రవి ఠాకూర్ ఒకటిన్నర సంవత్సరాల కుమారుడు రేయాన్ష్ తన తల్లితో కలిసి కారులో కూర్చుని ఉన్నాడు.

కారు నాలుగు విండోస్‌ తెరిచి ఉన్నాయి. ఈ పిల్లవాడు కిటికీలోంచి బయటకు చూస్తున్నాడు. ఇంతలో, అతని చేయి బటన్ నొక్కింది. కారు డోర్ గ్లాస్ వాటంతట అదే మూసుకుపోయాయి. దీని కారణంగా పిల్లవాడి మెడ గాజులో ఇరుక్కుపోయింది. పిల్లవాడి అరుపు విని, రవి ఠాకూర్ పరిగెత్తుకుంటూ వచ్చి కిటికీలోంచి కిందకు తీసే ప్రయత్నం చేశారు. కానీ అప్పటికి పిల్లవాడి పరిస్థితి మరింత దిగజారింది. ఆ పరిస్థితిలో, అతను పూజను వదిలివేసి, అదే కారులో పిల్లవాడిని ఆసుపత్రికి తీసుకెళ్లారు. అక్కడ వైద్యులు పరీక్షించి చిన్నారి మృతిచెందినట్లు ధృవీకరించారు. ఈ సంఘటన తర్వాత రవి కుటుంబంలో తీవ్ర విషాదం నెలకొంది. రవి సోదరుడు రోషన్ ఠాకూర్ కారును పూజించడానికి మాతా రాణి ఆలయానికి వెళ్లానని చెప్పాడు. కారులోంచి చూస్తున్న పిల్లవాడి మెడ కిటికీ గాజులో ఇరుక్కుపోయింది. దానివల్ల అతను మరణించాడని తెలిపాడు. కాగా, ఈ ఘటనకు సంబంధించి పోలీసులు కేసు నమోదు చేసుకుని దర్యాప్తు చేపట్టారు.

మరిన్ని క్రైమ్ వార్తల కోసం ఇక్కడ క్లిక్ చేయండి..