UPSC IFS Main 2021: యూపీఎస్సీ ఐఎఫ్‌ఎస్‌ మెయిన్స్ 2021 హాల్ టికెట్లు విడుదల.. పరీక్షలు ఈ తేదీల్లోనే!
యూనియన్ పబ్లిక్ సర్వీస్ కమిషన్ (UPSC) ఇండియన్ ఫారెస్ట్ సర్వీస్ (IFS Main) మెయిన్స్ పరీక్షల 2021 కోసం ఇ-అడ్మిట్ కార్డ్‌లను ఫిబ్రవరి 7 (సోమవారం)న విడుదల చేసింది...
Updated on: Feb 07, 2022 | 8:59 PM
Download UPSC IFS Mains 2021 Admit Card: యూనియన్ పబ్లిక్ సర్వీస్ కమిషన్ (UPSC) ఇండియన్ ఫారెస్ట్ సర్వీస్ (IFS Main) మెయిన్స్ పరీక్షల 2021 కోసం ఇ-అడ్మిట్ కార్డ్‌లను ఫిబ్రవరి 7 (సోమవారం)న విడుదల చేసింది. అభ్యర్థులు యూపీఎస్సీ అధికారిక వెబ్‌సైట్ www. upsc.gov.in నుంచి అడ్మిట్ కార్డులను డౌన్లోడ్ చేసుకోవచ్చు. అడ్మిట్ కార్డులు ఈ రోజు నుంచి మార్చి 6 వరకు వెబ్‌సైట్‌లో అందుబాటులో ఉంటాయి. పరీక్షలకు హాజరుకాబోయే అభ్యర్థులు అధికారిక వెబ్‌సైట్ నుంచి అడ్మిట్ కార్డులను డౌన్లోడ్ చేసుకోవచ్చు. కాగా యూపీఎస్సీ నిర్వహించే ఐఎఫ్‌ఎస్‌ మెయిన్స్ 2021 పరీక్షలను ఫిబ్రవరి 27 నుంచి మార్చి 6, 2022 వరకు జరుగుతాయి. ఈ పరీక్షలు రెండు షిఫ్టులలో జరుగుతాయి. మొదటి షిఫ్ట్ ఉదయం 9 గంటల నుంచి మధ్యాహ్నం 12 గంటల వరకు జరుగుతుంది. రెండవ షిఫ్ట్ మధ్యాహ్నం 2 గంటల నుంచి సాయంత్రం 5 గంటల వరకు జరుగుతుంది. భోపాల్, చెన్నై, ఢిల్లీ, డిస్పూర్ (గౌహతి), హైదరాబాద్, కోల్‌కతా, లక్నో, నాగ్‌పూర్, పోర్ట్ బ్లెయిర్, సిమ్లాతో సహా దేశవ్యప్తంగా వివిధ నగరాల్లో ఈ పరీక్షలు జరగనున్నాయి. ఐఎఫ్‌ఎస్‌ ప్రిలిమినరీ పరీక్షలో అర్హత సాధించిన అభ్యర్ధులు. మెయిన్స్ రాయడానికి అర్హులౌతారు. అభ్యర్ధల సందేహాల నివృతికి హెల్ప్‌లైన్ నంబర్ 011-23385271ని సంప్రదించవచ్చు. దీనితో పాటు webcell-upsc@nic.in ఈ-మెయిల్ ద్వారా కూడా సందేహాలు నివృతి చేసుకోవచ్చు.
ఐఎఫ్‌ఎస్‌ మెయిన్ పరీక్ష 2021 అడ్మిట్ కార్డ్‌లను ఈ విధంగా డౌన్లోడ్ చేసుకోండి..
- ముందుగా యూపీఎస్సీ అధికారిక వెబ్‌సైట్ www.upsc.gov.inను ఓపెన్‌ చెయ్యాలి.
- హోమ్‌పేజీలో ‘ఈ-అడ్మిట్ కార్డ్: ఇండియన్ ఫారెస్ట్ సర్వీస్ (మెయిన్) ఎగ్జామినేషన్ 2021’పై క్లిక్ చెయ్యాలి.
- వెంటనే న్యూ విండో (కొత్త పేజీ) ఓపెన్‌ అవుతుంది.
- డౌన్లోడ్ ఇ-అడ్మిట్ కార్డ్ పై క్లిక్ చెయ్యాలి.
- ఇచ్చిన ఇన్‌స్ట్రక్చర్స్ ను క్లియర్‌గా చదివి యస్‌(Yes) పై క్లిక్ చెయ్యాలి.
- లాగిన్‌ అవ్వడానికి రిజిస్ట్రేషన్‌ ఐడీ లేదా రోల్‌ నంబర్ ఎంటర్ చెయ్యాలి.
- తర్వాత ఐఎఫ్‌ఎస్‌ మెయిన్స్ ఎగ్జామ్‌ 2021 అడ్మిట్ కార్డు స్క్రీన్‌పై కనిపిస్తుంది.
- డౌన్లోడ్ చేసుకుని ప్రింట్‌ ఔట్‌ తీసుకోవాలి.
ఐఎఫ్‌ఎస్‌ మెయిన్స్ పరీక్షలకు హాజరయ్యే అభ్యర్థులు ప్రతి సెషన్‌లో ఎగ్జామినేషన్ హాల్‌లోపలికి ప్రవేశం పొందాలంటే విధిగా ఈ-అడ్మిట్ కార్డును తమతోపాటు తీసుకెళ్లాలి. ఈ మెయిన్స్ పరీక్షల్లో అర్హత సాధించిన అభ్యర్థులను ఇంటర్వ్యూకు పిలుస్తారు. ఇంటర్వ్యూకు హాజరయ్యే అభ్యర్ధుల సంఖ్య భర్తీ చేయాల్సిన ఖాళీల సంఖ్య కంటే దాదాపు రెండింతలు ఉంటుంది. ఇంటర్వ్యూ మొత్తం 300 మార్కులకు ఉంటుంది. ఈ విధంగా అభ్యర్థులు ప్రధాన, ఇంటర్వ్యూ పరీక్షల్లో సాధించిన మార్కుల ఆధారంగా ఫైనల్‌ ర్యాంక్‌ను నిర్ణయిస్తారు. ఇతర పూర్తి సమాచారం కోసం www.upsc.gov.in వెబ్‌సైట్‌ను సందర్శించండి.
Also Read:
BHEL Welder Recruitment 2022: నెలకు రూ.37,500ల జీతంతో బీహెచ్‌ఈఎల్‌లో వెల్డర్‌ ఉద్యోగాలు.. పూర్తి వివరాలు ఇవే!
