Dharmendra Pradhan: చిన్ననాటి స్కూల్‌ని సందర్శించిన కేంద్ర మంత్రి.. ‘దేవాలయం’ అంటూ విద్యార్థులతో కలిసి సందడి..
Dharmendra Pradhan: కేంద్ర విద్యాశాఖ మంత్రి ధర్మేంద్ర ప్రధాన్ తాను చదువుకున్న ఒడిశాలోని తాల్చేర్‌ ‘హందీధువా ప్రాథమిక ప్రభుత్వ పాఠశాల’ని శనివారం సందర్శించారు. ఈ స్కూల్‌లోనే ప్రాథమిక విద్యను పూర్తి చేసుకున్న ఆయన.. తన సందర్శన సందర్భంగా పాఠశాలలోని ..
Updated on: Jun 24, 2023 | 8:07 PM
Dharmendra Pradhan: కేంద్ర విద్యాశాఖ మంత్రి ధర్మేంద్ర ప్రధాన్ తాను చదువుకున్న ఒడిశాలోని తాల్చేర్‌ ‘హందీధువా ప్రాథమిక ప్రభుత్వ పాఠశాల’ని శనివారం సందర్శించారు. ఈ స్కూల్‌లోనే ప్రాథమిక విద్యను పూర్తి చేసుకున్న ఆయన.. తన సందర్శన సందర్భంగా పాఠశాలలోని ప్రస్తుత విద్యార్థులు, ఉపాధ్యాయులతో ముచ్చటించారు. ఈ సందర్భంగా స్కూల్లోని తన చిన్నప్పటి జ్ఞాపకాలను పునశ్చరణ చేసుకుంటూ ‘ఈరోజు పాఠశాల ఆవరణలోకి అడుగుపెట్టగానే నాలో ఆనందం కలిగింది. అప్పటి టీచర్స్ అయిన దుర్గా సార్, మహేశ్వర్ సార్, స్కూల్లోని ఇతర టీచర్లు నాకు ఎప్పుడూ స్ఫూర్తిగా నిలిచారు. ఈ స్కూల్ నా హృదయంలో ఓ ప్రత్యేక స్థానాన్ని కలిగి ఉంది, ఇది ఒక దేవాలయం లాంటిది. ఈ రోజు ఇక్కడ ఉన్న విద్యార్థులు, ఉపాధ్యాయులను కలవడం అనేక జ్ఞాపకాలను తిరిగి తెచ్చిపెట్టింది’ అని ప్రధాన్ పేర్కొన్నారు.
ఇంకా ‘మళ్లీ మా స్కూల్‌కి వచ్చినందుకు కలిగిన ఆనందాన్ని మాటల్లో చెప్పడం కష్టం. ఈ రోజు చిన్ననాటి జ్ఞాపకాలను గుర్తుకు తెచ్చింది. ఐదో తరగతి వరకు నా బాల్యం ఈ పాఠశాలలోనే గడిచింది. చాలా కాలం తర్వాత తిరిగి ఈ స్కూల్‌కి వచ్చి విద్యార్థులను, ఉపాధ్యాయులను కలవడం మంచి అనుభవం. నా ఆనందానికి మరో కారణం ఏమిటంటే.. ఈ పాఠశాలలో చదువుకునే చిన్నారులే రేపు భారత్‌కు నాయకత్వం వహించనున్నారు’ అని ట్విట్టర్ వేదికగా రాసుకొచ్చారు.
अपने स्कूल वापस लौट कर आने की ख़ुशी शब्दों में बयान करना मुश्किल है।आज हांडीधुआं प्राईमरी स्कूल, तालचेर आकर बचपन की यादें ताज़ा हो गयीं। इसी स्कूल में मैंने कक्षा पाँच तक अपना बचपन बिताया था। इतने सालों के बाद इस प्रांगण में पुनः आना और विद्यार्थियों और शिक्षकों से मिलना अत्यंत… pic.twitter.com/km0DY1d6DV
— Dharmendra Pradhan (@dpradhanbjp) June 24, 2023
అలాగే ‘ఇవి ఎప్పటికీ గుర్తుండిపోయే జ్ఞాపకాలు! పాత పాఠశాలకు వెళ్లిన ప్రతిసారీ ఓ ప్రత్యేక అనుభూతి కలుగుతుంది. ఈ పాఠశాలలోనే నా బాల్యం గడిపాను. అప్పటి రోజులు చాలా సులభమైనవి, అదంతా ఒక కలలా ఉంది’ అంటూ ఇన్‌స్టా పోస్ట్ చేశారు.
తాల్చేర్‌లోని హందీదువా ప్రాథమిక పాఠశాలలో నేను నా బాల్యం గడిపాను. ఆ రోజుల్లో జీవితం చాలా సులభం మరియు ఒక కలలా ఉంది!.
View this post on Instagram
మరిన్ని జాతీయ వార్తల కోసం ఇక్కడ క్లిక్ చేయండి..
