మూడు వేరువేరు ఎన్‌కౌంటర్లలో.. ఆరుగురు నక్సల్స్ హతం

మూడు వేరువేరు ఎన్‌కౌంటర్లలో.. ఆరుగురు నక్సల్స్ హతం

చత్తీస్‌గఢ్ రాష్ట్రంలోని దండకారణ్యం శనివారం కాల్పులతో మార్మోగింది. మొత్తం మూడు వేర్వేరు ప్రాంతాలో జరిగిన ఎన్‌కౌంటర్లలో ఆరుగురు మావోయిస్టులు హతమయ్యారు. పోలీసులు కూంబింగ్ చేపడుతున్న సమయంలో ఈ ఎన్‌కౌంటర్లు జరిగాయి. సుకుమా జిల్లా పరిధిలోని తాడ్‌మెట్ల వద్ద మావోయిస్టులు రోడ్డును తవ్వినట్లు భద్రతా బలగాలకు సమాచారం అందింది. దీంతో డీఆర్‌జీ బలగాలు పెట్రోలింగ్‌ చేపట్టాయి. ఈ సమయంలో శనివారం సాయంత్రం 6గంటల సమయంలో భద్రతా బలగాలపై మావోయిస్టులు కాల్పులు జరిపారు. దీంతో అప్రమత్తమైన బలగాలు ఎదురుకాల్పులు చేపట్టాయి. […]

TV9 Telugu Digital Desk

| Edited By:

Sep 15, 2019 | 8:43 AM

చత్తీస్‌గఢ్ రాష్ట్రంలోని దండకారణ్యం శనివారం కాల్పులతో మార్మోగింది. మొత్తం మూడు వేర్వేరు ప్రాంతాలో జరిగిన ఎన్‌కౌంటర్లలో ఆరుగురు మావోయిస్టులు హతమయ్యారు. పోలీసులు కూంబింగ్ చేపడుతున్న సమయంలో ఈ ఎన్‌కౌంటర్లు జరిగాయి. సుకుమా జిల్లా పరిధిలోని తాడ్‌మెట్ల వద్ద మావోయిస్టులు రోడ్డును తవ్వినట్లు భద్రతా బలగాలకు సమాచారం అందింది. దీంతో డీఆర్‌జీ బలగాలు పెట్రోలింగ్‌ చేపట్టాయి. ఈ సమయంలో శనివారం సాయంత్రం 6గంటల సమయంలో భద్రతా బలగాలపై మావోయిస్టులు కాల్పులు జరిపారు. దీంతో అప్రమత్తమైన బలగాలు ఎదురుకాల్పులు చేపట్టాయి. ఈ ఘటనలో ముగ్గురు నక్సల్స్‌ హతమయ్యారు. ఇక బీజాపూర్‌ జిల్లా పున్నూర్‌ గ్రామంలో జరిగిన ఎన్‌కౌంటర్‌లో మరో నక్సలైట్‌ హతమయ్యాడు. దంతెవాడ జిల్లా కుత్రెం అటవీ ప్రాంతంలో కూడా పోలీసులకు, మావోయిస్టులకు మధ్య భారీ కాల్పులు చోటుచేసుకున్నాయి. ఈ ఘటనలో ఇద్దరు మోస్ట్ వాంటెడ్ నక్సల్స్ హతమయ్యారు. వారి తలపై రూ.5 లక్షల రివార్డు ఉన్నట్లు పోలీసులు తెలిపారు. ఘటనాస్థలం నుంచి పోలీసులు ఆయుధాలు, మందుగుండు సామాగ్రిని స్వాధీనం చేసుకున్నారు.

Follow us on

Related Stories

Most Read Stories

Click on your DTH Provider to Add TV9 Telugu