రియల్ హీరోకు శతకోటి వందనాలు, రైలు కింద పడబోయిన చిన్నారిని రక్షించిన ఉద్యోగికి ప్రశంసలు

ముంబైలో ని వంగానీ రైల్వే స్టేషన్ లో ఈ నెల 17 న సాయంత్రం రైలు కింద పడబోయిన చిన్నారిని రక్షించిన ఉద్యోగి మయూర్ షేక్ ని రైల్వే శాఖ ఉన్నతాధికారులు ప్రశంసలతో ముంచెత్తారు.  తన ప్రాణాలను సైతం లెక్క చేయకుండా అత్యంత ధైర్య సాహసాలతో పరుగు పరుగున వెళ్లి ఆ బాలుడిని  రక్షించిన ఇతడిని ప్రతి ఒక్కరూ మనస్ఫూర్తిగా కొనియాడారు.పాయింట్స్ మన్ గా పని చేసే షేక్ ని ఇతని సహోద్యోగులు తమ డిపార్ట్ మెంట్ కి ఈయన కీర్తి ప్రతిష్టలు తెచ్చాడని అభినందించారు. (ముంబై నుంచి ఈ రైల్వే స్టేషన్ 90 కి.మీ. దూరంలో ఉంది).  ఓ మహిళతో కలిసి ప్లాట్ ఫామ్ పై నడుస్తూ ఈ చిన్నారి పట్టు తప్పి కింద  పట్టాలపై పడిపోయాడు. తిరిగి ప్లాట్ ఫామ్ పైకి ఎక్కేందుకు ప్రయత్నించినప్పటికీ విఫలమయ్యాడు. అదే సమయంలో సబర్బన్ రైలు అతి వేగంగా ఆ పట్టాలపై దూసుకువస్తోంది. ఇది గమనించిన  మయూర్ షేక్ పరుగున వెళ్లి ఆ బాలుడ్ని ఎత్తుకుని ప్లాట్ ఫామ్ పైకి చేర్చాడు. ఆ సమయంలో అతగాడు ఏ మాత్రం ఏమరుపాటుగా ఉన్నా తనతో బాటు ఆ బాలుడు కూడా ప్రాణాలు కోల్పోయేవాడే ! ఇతని సమయస్ఫూర్తి, ధైర్య సాహసాలు  సీసీటీవీ ఫుటేజీలో కనిపించింది.

నీ ప్రాణాన్ని కూడా లెక్క చేయకుండా ఓ పసిబాలుడి ప్రాణాలు కాపాడావు.. నువ్వు నిజంగా  హీరోవి’ అని  రైల్వేశాఖ ఉన్నతాధికారులు నిన్న ప్రత్యేకంగా నిర్వహించిన అభినందన కార్యక్రమంలో మయూర్ షేక్ ని పొగిడారు. కాగా ఆ బాలుడి వెంట ఉన్న మహిళకు చూపు  సరిగా కనిపించదని, తన చిన్నారి రైలు పట్టాలపై పడిపోగానే ఆమె రక్షించాలంటూ కేకలు పెట్టిందని మయూర్ షేక్ తెలిపాడు. ఆ సమయంలో తనకు ఏమీ తోచలేదని, తన ప్రాణాలు పోయినా సరే.. ఆ చిన్నారిని రక్షించేందుకు పరుగున వెళ్లానని ఆయన చెప్పాడు.  అటు రైల్వే మంత్రి పీయూష్ గోయెల్ కూడా ఈయనను ప్రశంసిస్తూ ట్వీట్ చేశారు.

#WATCH | Maharashtra: A pointsman in Mumbai Division, Mayur Shelkhe saves life of a child who lost his balance while walking at platform 2 of Vangani railway station & fell on railway tracks, while a train was moving in his direction. (17.04.2021)

(Video source: Central Railway) pic.twitter.com/6bVhTqZzJ4

— ANI (@ANI) April 19, 2021

#WATCH | Maharashtra: Railway staff at Central Railway office clap for pointsman Mayur Shelkhe, who saved the life of a child who lost his balance while walking at platform 2 of Vangani railway station & fell on railway tracks, on 17th April. Shelkhe was also felicitated. (19.04) pic.twitter.com/6L8l3VmLlQ

— ANI (@ANI) April 20, 2021

The woman (with the child) was visually impaired. She could do nothing. I ran towards the child but also thought that I might be in danger too. Still, I thought I should save him. The woman was very emotional & thanked me a lot. Min Piyush Goyal also called me up: Mayur Shelkhe pic.twitter.com/ZTkLurIlBf

— ANI (@ANI) April 20, 2021