Viral Video: మెడలో పాముతో వృద్ధుడు సైకిల్‌పై సవారీ.. వీడియో చూస్తే మీరూ ఔరా అనాల్సిందే!
సోషల్ మీడియా ప్రపంచంలో తరచూ అనేక వీడియోలు అప్‌లోడ్ అవుతుంటాయి. వాటిల్లో కొన్ని మనల్ని ఆశ్చర్యానికి గురి చేస్తుంటాయి. అలాంటి..
Updated on: Jul 05, 2021 | 12:22 PM
సోషల్ మీడియా ప్రపంచంలో తరచూ అనేక వీడియోలు అప్‌లోడ్ అవుతుంటాయి. వాటిల్లో కొన్ని మనల్ని ఆశ్చర్యానికి గురి చేస్తుంటాయి. అలాంటి ఓ వీడియో గురించి ఇప్పుడు చూద్దాం. ఇందులో సర్పధారి అయిన వృద్దుడు సెంటర్ ఆఫ్ ఎట్రాక్షన్‌గా నిలుస్తాడు. ఆ వివరాలు ఇలా ఉన్నాయి.
సహజంగా మనుషులు ఆమడదూరంలో పామును చూస్తే చాలు.. ఠక్కున పరిగెత్తుతారు. అలాంటిది పాము దగ్గరగా వస్తే.. ఇంకేమైనా ఉందా.! గుండె ఝల్లుమన్నట్లే. అయితే ఇక్కడొకాయన మాత్రం ఏకంగా పాముతో సహజీవనం చేస్తున్నాడు. శివుడిలాగే పామును మెడలో వేసుకుని సైకిల్‌పై సవారీ చేస్తున్నాడు. దానికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.
కర్ణాటక బెల్గావి జిల్లాలోని హంగరగ గ్రామంలో నివసిస్తున్న ఓ వృద్దుడు పామును మెడలో వేసుకుని సైకిల్‌పై సవారీ చేశాడు. ఇక ఆ దృశ్యాలను ఓ యువకుడు వీడియో తీసి సామాజిక మాధ్యమాల్లో అప్‌లోడ్ చేశాడు. అది కాస్తా నెట్టింట్లో వైరల్‌గా మారింది. ఆ వృద్దుడి ధైర్యానికి నెటిజన్లు మెచ్చుకుంటూ కామెంట్స్ చేస్తున్నారు. కాగా, మెడ చుట్టూ పామును చుట్టుకుని సైకిల్‌పై దూసుకెళ్లిన వృద్ధుడు గ్రామ సమీపంలోని పొలాల్లో పామును వదిలేశాడు. సర్పధారి ఆయిన వృద్దుడ్ని గ్రామస్ధులు ఆసక్తిగా తిలకించి ఔరా అంటూ ముక్కున వేలేసుకున్నారు.
Also Read: రోజూ ఎన్ని బాదంపప్పులు తినాలి.? అతిగా తింటే ఏమవుతుంది.! ఈ విషయాలు తెలుసుకోండి
