New Smartphone: లావా కంపెనీ నుంచి మరో కొత్త స్మార్ట్‏ఫోన్.. మహిళల కోసమే ప్రత్యేకంగా.. ధర ఎంతంటే?

ప్రముఖ మొబైల్ కంపెనీ లావా మరో కొత్త బడ్జెట్ స్మార్ట్ ఫోన్‏ను భారత్‏లో ప్రకటించింది. లావా బీయూ ఆండ్రాయిడ్ గో ఎడిషన్ స్మా్ర్ట్ ఫోన్‏ను కొత్తగా మార్కెట్లోకి తీసుకురానుంది.

  • Rajitha Chanti
  • Publish Date - 8:41 pm, Tue, 22 December 20
New Smartphone: లావా కంపెనీ నుంచి మరో కొత్త స్మార్ట్‏ఫోన్.. మహిళల కోసమే ప్రత్యేకంగా.. ధర ఎంతంటే?

ప్రముఖ మొబైల్ కంపెనీ లావా మరో కొత్త బడ్జెట్ స్మార్ట్ ఫోన్‏ను భారత్‏లో ప్రకటించింది. లావా బీయూ ఆండ్రాయిడ్ గో ఎడిషన్ స్మా్ర్ట్ ఫోన్‏ను కొత్తగా మార్కెట్లోకి తీసుకురానుంది. ఇది మహిళల కోసం ప్రత్యేకంగా రూపొందించినట్లుగా తెలుస్తోంది.

ప్రస్తుతం మహిళలు ఎదుర్కోంటున్న పరిస్థితులను దృష్టిలో పెట్టుకొని ప్రముఖ మొబైల్ బ్రాండ్ సంస్థ లావా మరో స్మార్ట్ ఫోన్‏ను రూపొందించింది. ఇందులో మహిళల కోసం ప్రత్యేకంగా ఓ యాప్‏ను కూడా డిజైన్ చేశారు. ఈ యాప్‏ను ఎలా ఉపయోగించాలి అనే విషయాన్ని కూడా ఇందులో తెలపనున్నారు.

మొత్తంగా 6.08 అంగుళాల హెచ్‏డీ ప్లస్ డిస్ ప్లే ఉండగా.. స్క్రీన్ రిజల్యూషన్ 1560 x 720 పిక్సెల్స్‌గా ఉండనుంది. యాస్పెక్ట్ రేషియో 19.5:9గా.. 1.6 గిగాహెర్ట్జ్ ఆక్టాకోర్ ప్రాసెసర్‌పై ఈ ఫోన్ పనిచేయనుంది. 2 జీబీ ర్యామ్, 32 జీబీ స్టోరేజ్‌ను ఈ ఫోన్‏లో అందించారు. దీన్ని మైక్రోఎస్‌డీ కార్డు ద్వారా 256 జీబీ వరకు పెంచుకునే అవకాశం కల్పించారు. ఇక వెనకవైపు రెండు కెమెరాలు ఉండగా.. మెయిన్ కెమెరా 13 మెగాపిక్సెల్, 2 మెగాపిక్సెల్ డెప్త్ సెన్సార్, ఎల్ఈడీ ఫ్లాష్ అందుబాటులో ఉంచారు. ఇక ముందువైపు 8 మెగాపిక్సెల్ కెమెరాను అందించారు. ఆండ్రాయిడ్ 10గో ఆపరేటింగ్ సిస్టం పై ఈ ఫోన్ పనిచేయనుంది.