Fire Accident: కదులుతున్న కారులో మంటలు.. అందులో ప్రయాణికులు ఏం చేశారంటే.. వీడియో వైరల్‌!

ఈ రోజుల్లో వాహనాల్లో మంటలు చెలరేగుతున్నాయి. ముందు ఎండా కాలం. ఈ సీజన్‌లో అగ్ని ప్రమాదాలు ఎక్కువగా జరుగుతుంటాయి. ముఖ్యంగా వాహనాలు నడిపే సమయంలో జాగ్రత్తగా ఉండాలంటున్నారు నిపుణులు. ఎండా వేడి కారణంగా ఇంజిన్‌లో మంటలు చెలరేగే ప్రమాదం ఉంది. తాజాగా ఉత్తరప్రదేశ్‌లోని ఆగ్రాలో నడుస్తున్న కారులో అకస్మాత్తుగా మంటలు చెలరేగాయి. దీంతో అందులో ప్రయాణిస్తున్న ప్రయాణికులు ఒక్కసారిగా భయాందోళనకు గురయ్యారు. మంటలు చెలరేగుతుండగా, వారు వెంటనే కారులోంచి బయటకు దూకి తమ ప్రాణాలను రక్షించుకున్నారు. ఈ ఘటన ఆగ్రా ఇన్నర్‌ రింగ్‌ రోడ్‌లోని రమదా హోటల్‌ సమీపంలో చోటు చేసుకుంది. కారు మంటల్లో చిక్కుకుపోయింది.

అయితే ముందుగా ప్రమాదం చోటు చేసుకోగానే దట్టమైన నల్లటి పొగలతో మంటలు చెలరేగగానే అందులో ఉన్న ప్రయాణికులు బయటకు దూకి పోలీసులకు, ఫైర్‌ సిబ్బందికి సమాచారం అందించారు. వారు హుటాహుటిన ఘటన స్థలానికి చేరుకుని మంటలను అదుపులోకి తీసుకువచ్చారు. ఈ ప్రమాదానికి సంబంధించిన వీడియో సోషల్‌ మీడియాలో వైరల్‌ అవుతోంది.

మరిన్ని జాతీయ వార్తల కోసం ఇక్కడ క్లిక్ చేయండి