ఉగ్రవాద నిరోధక చట్టం వస్తే… ఫస్ట్ టార్గెట్ వీళ్లే..
ఉగ్రవాద రహిత దేశంగా భారత్ను మార్చేందుకు.. కేంద్రం చట్టాలను కఠినతరం చేస్తోంది. ఈ నేపథ్యంలో ఉగ్రవాద నిరోధక చట్టానికి సవరణలు చేస్తోంది. చట్టవ్యతిరేక కార్యకలాపాల నియంత్రణ బిల్లుకు లోక్సభ ఆమోదం తెలిపింది. రాజ్యసభలో పాసైన తర్వాత చట్టంగా మారనుంది. ఈ చట్టంతో వ్యక్తిగతంగా ఉగ్రవాద ముద్ర వేసేందుకు ప్రభుత్వానికి అవకాశం ఉంటుంది. అటువంటి వారి ఆస్తులు, ప్రయాణాలపైనా నిషేధం ఉంటుంది. ఈ సవరణలు ఐక్య రాజ్యసమితి ఒడంబడికలు, అంతర్జాతీయ ప్రమాణాలకు తగ్గట్టుగా తీర్చిదిద్దారు. ఈ చట్ట సవరణలకు […]
ఉగ్రవాద రహిత దేశంగా భారత్ను మార్చేందుకు.. కేంద్రం చట్టాలను కఠినతరం చేస్తోంది. ఈ నేపథ్యంలో ఉగ్రవాద నిరోధక చట్టానికి సవరణలు చేస్తోంది. చట్టవ్యతిరేక కార్యకలాపాల నియంత్రణ బిల్లుకు లోక్సభ ఆమోదం తెలిపింది. రాజ్యసభలో పాసైన తర్వాత చట్టంగా మారనుంది. ఈ చట్టంతో వ్యక్తిగతంగా ఉగ్రవాద ముద్ర వేసేందుకు ప్రభుత్వానికి అవకాశం ఉంటుంది. అటువంటి వారి ఆస్తులు, ప్రయాణాలపైనా నిషేధం ఉంటుంది. ఈ సవరణలు ఐక్య రాజ్యసమితి ఒడంబడికలు, అంతర్జాతీయ ప్రమాణాలకు తగ్గట్టుగా తీర్చిదిద్దారు. ఈ చట్ట సవరణలకు ఆమోదం లభించగానే 2008 ముంబయి ఉగ్రదాడుల సూత్రధారి హఫీజ్ సయీద్, 2001లో పార్లమెంటుపై దాడి, పుల్వామా ఉగ్రదాడిలో నిందితుడు మసూద్ అజార్లను ఉగ్రవాదులుగా భారత్ గుర్తిస్తుంది.
చట్టం ఎలా ఉందంటే..
కేంద్ర హోం మంత్రిత్వ శాఖ ఆమోదిస్తే.. ఇక ఉగ్రవాద ముద్రపడినట్లే. అయితే ఉగ్రముద్ర పడ్డ వ్యక్తి.. ఏమైనా అభ్యంతరాలు ఉంటే.. 45 రోజుల్లో హోంశాఖకు తెలుపవచ్చు. ఈ అభ్యంతరాలపై ప్రస్తుత లేదా విశ్రాంత న్యాయమూర్తి, కనీసంగా ఇద్దరు ప్రభుత్వ విశ్రాంత కార్యదర్శులు విచారణ చేపడతారు. ఇక ఒకసారి ఉగ్రవాదిగా ముద్రపడితే ప్రభుత్వం వారిపై చర్యలకు ఉపక్రమిస్తుంది. వీరి వివరాలను ఇతర దేశాల ప్రభుత్వాలతో భారత్ పంచుకుంటుంది.
