Kerala: తాతపై ప్రేమతో కారుకి ఎదురెళ్లి .. ప్రాణాలు పోగొట్టుకున్న చిన్నారి బాలుడు..

కేరళలో జరిగిన ఓ ప్రమాదం ఓ కుటుంబంలో తీరని విషాదాన్ని నింపింది. రాష్ట్రంలోని కాసరగోడ్‌ జిల్లాలో దారుణ ఘటన చోటు చేసుకుంది. తాత కారు పార్క్ చేస్తుండగా ఆ కారు కింద ఒక పసిబిడ్డ నుజ్జునుజ్జు అయ్యాడు. తాత కారుని చూసి చిన్నారి పరుగెత్తడంతో ఈ దురదృష్టకర ఘటన చోటుచేసుకుంది. ఆలయంగా ఈ ఘోర ప్రమాదం వెలుగులోకి వచ్చింది. నవంబర్ 10న ఈ ఘటన జరగగా .. ప్రస్తుతం ఈ దృశ్యాలు నెట్టింట్లో చక్కర్లు కొడుతున్నాయి. మృతుడు రెండున్న ఏళ్ల వయసున్న మస్తుల్ జిషాన్‌గా గుర్తించారు.

వైరల్ అవుతున్న వీడియోలో ఇద్దరు చిన్నారులు ఇంటి ఆవరణ ముందు ఆడుకుంటున్నారు. అదే సమయంలో ఒక కారు ఇంటి ఆవరణ లోపలికి వస్తోంది. ఇది చూసి ఒక బాలుడు దూరంగా పరిగెత్తాడు.. అయితే అదే సమయంలో ఆ ఇద్దరి చిన్నారుల్లో రెండున్నర ఏళ్ల వయసున్న మస్తుల్ తాతని గుర్తించి బుడి బుడి అడుగులతో కారుకు ఎదురు వెళ్ళాడు. అయితే మనవడు తనకోసం కారుకి ఎదురు వస్తున్న విషయాన్నీ కారు పార్కింగ్ చేస్తున్న తాత గమనించలేదు. కారుని పార్క్ చేసేందుకు స్టీరింగ్ ను పక్కకు తిప్పాడు. అదే సమయంలో అక్కడకు చేరుకున్న చిన్నారి బాలుడు కారు టైర్ కింద పడి నలిగిపోయాడు. ఈ ఘటనను తాత కారుకి దారి ఇవ్వడం కోసం పక్కకు జరిగిన మరో బాలుడు గుర్తించాడు. పెద్దగా అరిచాడు. అప్పుడు తాత ఏదో జరిగిందంటూ గబగబా కారు కిందకు దిగాడు.

అప్పటికే కారుకింద ఉన్న బాలుడిని బయటకు తీశాడు బాలుడు.. కారుదిగిన తాత .. తన కారు కింద పడి నలిగిపోయిన మనవడిని చూసి కన్నీరు మున్నీరుగా విలపించాడు. గబగబా ఆస్పత్రికి తీసుకుని వెళ్ళాడు. అయితే అప్పటికే చిన్నారి మృతి చెందాడు. ఈ ప్రమాద దృశ్యం ఆ ఇంటి సీసీ టీవీ కెమెరాలో రికార్డ్ అయింది. పోలీసులు కేసు నమోదు చేసి విచారణ చేపట్టారు.

ఇవి కూడా చదవండి

ఆ గ్రామంలో పెరిగిపోతున్న పెళ్లి కాని బ్రహ్మచారి రైతులు

టాటా ఎస్టేట్‌లో లంకె బిందె లభ్యం.. ప్రభుత్వానికి అందజేత

కలలో దేవుడు కనిపించి పొలంలో గొయ్యి తవ్వమన్నాడు.. తీరా తవ్వి చూడగా

వివాదంలో 5 వందల ఏళ్ల నాటి ఆలయం.. రహస్య గదుల్లో విలువైన సంపద

మరిన్ని జాతీయ వార్తల కోసం ఇక్కడ క్లిక్ చేయండి..