Karnataka: ప్రియురాలు పిలిచిందని రిసార్ట్కు వెళ్లాడు.. కట్ చేస్తే మైండ్ బ్లాంక్ ట్విస్ట్.. ఐదుగురూ కలిసి..
ప్రేమ పేరుతో దగ్గరయ్యింది.. పార్టీ పేరుతో పిలిచింది.. నమ్మి వెళ్తే నట్టేట ముంచింది. ఉన్నదంతా లాగేసుకుంది. పైగా చిత్రహింసలు పెట్టింది. ప్రియురాలు ఇచ్చిన ట్వి్స్ట్కు ఇప్పుడు లబోదిబోమంటున్నాడు ప్రియుడు. కర్నాటకలోని బెంగళూరులో వెలుగు చూసిన షాకింగ్ ఘటన గురించి తెలిస్తే మీరు కూడా ఇది పెద్ద దగా అనే అంటారు.
Updated on: Jun 26, 2023 | 9:53 AM
ప్రేమ పేరుతో దగ్గరయ్యింది.. పార్టీ పేరుతో పిలిచింది.. నమ్మి వెళ్తే నట్టేట ముంచింది. ఉన్నదంతా లాగేసుకుంది. పైగా చిత్రహింసలు పెట్టింది. ప్రియురాలు ఇచ్చిన ట్విస్ట్కు ఇప్పుడు లబోదిబోమంటున్నాడు ప్రియుడు. కర్నాటకలోని బెంగళూరులో వెలుగు చూసిన షాకింగ్ ఘటన గురించి తెలిస్తే మీరు కూడా ఇది పెద్ద దగా అనే అంటారు. ఇందుకు సంబంధించిన వివరాలను ఇప్పుడు తెలుసుకుందాం.. బెంగళూరులో ఓ ప్రైవేట్ కంపెనీలో పని చేస్తున్న 32 సాఫ్ట్వేర్ ఇంజనీర్ విజయ్, భావనా రెడ్డి ఇద్దరూ ప్రేమించుకున్నారు.
అయితే, చిక్బల్లాపూర్ జిల్లా నందిహిల్స్ సమీపంలోని ఓ రిసార్ట్కు వెళ్దామంటూ విజయ్ను భావన తీసుకెళ్లింది. అయితే, ప్రియురాలే కదా పిలిచింది అని నమ్మి వెళ్లిన విజయ్కి అక్కడ మైండ్ బ్లాంక్ ట్విస్ట్ ఎదురైంది. భావన మరో ఐదుగురు వ్యక్తులతో కలిసి విజయ్ను రిసార్ట్లోనే కిడ్నాప్ చేసింది. మూడు రోజుల పాటు గదిలో బందించి డబ్బులు వసూలు చేసింది. అంతేకాదు.. విజయ్ను చిత్రహింసలకు గురి చేసింది. అతని నుంచి దాదాపు రూ. 21 లక్షలు వివిధ ఖాతాల్లోకి బదిలీ చేయించింది. విజయ్ కారు, రెండు ల్యాప్టాప్లు, మొబైల్ ఫోన్లు, బంగారు గొలుసును కూడా దోచుకున్నారు.
ఆ తరువాత ఏదోలా వారి చెరనుంచి తప్పించుకుని వచ్చిన విజయ్.. పోలీసులకు ఫిర్యాదు చేశాడు. బాధితుడి ఫిర్యాదు మేరకు నందిహిల్స్ పోలీసులు నిందితులపై ఐపీసీ 506, 341, 504, 143, 149, 384, 323, 324 సెక్షన్ల కింద కేసు నమోదు చేశారు.
మరిన్ని జాతీయ వార్తల కోసం ఈ లింక్ క్లిక్ చేయండి..
