రైల్వే శాఖ కీలక నిర్ణయం.. జనరల్ టికెట్ బుక్కింగ్ ఇప్పుడిక మరింత ఈజీ.. ఇదీ ప్రాసెస్..

కరోనా కాలంలో  కుప్పకూలిన రవాణ వ్యవస్థ చాలావరకు తిరిగి సర్ధుకుంది. భారత రైల్వే రైళ్లలో 65 శాతానికి పైగా రైళ్లు కూడా నడపడం ప్రారంభమయ్యాయి. కోవిడ్‌ నేపథ్యంలో దక్షిణ మధ్య రైల్వే ప్రత్యేక రైళ్ల పేరిట

  • Sanjay Kasula
  • Publish Date - 11:36 pm, Thu, 25 February 21
రైల్వే శాఖ కీలక నిర్ణయం.. జనరల్ టికెట్ బుక్కింగ్ ఇప్పుడిక మరింత ఈజీ.. ఇదీ ప్రాసెస్..

Railway Passengers: కరోనా కాలంలో  కుప్పకూలిన రవాణ వ్యవస్థ చాలావరకు తిరిగి సర్ధుకుంది. భారత రైల్వే రైళ్లలో 65 శాతానికి పైగా రైళ్లు కూడా నడపడం ప్రారంభమయ్యాయి. కోవిడ్‌ నేపథ్యంలో దక్షిణ మధ్య రైల్వే ప్రత్యేక రైళ్ల పేరిట దశల వారీగా రైళ్లను పునరుద్దరిస్తున్నట్లు తెలిపింది. కోవిడ్‌కు ముందు జోన్‌ నుంచి 291 ఎక్స్‌ప్రెస్‌ రైళ్లు నడిచేవి. వీటిలో ప్రత్యేక రైళ్ల పేరిట ఇప్పటి వరకు 170 రైళ్లను పునరుద్దరించింది. ప్యాసింజర్ మరియు ఎక్స్‌ప్రెస్ రైళ్లలో రిజర్వేషన్లు బాగానే ఉన్నాయి, కాని రిజర్వ్ చేయనివారికి అంటే జనరల్ టికెట్ కోసం, ప్రయాణీకుల  సమస్యలు అలానే ఉన్నాయి. కొవిడ్ లాక్‌డౌన్ నేపథ్యంలో ఆన్‌లైన్‌కి పరిమితమైన రైల్వే టికెట్ రిజర్వేషన్ వ్యవస్థ ఇప్పుడు అన్ని స్టేషన్లలో ఆఫ్‌లైన్లలో కూడా మొదలైంది.

కరోనా మార్గదర్శకాల ప్రకారం, సామాజిక దూరాన్ని పాటించడం అవసరం. కానీ టికెట్ కౌంటర్లు రద్దీ రోజు రోజుకు పెరుగుతోంది. అటువంటి పరిస్థితిలో, రిజర్వు చేసకునే సమస్యను తొలగించడానికి భారత రైల్వే ఓ నిర్ణయం తీసుకుంది.

రిజర్వేషన్ కౌంటర్లను తిరిగి ప్రారంభిస్తున్నట్లుగా వెల్లడించారు. అయితే మొబైల్ యాప్ సౌకర్యంపై యుటిఎస్‌ను తిరిగి ప్రారంభించినట్లుగా భారత రైల్వే శాఖ తెలిపింది. కౌంటర్లలో రద్దీని నివారించడానికి మరియు సామాజిక దూరాన్ని నిర్వహించడానికి, యుటిఎస్ ఆన్ మొబైల్ యాప్ సౌకర్యాన్ని ప్రవేశపెడుతున్నారు.

రిజర్వేషన్ సౌకర్యం అందుబాటులోకి రానటువంటి జోన్లలో టిక్కెట్లను బుక్కించేసుకునేందుకు కోసం మొబైల్ అప్లికేషన్ వినియోగించుకోవచ్చిన జోనల్ రైల్వే సూచించబడింది. భారతీయ రైల్వేలు UTS ON MOBILE యాప్ ద్వారా రిజర్వు చేయని టికెట్లను బుక్ చేసుకునే సౌకర్యాన్ని కల్పిస్తోంది.

ఇండియన్ రైల్వే ఉట్స్ మొబైల్ యాప్ (1)

(ఇండియన్ రైల్వే యుటిఎస్ మొబైల్ యాప్)

జోనల్ రైల్వే ప్రయాణికుల కోసం ఈ సదుపాయాన్ని అమలు చేయవచ్చు

రైల్వే మంత్రిత్వ శాఖ విడుదల చేసిన విడుదలలో, ప్రయాణీకులకు రిజర్వ్ చేయని టిక్కెట్లను బుక్ చేయడంలో అసౌకర్యం ఉండకూడదని మరియు టిక్కెట్లు కొనుగోలు చేసేటప్పుడు సామాజిక దూరాన్ని బుకింగ్ కౌంటర్లో నిర్వహించవచ్చని, అందువల్ల ఈ నిర్ణయం తీసుకోబడింది. యుటిఎస్ ఆన్ మొబైల్ యాప్ సౌకర్యం ద్వారా, ప్రయాణీకులు తమ సొంత టికెట్లను పొందవచ్చు. దీనికి సంబంధించి అన్ని జోనల్ రైల్వేలకు ఆదేశాలు జారీ చేశారు. రిజర్వ్ చేయని రైలు సర్వీసుల కోసం జోనల్ రైల్వేలకు తమ ప్రాంతంలో యుటిఎస్ మొబైల్ యాప్ సేవలను అమలు చేసే హక్కు ఉంటుంది.

కరోనా సంక్షోభం.. రూ.5వేల కోట్ల నష్టం

కరోనా సంక్షోభం కారణంగా పశ్చిమ రైల్వే సుమారు రూ.5,000 కోట్ల నష్టాల్లో వచ్చిందని వెల్లడించింది. ఈ ప్రభావం అన్ని సేవలపై పడనున్నట్లు వెస్ట్రన్‌ రైల్వే జనరల్‌ మేనేజర్‌ అలోక్‌ కంసల్‌ వెల్లడించారు. కోవిడ్ వైరస్మ భయంతో చాలా మంది నేటికీ రైలులో ప్రయాణించేందుకు సిద్ధంగా లేరని తెలిపారు. కరోనా సంక్షోభం కారణంగా కోచింగ్‌ రైళ్లు (ప్యాసింజర్‌) విభాగంలో వార్షిక ఆదాయంలో రూ.5వేల కోట్ల నష్టాన్ని ఎదుర్కొంటున్నామన్నారు.

ప్రస్తుతం నడుస్తున్న రైళ్లలో పదిశాతం ఆక్యుపెన్సీతో నడుస్తున్నాయి. మహమ్మారికి ముందు పశ్చిమ రైల్వే సుమారు 300 ప్యాసింజర్‌ రైళ్లను నడిపిందని జీఎం తెలిపారు. కరోనా ప్రేరేపిత లాక్‌డౌన్‌ నేపథ్యంలో గత మార్చిలో దేశవ్యాప్తంగా రైల్వే ప్యాసింజర్‌ రైళ్లను నిలిపివేసింది. ప్రస్తుతం 145 ప్యాసింజర్‌ ట్రైన్లను ప్రారంభించామని, రాబోయే వారం రోజుల్లో మరిన్ని అందుబాటులోకి తీసుకురానున్నట్లు తెలిపారు.

కొవిడ్‌ మార్గదర్శకాలను దృష్టిలో పెట్టుకొని ప్రస్తుతం ప్యాసింజర్‌ రైళ్లను ప్రత్యేక రైళ్లుగా నడుపుతోందని, రిజర్వేషన్‌ టికెట్లు ఉన్న వారికి మాత్రమే ప్రయాణానికి అనుమతి ఇస్తున్నట్లు స్పష్టం చేశారు. లాక్‌డౌన్‌ సమయంలో వెస్ట్రన్‌ రైల్వే పరిధిలో మే 1 నుంచి 31వ తేదీ వరకు 1,234 శ్రామిక్‌ రైళ్లు నడిపామని.. 19లక్షల మందిని వివిధ రాష్ట్రాల్లోని గమ్యస్థానాలకు చేర్చిందని చెప్పారు.