India Corona Cases: దేశంలో కొనసాగుతున్న కరోనా వ్యాప్తి.. డెల్టా వేరియంట్‌పై ఆందోళన.. కొత్తగా ఎన్ని కేసులంటే!

దేశంలో కరోనా వైరస్ తీవ్రత కొనసాగుతోంది. రోజూవారి నమోదవుతున్న పాజిటివ్ కేసుల్లో హెచ్చుతగ్గులు కనిపిస్తున్నాయి. తాజాగా గడిచిన 24 గంటల్లో 40,134 కొత్త పాజిటివ్ కేసులు నమోదయ్యాయి. దీనితో దేశవ్యాప్తంగా పాజిటివ్ కేసుల సంఖ్య 3,16,95,958కి చేరింది. ఇందులో 4,13,718 యాక్టివ్ కేసులు ఉండగా, 3,08,57,467 మంది వైరస్ నుంచి కోలుకుని డిశ్చార్జ్ అయ్యారు. అటు నిన్న 422 మంది కరోనాతో మృతి చెందగా.. మొత్తం మృతుల సంఖ్య 4,24,733కి చేరుకుంది. నిన్న కొత్తగా 36,946 మంది దేశవ్యాప్తంగా వివిధ ఆస్పత్రుల నుంచి కోలుకొని డిశ్చార్జ్ అయ్యారు.

ఇదిలా ఉంటే నిన్న ఒక్క రోజులో 14,28,984 కరోనా నిర్ధారణ పరీక్షలు జరిగినట్లు ఇండియన్ మెడికల్ రీసెర్చ్ కౌన్సిల్ తెలిపింది. దీనితో ఇప్పటివరకు మొత్తంగా 46,96,45,494 మందికి కోవిడ్ టెస్టులు చేశారు. అటు ఇప్పటిదాకా 47,22,23,639 మందికి వ్యాక్సినేషన్ వేసినట్లు కేంద్ర ఆరోగ్యశాఖ స్పష్టం చేసింది. కాగా, ఇప్పటిదాకా దేశంలో 70 డెల్టా ప్లస్ వేరియంట్ కేసులు నమోదయ్యాయి.

COVID-19 Testing Update. For more details visit: https://t.co/dI1pqvXAsZ @MoHFW_INDIA @DeptHealthRes @PIB_India @mygovindia @COVIDNewsByMIB #ICMRFIGHTSCOVID19 #IndiaFightsCOVID19 #CoronaUpdatesInIndia #COVID19 #Unite2FightCorona pic.twitter.com/ppCwbEcHzi

— ICMR (@ICMRDELHI) August 2, 2021