75th Independence Day: త్రివర్ణ పతకాన్ని ఎగురవేయడం నుంచి ప్రధాని ప్రసంగం వరకు.. ఎర్రకోట వేడుకల పూర్తి షెడ్యూల్ ఇదే..

Azadi ka Amrit Mahotsav: ఈ సంవత్సరం భారతదేశం 75వ స్వాతంత్ర్య దినోత్సవాన్ని నిర్వహించుంటుంది. ప్రతి సంవత్సరం మాదిరిగానే, ఈసారి కూడా ఎర్రకోటపై ప్రధానమంత్రి జాతీయ జెండాను ఆవిష్కరించి, జాతి మొత్తాన్ని ఉద్దేశించి సంప్రదాయ ప్రసంగం చేస్తారు.

75th Independence Day: త్రివర్ణ పతకాన్ని ఎగురవేయడం నుంచి ప్రధాని ప్రసంగం వరకు.. ఎర్రకోట వేడుకల పూర్తి షెడ్యూల్ ఇదే..
Independence Day 2022
Venkata Chari

|

Aug 15, 2022 | 12:02 AM

Independence Day 2022 Flag Hoisting Timings: భారతదేశం 75వ స్వాతంత్ర్య దినోత్సవాన్ని నిర్వహించుకుంటోంది. సుదీర్ఘ పోరాటం తర్వాత, 1947 ఆగస్టు 15న, భారతీయులు బ్రిటిష్ సామ్రాజ్యం నుంచి విముక్తి పొందింది. ఈ సందర్భంగా భారత ప్రభుత్వం విదేశీ పాలన నుంచి భారతదేశం స్వాతంత్ర్యం పొంది 75 సంవత్సరాలు అవుతోంది. ఈమేరకు ‘ఆజాదీకా అమృత్ మహోత్సవ్’ పేరుతో ఈ వేడుకలు నిర్వహిస్తోంది. అలాగే హర్ ఘర్ తిరంగ ప్రచారం ఈ సంవత్సరం స్వాతంత్ర్య దినోత్సవ వేడుకల్లో భాగంగా ఉంది. ఈ కార్యక్రమం దేశవ్యాప్తంగా జాతీయ జెండాను ఎగురవేయడానికి ప్రజలను ప్రోత్సహిస్తుంది. ప్రధాని నరేంద్ర మోదీ ఎర్రకోటపై జాతీయ జెండాను ఆవిష్కరించి జాతి మొత్తాన్ని ఉద్దేశించి సంప్రదాయ ప్రసంగం చేస్తారు. ఈ సందర్భంగా స్వాతంత్ర్య దినోత్సవ కార్యక్రమ పూర్తి షెడ్యూల్ ఎలా ఉందో ఇప్పుడు తెలుసుకుందాం..

హోం వ్యవహారాల మంత్రిత్వ శాఖ ప్రకారం, స్వాతంత్ర్య దినోత్సవాన్ని ఎగురవేసే సమయం ప్రకటించారు. ఉదయం 7.30 గంటలకు ప్రధాని నరేంద్ర మోదీ ప్రసంగం అనంతరం జెండా ఎగురవేత కార్యక్రమం ఉంటుంది. జాతీయ టెలివిజన్ ఛానెల్‌లు, ప్రెస్ ఇన్ఫర్మేషన్ బ్యూరో అధికారిక సోషల్ మీడియా హ్యాండిల్స్‌లో ఈవెంట్‌ను ప్రత్యక్షంగా చూడవచ్చు. ఇది కాకుండా, మీరు వివిధ ఆన్‌లైన్ స్ట్రీమింగ్ ఛానెల్‌లు, టెలివిజన్ ఛానెల్‌లలోనూ చూడవచ్చు.

ఉదయం 7:06 – మహాత్మా గాంధీ సమాధి అయిన రాజ్‌ఘాట్‌లో ప్రధాని మోదీ పూలమాలలు వేస్తారు.

ఉదయం 7:14 గంటలకు రాజ్‌ఘాట్ నుంచి ఎర్రకోటకు బయలుదేరుతారు.

7:18 గంటలకు లాహోరీ గేట్‌కు వెళ్లి ఆర్‌ఎం, ఆర్‌ఆర్‌ఎం, డిఫెన్స్ వందనాలు తీసుకుంటారు.

7:20 గంటలకు ఎర్రకోట వద్ద గౌరవ గార్డ్ నిర్వహిస్తారు.

7:30 గంటలకు ప్రధాన మంత్రి ఎర్రకోటపై త్రివర్ణ పతాకాన్ని ఎగురవేస్తారు.

ఆయా రాష్ట్ర రాజధానులు, జిల్లా కేంద్రాలు, సబ్ డివిజన్లు, బ్లాక్‌లు, గ్రామ పంచాయతీలు, గ్రామాల్లో జాతీయ జెండాను ఎగురవేసే కార్యక్రమం ఉదయం 9 గంటల తర్వాత ప్రారంభమవుతుంది.

ప్రభుత్వం జారీ చేసిన మార్గదర్శకాల ప్రకారం..

ముందుగా ప్రధాని నరేంద్ర మోదీకి సాయుధ బలగాలు, ఢిల్లీ పోలీసులు గార్డ్ ఆఫ్ హానర్ ఇవ్వనున్నారు.

జాతీయ గీతాలాపనతో పాటు జాతీయ జెండాను ఎగురవేయడంతోపాటు 21 తుపాకుల గౌరవ వందనం కూడా ఉంటుంది. మొట్టమొదటిసారిగా, దేశీయ హోవిట్జర్ గన్, ATAGS, ఉత్సవ 21-గన్ సెల్యూట్‌లో ఉపయోగించనున్నారు.

ఈ తుపాకీ పూర్తిగా స్వదేశీ, DRDOచే రూపొందించింది.

భారత వైమానిక దళం హెలికాప్టర్లపై పూల వర్షం కురిపిస్తుంది.

ప్రధాని మోదీ ప్రసంగం అనంతరం జాతీయ గీతం ఆలపిస్తారు.

వేడుకల ముగింపు సందర్భంగా ఆకాశంలో త్రివర్ణ బెలూన్‌లను ఎగురవేస్తారు.

తదుపరి కార్యక్రమం ‘ఎట్ హోమ్’ రిసెప్షన్‌ను రాష్ట్రపతి భవన్‌లో ఏర్పాటు చేశారు.

NCC స్పెషల్ యూత్ ఎక్స్ఛేంజ్ ప్రోగ్రామ్ కింద, 14 వేర్వేరు దేశాల నుంచి 26 మంది అధికారులు/పర్యవేక్షకులు, 127 మంది క్యాడెట్లు/యువకులు మొదటిసారిగా ఎర్రకోటలోకి ప్రవేశిస్తారు.

ఈసారి అంగన్‌వాడీ కార్యకర్తలు, వీధి వ్యాపారులు, ముద్రా యోజన రుణాలు పొందినవారు, శవాగార కార్యకర్తలకు ప్రత్యేక ఆహ్వానం అందింది.

ఎర్రకోటకు చేరుకున్న తర్వాత ప్రధానికి రక్షణ మంత్రి శ్రీ రాజ్‌నాథ్ సింగ్, రక్షణ శాఖ సహాయ మంత్రి శ్రీ అజయ్ భట్, రక్షణ కార్యదర్శి డాక్టర్ అజయ్ కుమార్ స్వాగతం పలుకుతారు. డిఫెన్స్ సెక్రటరీ, జనరల్ ఆఫీసర్ కమాండింగ్ (GOC), ఢిల్లీ రీజియన్, లెఫ్టినెంట్ జనరల్ విజయ్ కుమార్ మిశ్రా, AVSMని ప్రధానికి పరిచయం చేస్తారు. ఆ తర్వాత, GOC ఢిల్లీ జోన్ శ్రీ నరేంద్ర మోదీని సెల్యూటింగ్ బేస్ వద్దకు తీసుకువెళ్తారు. అక్కడ సంయుక్త ఇంటర్-సర్వీసెస్, ఢిల్లీ పోలీస్ గార్డ్ ప్రధాన మంత్రికి సాధారణ వందనం అందజేస్తారు. ఆ తర్వాత ప్రధాన మంత్రి గార్డు ఆఫ్ ఆనర్‌ను పరిశీలించనున్నారు.

ప్రధాని కోసం గార్డ్ ఆఫ్ హానర్ బృందంలో ఆర్మీ, నేవీ, వైమానిక దళం, ఢిల్లీ పోలీసుల నుంచి ఒక్కొక్క అధికారి, 20 మంది పురుషులు ఉంటారు. గార్డ్ ఆఫ్ హానర్‌కు వింగ్ కమాండర్ కునాల్ ఖన్నా నాయకత్వం వహిస్తారు. ప్రైమ్ మినిస్టర్స్ గార్డ్‌లోని వైమానిక దళానికి స్క్వాడ్రన్ లీడర్ లోకేంద్ర సింగ్, ఆర్మీ కంటెంజెంట్‌కు మేజర్ వికాస్ సంగ్వాన్, నావికా దళానికి లెఫ్టినెంట్ కమాండర్ అవినాష్ కుమార్ నాయకత్వం వహిస్తారు. ఢిల్లీ పోలీసు బృందానికి అదనపు డీసీపీ (తూర్పు ఢిల్లీ) అచిన్ గార్గ్ నాయకత్వం వహిస్తారు.

గార్డ్ ఆఫ్ ఆనర్‌ను పరిశీలించిన తర్వాత, ప్రధాని నరేంద్ర మోదీ ఎర్రకోట ప్రాకారానికి చేరుకుంటారు. అక్కడ రక్షణ మంత్రి శ్రీ రాజ్‌నాథ్ సింగ్, రక్షణ శాఖ సహాయ మంత్రి శ్రీ అజయ్ భట్, ఆర్మీ స్టాఫ్ చీఫ్ జనరల్ మనోజ్ పాండే, ఆయనకు స్వాగతం పలుకుతారు. ఆర్మీ స్టాఫ్ చీఫ్ జనరల్ మనోజ్ పాండే, నావల్ స్టాఫ్ అడ్మిరల్ ఆర్ హరి కుమార్, చీఫ్ ఆఫ్ ఎయిర్ స్టాఫ్ ఎయిర్ చీఫ్ మార్షల్ విఆర్ చౌదరి కూడా ఉంటారు. GOC ఢిల్లీ ప్రాంతం జాతీయ జెండాను ఎగురవేసేందుకు ప్రధానమంత్రిని ప్రాకారంపై వేదికపైకి తీసుకువెళ్తారు.

ఇవి కూడా చదవండి

రాష్ట్రపతి భవన్‌లో ‘ఎట్-హోమ్ ఫంక్షన్’ సాయంత్రం 5 గంటల తర్వాత ప్రారంభమవుతుంది. కార్యక్రమాలలో ఆహ్వానితుల సమూహం ఉంది. వీరిలో- దివ్యాంగులు, వివిధ రంగాలలో సాధించిన విజయాలు, సమాజానికి ఆదర్శప్రాయమైన కృషి చేసిన వ్యక్తులు, పర్యావరణ యోధులు, స్వచ్ఛగ్రాహిలు, అమరవీరుల బంధువులు, జాతీయ లేదా అంతర్జాతీయ స్థాయిలో ఒలింపిక్, ఇతర ముఖ్యమైన క్రీడా పోటీల్లో విజేతలు, అసాధారణ ఉపాధ్యాయులు, ఫ్రంట్‌లైన్ ఆరోగ్య కార్యకర్తలు, బాల శౌర్య పురస్కార విజేతలు, మహిళా సర్పంచ్ తదితరులు, విద్యార్థి టాపర్లు, ఉత్తమ పరిశోధకులతో సహా సుమారు 8000 మందిని ఈ వేడుకలకు ఆహ్వనించారు.

లేటెస్ట్ న్యూస్ హైలెట్స్ చూడండి

Follow us on

Most Read Stories

Click on your DTH Provider to Add TV9 Telugu