RTO Office: వాహనదారులు ఇకపై ఆర్టీవో ఆఫీసుకు వెళ్లాల్సిన అవసరం లేదు… 18 సేవలు ఆన్‌లైన్‌లోనే..

RTO Office: ప్రస్తుతం అన్ని రంగాల్లో ఆన్‌లైన్‌ సేవలు అందుబాటులోకి వస్తున్నాయి. ప్రభుత్వాలు కూడా డిజిటల్‌ సేవలకు ప్రాధాన్యత కల్పిస్తున్నాయి. ప్రజలకు అందించే సేవల్లో సాంకేతికతను ఎక్కువగా వినియోగిస్తున్నారు. ఈ క్రమంలోనే తాజాగా రవాణా శాఖ కూడా తమ సేవలను ఆన్‌లైన్‌లోనే అందిస్తోంది. లెర్నర్స్‌ లైసెన్స్‌, వాహన యాజమాన్య హక్కుల మార్పు, డూప్లికేట్‌ డ్రైవింగ్‌ లైసెన్స్‌, డ్రైవింగ్‌ లైసెన్స్‌ రెన్యువల్‌తో పాటు 18 రకాల సేవలను పూర్తిస్థాయిలో ఆన్‌లైన్‌లో అందించనుంది. ఈ విషయమై తాజాగా కేంద్ర రవాణా శాఖ సర్క్యులర్‌ జారీ చేసింది. ఈ ఆన్‌లైన్‌ సేవలు మార్చి 3 నుంచి అందుబాటులోకి వచ్చాయి. దీంతో ఇకపై వాహనదారులు ఆర్టీవో కార్యాలయాలకు వెళ్లకుండానే సేవలను పొందొచ్చన్నమాట. అయితే ఈ సేవలను ఆన్‌లైన్‌లో పొందాలంటే కచ్చితంగా ఆధార్‌ అథెంటికేషన్‌ చేసుకోవాల్సి ఉంటుందని రవాణా శాఖ పేర్కొంది.

ఆన్‌లైన్‌లో లభించనున్న సేవలు ఇవే..

* లెర్నర్స్‌ లైసెన్స్‌ * డ్రైవింగ్‌ లైసెన్స్‌ రెన్యూవల్‌ * డూప్లికేట్‌ డ్రైవింగ్‌ లైసెన్స్‌, రిజిస్ట్రేషన్‌ సర్టిఫికెట్‌ * డ్రైవింగ్‌ లైసెన్స్‌, వాహన రిజిస్ట్రేషన్‌ పత్రంలో చిరునామా మార్పు * అంతర్జాతీయ డ్రైవింగ్‌ లైసెన్స్‌ * వాహన యాజమాన్య హక్కుల బదిలీకి ఎన్‌వోసీ, బదిలీ దరఖాస్తు. * ఇంటర్నేషనల్‌ డ్రైవింగ్‌ పర్మిట్‌. * లైసెన్స్‌ నుంచి వాహనాలను తొలగించడం. * తాత్కలిక రిజిస్ట్రేషన్‌ అప్లికేషన్‌. * రిజిస్ట్రేషన్‌ డూప్లికేట్‌ సర్టిఫికేట్‌. * NOC సర్టిఫికేట్‌. * వాహన యజమాని పేరు మార్పిడి. * రిజిస్ట్రేషన్‌ సర్టిఫికేట్‌లో చిరునామా మార్పిడి. * హైర్‌-పర్చెస్‌ అగ్రిమెంట్‌. * హైర్‌-పర్చెస్‌ అగ్రిమెంట్‌ తొలగింపు. వీటితో పాటు మరికొన్ని సేవలను ఆన్‌లైన్‌లో అందుబాటులోకి తీసుకురావడానికి రవాణా శాఖ నిర్ణయం తీసుకుంది.

Certain services regarding Driving License and Certificate of Registration have been made completely online. Now these services can be availed without going to RTO. With Aadhaar authentication, on voluntary basis, anyone can get the benefit of these contactless services. pic.twitter.com/UBBvbbsGfG

— MORTHINDIA (@MORTHIndia) March 4, 2021

Also Read: Bride Died In Marriage: అత్తారింటికి బయలుదేరిన కొత్త పెళ్లికూతురు.. అంతలోనే అనంతలోకాలకు.. అసలేం జరిగిందంటే..

CERAWeek event: వాతావరణ మార్పులతో అలాగైతేనే పోరాడగలం.. ‘సెరా వీక్’ సదస్సులో ప్రధాని మోదీ

Tamil Nadu Assembly Election 2021: బీజేపీ – ఏఐఏడీఎంకే మధ్య కుదిరిన ఏకాభిప్రాయం.. బీజేపీ ఎన్ని సీట్లల్లో పోటీ చేయనుందంటే..?