Crime: నలుగురి ప్రాణాలు తీసిన నిర్లక్ష్యం.. ఎవరూ లేరనుకుని వేగంగా కారు నడిపాడు.. చివరకు
మహారాష్ట్రలోని (Maharashtra) నాగపుర్లో ఘోర రోడ్డు ప్రమాదం జరిగింది. వేగంగా వస్తున్న కారు అదే రూట్ లో వెళ్తున్న బైక్ లపై దూసుకెళ్లింది. నగరంలోని సక్కర్దార బ్రిడ్జిపై జరిగిన ఈ ప్రమాదంలో ఒకే కుటుంబానికి చెందిన..
Updated on: Sep 10, 2022 | 4:28 PM
మహారాష్ట్రలోని (Maharashtra) నాగపుర్లో ఘోర రోడ్డు ప్రమాదం జరిగింది. వేగంగా వస్తున్న కారు అదే రూట్ లో వెళ్తున్న బైక్ లపై దూసుకెళ్లింది. నగరంలోని సక్కర్దార బ్రిడ్జిపై జరిగిన ఈ ప్రమాదంలో ఒకే కుటుంబానికి చెందిన నలుగురు మృతి చెందారు. సమాచారం అందుకున్న స్థానికులు పోలీసులకు సమాచారం అందించారు. వారు ఘటనా స్థలానికి చేరుకుని మృతదేహాలను పరిశీలించారు. కారు డ్రైవర్ను అదుపులోకి తీసుకున్నారు. ఘటనపై కేసు నమోదు చేసుకుని దర్యాప్తు చేపడుతున్నారు.
గణేశ్అధావ్ తన ఫ్రెండ్ కారు తీసుకుని బుట్టిబోరినికి పయనమయ్యాడు. అర్ధరాత్రి కావడంతో రద్దీ తక్కువగానే ఉంటుందని భావించాడు. బ్రిడ్జ్పై ఎవరూ లేరనుకుని కారు స్పీడ్ చేశాడు. నిర్లక్ష్యంగా డ్రైవ్ చేస్తూ ఎదురుగా వస్తున్న మూడు వాహనాలను వరుసగా ఢీ కొట్టాడు. అందులో ఓ బైక్పై ఒక వ్యక్తి, అతని తల్లి, ఇద్దరు పిల్లలు ప్రయాణిస్తున్నారు. కారు ఢీ కొట్టడం వల్ల వారు వంతెనపై నుంచి కింద పడిపోయారు. ఆ నలుగురూ అక్కడికక్కడే మృతి చెందారు.
మృతులు వినోద్ ఖపేకర్ (45), అతని తల్లి లక్ష్మీబాయి (65), అతని ఇద్దరు కుమారులు ఐదు, పదకొండేళ్ల వయస్సు ఉన్నారని, ఈ సంఘటనలో మరో ఇద్దరు గాయపడి చికిత్స పొందుతున్నారని వైద్యులు వెల్లడించారు.
మరిన్ని జాతీయ వార్తల కోసం ఇక్కడ క్లిక్ చేయండి
