Chenab Rail Bridge: ప్రపంచంలోనే ఎత్తైన చీనాబ్ వంతెనపై రైలు.. ట్రయల్ రన్ విజయవంతం!
భారత రైల్వే శాఖలో సువర్ణ అధ్యాయనం మొదలైంది. త్వరలో ప్రపంచ దేశాల్లో భారత జెండా రెపరెపలాడనుంది. జమ్మూ కాశ్మీర్‌లోని చీనాబ్ నదిపై నిర్మిస్తున్న ప్రపంచంలోనే అత్యంత ఎత్తైన రైలు వంతెనపై త్వరలో రైలు సేవలు ప్రారంభం కానున్నాయి
భారత రైల్వే శాఖలో సువర్ణ అధ్యాయనం మొదలైంది. త్వరలో ప్రపంచ దేశాల్లో భారత జెండా రెపరెపలాడనుంది. జమ్మూ కాశ్మీర్‌లోని చీనాబ్ నదిపై నిర్మిస్తున్న ప్రపంచంలోనే అత్యంత ఎత్తైన రైలు వంతెనపై త్వరలో రైలు సేవలు ప్రారంభం కానున్నాయి. రాంబన్ నుండి రియాసికి ఒక ఉత్తేజకరమైన ప్రయాణంలా అనిపిస్తుంది. తాజా రైల్వే అధికారులు ట్రయల్ రన్ విజయవంతంగా పూర్తి చేసినట్లు ప్రకటించారు.
భారతదేశం ప్రతిరోజూ కొత్త శిఖరాలకు చేరుకుంటుంది. ప్రపంచవ్యాప్తంగా ఒక ప్రత్యేక గుర్తింపుగా మారింది. భద్రత, విద్య, అభివృద్ధి, సాంకేతిక రంగాల్లో భారతదేశం ఉన్నత శిఖరాలకు చేరుకుంటోంది. జమ్మూ కాశ్మీర్‌లోని చీనాబ్ నదిపై నిర్మించబడుతున్న ప్రపంచంలోనే అత్యంత ఎత్తైన రైల్వే వంతెన ప్రయాణం మరో పెద్ద విజయంతో దేశాన్ని కలుపుతుంది. త్వరలోనే ప్రపంచంలోని ఎత్తైన వంతెనపై అద్భుతమైన రైలు ప్రయాణాన్ని ఆస్వాదించబోతున్నాం. ఈ వంతెన ద్వారా రాంబన్ నుండి రియాసికి అందమైన రైలు ప్రయాణం మొదలు కానుంది. ప్రస్తుతం కన్యాకుమారి నుండి కత్రా వరకు రైలు మార్గం ఉంది. కాశ్మీర్ లోయలోని బారాముల్లా నుండి సంగల్దాన్ వరకు సర్వీసులు నడుస్తాయి.
చీనాబ్ నదిపై రైల్వే వంతెన ఆధునిక ప్రపంచంలో ఇంజనీరింగ్ అద్భుతం. భారత ఇంజనీర్లకు కూడా ఇది గర్వకారణం. ఇది ప్రపంచంలోని ఎనిమిదో అద్భుతం కానుంది. రాంబన్ జిల్లాలోని సంగల్దాన్ – రియాసి మధ్య కొత్తగా నిర్మించిన రైల్వే లైన్ , స్టేషన్లను రైల్వే అధికారులు ఇటీవల సమగ్ర తనిఖీ చేశారు. ప్రపంచంలోనే అత్యంత ఎత్తైన రైలు వంతెనపై ట్రయల్ రన్ విజయవంతంగా పూర్తి చేసినట్లు కొంకణ్‌ రైల్వే అధికారులు ప్రకటించారు. చాలా సవాలుతో కూడుకున్న ఈ ప్రాజెక్టు తుది దశకు చేరుకుందని తెలిపారు. త్వరలో అన్నీ దశలు పూర్తవుతాయని, రైలు ప్రయాణం సులవు కానుందని తెలిపారు.
అందమైన చీనాబ్ నదిపై నిర్మించిన భారీ వంపు వంతెన ద్వారా రాంబన్ – రియాసి మధ్య రైలు సేవలను అతి త్వరలో ప్రారంభించనున్నట్లు రైల్వే ప్రకటించింది. ఈ వంతెన ప్రపంచంలోనే అత్యంత ఎత్తైన సింగిల్ ఆర్చ్ రైల్వే వంతెన ప్రపంచం, టవర్ కంటే ఎత్తైన ప్యారిస్‌లోని ఈఫిల్ టవర్‌ను అధిగమించింది. ఇది జమ్మూ – కాశ్మీర్‌లోని రియాసి జిల్లాలో బక్కల్ – కౌరీ మధ్య ఉంది. రాంబన్ జిల్లాలోని సంగల్దాన్ – రియాసి మధ్య కొత్తగా రైల్వే లైన్ నిర్మించారు. ఇక ట్రయల్ రన్‌కు సంబంధించి కేంద్ర మంత్రి అశ్విని వైష్ణవ్ ఓ వీడియోను సోషల్ మీడియాలో షేర్ చేశారు.
1st trial train between Sangaldan to Reasi. pic.twitter.com/nPozXzz8HM
— Ashwini Vaishnaw (@AshwiniVaishnaw) June 16, 2024
1,315 మీటర్ల పొడవైన వంతెన కాశ్మీర్ లోయను భారతీయ రైల్వే నెట్‌వర్క్ ద్వారా అందుబాటులోకి రానుంది. ఉధంపూర్-శ్రీనగర్-బారాముల్లా రైలు లింక్ (USBRL), 48.1 కి.మీ పొడవైన బనిహాల్-సంగల్దాన్ సెక్షన్‌ను ఫిబ్రవరి 20, 2024న PM నరేంద్ర మోదీ ప్రారంభించారు. ఏడాది చివరికల్లా పూర్తి చేయాలని భావిస్తున్నారు.
