ఆ రాష్ట్రంలో జైలు శిక్ష అనుభవించిన వారికి ప్రతినెల రూ.15 వేల పింఛను..
అస్సాం ప్రభుత్వం కీలక నిర్ణయం తీసుకుంది. 1975 లో అప్పటి భారత ప్రధాని ఇందిరాగాంధి నేతృత్వంలో దేశంలో ఎమర్జెన్సీ విధించిన సంగతి తెలిసిందే. అయితే ఆ ఎమర్జెన్సీ సమయంలో తమ రాష్రం నుంచి జైలు శిక్ష అనుభవించిన వ్యక్తులకు ప్రతినెల రూ.15 వేలు పింఛను ఇవ్వనున్నట్లు ప్రకటించింది.
Updated on: Apr 20, 2023 | 11:39 AM
అస్సాం ప్రభుత్వం కీలక నిర్ణయం తీసుకుంది. 1975 లో అప్పటి భారత ప్రధాని ఇందిరాగాంధి నేతృత్వంలో దేశంలో ఎమర్జెన్సీ విధించిన సంగతి తెలిసిందే. అయితే ఆ ఎమర్జెన్సీ సమయంలో తమ రాష్రం నుంచి జైలు శిక్ష అనుభవించిన వ్యక్తులకు ప్రతినెల రూ.15 వేలు పింఛను ఇవ్వనున్నట్లు ప్రకటించింది. దాదాపు 301 మందికి ఈ పింఛను ఇవ్వనున్నట్లు పేర్కొంది. ప్రజాస్వామ్యం పట్ల వారు చేసిన సహకారాన్ని గుర్తించేందుకే ఈ నిర్ణయం తీసుకున్నట్లు ఆ రాష్ట్ర మంత్రి అశోక్ సింగల్ తెలిపారు.
ఒకవేళ ఎమర్జెన్సీ కాలంలో జైలు శిక్ష అనుభవించిన వ్యక్తి లేకుంటే ఆ పింఛన్ డబ్బులు అతని భార్యకు అందుతాయని తెలిపారు. ఒకవేళ భార్యభర్తలు ఇద్దరు లేకుంటే.. పెళ్లి కాని వారి కుమార్తెకు ఈ పింఛన్ వర్తిస్తుందని పేర్కొన్నారు. అయితే ఈ అత్యవరస సమయంలో జైలుపాలైన వ్యక్తులకు పలు రాష్ట్రాలు కూడా పింఛను సహయాన్ని అందిస్తు్నాయని అశోక్ సింగల్ తెలిపారు. కానీ ఆ రాష్ట్రాలతో పోల్చుకుంటే అస్సాం ప్రభుత్వం అత్యధికంగా పింఛను డబ్బులు అందజేస్తుందని వెల్లడించారు.
మరిన్ని జాతీయ వార్తల కోసం క్లిక్ చేయండి.
