Sidhu Moose Wala: వివాదాల్లో పంజాబ్ గాయకుడు మూసేవాలా కొత్త పాట.. ఆప్ మండిపాటు!

Sidhu Moose Wala: ప్రముఖ పంజాబీ గాయకుడు(Punjab Singer), కాంగ్రెస్(Congress) నాయకుడు సిద్ధూ మూసేవాలా పంజాబ్ అసెంబ్లీ ఎన్నికల్లో ఓటమిపై మౌనాన్ని వీడి తనదైన శైలిలో పాటను విడుదల చేశారు. కాంగ్రెస్ పార్టీలో చేరాలన్న తన నిర్ణయాన్ని మూసేవాల ఈ పాట ద్వారా సమర్థించుకున్నారు. దీంతో పాటు పంజాబ్‌ ప్రజలు దేశద్రోహి ఎవరో చెప్పాలని కోరారు. ఖలిస్తాన్ మద్దతుదారు సిమ్రంజిత్ సింగ్ మాన్ పేరు కూడా పాటలో వినిపిస్తోంది. అయితే, పాటలోని కొన్ని సాహిత్యంతో అతని కష్టాలు తెచ్చిపెట్టాయి. మూసేవాలా ఈ వివాదాస్పద పాటపై ఆప్ అభ్యంతరం వ్యక్తం చేసింది. ఈ విషయంలో కాంగ్రెస్ నుండి వివరణ కోరింది.

పంజాబ్ అసెంబ్లీ ఎన్నికల్లో కాంగ్రెస్ ఓటమిపై తాజాగా సిద్ధూ మూసేవాలా పాట విడుదల చేశారు. కాంగ్రెస్ పార్టీలో చేరాలన్న తన నిర్ణయాన్ని మూసేవాల ఈ పాట ద్వారా సమర్థించుకున్నారు. దీంతో పాటు పంజాబ్‌ ప్రజలు దేశద్రోహి ఎవరో చెప్పాలని కోరారు. అయితే, సిద్ధూ మూసేవాలా తాజా పాటపై పంజాబ్‌లోని అధికార ఆమ్ ఆద్మీ పార్టీ తీవ్రస్థాయిలో అభ్యంతరం వ్యక్తం చేసింది. ఆ పార్టీ నాయకులు రాష్ట్ర ప్రజలను ద్రోహులుగా అభివర్ణించాడని ఆరోపించారు. సిద్ధూ మూసేవాలాతో సుపరిచితుడైన శుభదీప్ సింగ్ సిద్ధూ, ఇటీవల జరిగిన రాష్ట్ర అసెంబ్లీ ఎన్నికలలో తన ఓటమి గురించి మాట్లాడుతున్న ‘స్కేప్‌గోట్’ అనే తన తాజా పాటను విడుదల చేశాడు. 2022 పంజాబ్ అసెంబ్లీ ఎన్నికల్లో మాన్సా అసెంబ్లీ స్థానం నుంచి కాంగ్రెస్ టిక్కెట్‌పై పోటీ చేసిన మూసేవాలా 63,323 ఓట్ల తేడాతో ఆప్‌కి చెందిన డాక్టర్ విజయ్ సింగ్లా చేతిలో ఓడిపోయారు.

ఇక్కడ మీడియాను ఉద్దేశించి AAP నాయకుడు మల్విందర్ సింగ్ కాంగ్ మాట్లాడుతూ.. మూసేవాలా తన తాజా పాటలో పంజాబ్ ప్రజలను ‘గద్దర్’గా పేర్కొన్నారని ఆరోపించారు. “అభ్యంతరకరమైన” సాహిత్యంపై కాంగ్రెస్ తన వైఖరిని స్పష్టం చేయాలని డిమాండ్ చేశారు. పంజాబ్ ప్రజల పట్ల కాంగ్రెస్ మనస్తత్వాన్ని ఈ పాట ప్రతిబింబిస్తోందని ఆయన ఆరోపించారు. “మూసేవాలా తన పాటలో 3 కోట్ల పంజాబీలను ‘గద్దర్’ అని పిలిచాడు” అని కాంగ్ పేర్కొన్నారు. మూసే వాలాను కూడా పార్టీ నుంచి గెంటేయాలని కాంగ్రెస్‌ను కోరారు.

అమృత్‌సర్‌ ఈస్ట్‌కు చెందిన ఆప్‌ శాసనసభ్యురాలు జీవన్‌ జ్యోత్‌ కౌర్‌.. మూసేవాలాపై తీవ్ర స్థాయిలో విమర్శలు గుప్పిస్తూ, “పంజాబీలు దేశద్రోహులు కాదు, కపటులు కాదు @iSidhuMoosewala. మాకు గొప్ప చరిత్ర ఉందిజ మేము ఎల్లప్పుడూ న్యాయం, సత్యం కోసం నిలబడతాము. మీ మాటలను గుర్తుంచుకోండి.” అంటూ ఘాటు వ్యాఖ్యలు చేశారు. ఈ అంశానికి సంబంధించి పంజాబ్ మంత్రి హర్జోత్ బెయిన్స్ కూడా విరుచుకుపడ్డారు. అతని పాట సాహిత్యం అవమానకరంగా ఉందని వ్యాఖ్యానించారు. “వినయం గొప్ప ధర్మం అని మా గురు సాహిబ్ బోధించారు. ఓటమిని ఆత్మపరిశీలన పాఠంగా తీసుకోవాలి. కానీ @iSidhuMoosewala అహంకారంలో మతిస్థిమితం కోల్పోయినట్లున్నారు. పంజాబ్ ప్రజలు తమ హృదయాల నుండి ఓటు వేశారు. ప్రజల గొంతును గద్దర్ అని పిలవడం సిగ్గుచేటని ఆయన ట్వీట్‌లో ఆరోపించారు.

Read Also…  Minister Eshwarappa: కాంట్రాక్టర్ ఆత్మహత్య.. మంత్రి పై కేసు నమోదు.. మంత్రి పదవి నుంచి తొలగించాలని కాంగ్రెస్ డిమాండ్