5G Network: దేశ వ్యాప్తంగా 50 నగరాల్లో అందుబాటులోకి వచ్చిన 5జీ సేవలు.. మీ నగరం ఉందేమో చూసుకోండి..

5G Network భారతదేశ వ్యాప్తంగా అక్టోబర్ నెల నుంచే 5జీ సేవలు ప్రారంభం అయ్యాయి. రిలయన్స్ జియో, ఎయిర్‌టెల్ రెండూ 5జీ విప్లవానికి నాంది పలికాయి. ఈ విషయం విఐ కాస్త వెనుకబడింది.

5g Technology

Shiva Prajapati |

Updated on: Dec 13, 2022 | 6:24 PM

భారతదేశ వ్యాప్తంగా అక్టోబర్ నెల నుంచే 5జీ సేవలు ప్రారంభం అయ్యాయి. రిలయన్స్ జియో, ఎయిర్‌టెల్ రెండూ 5జీ విప్లవానికి నాంది పలికాయి. ఈ విషయం విఐ కాస్త వెనుకబడింది. అయితే, భారతదేశపు అగ్రశ్రేణి టెలికాం ప్రొవైడర్లు అయిన జియో, ఎయిర్‌టెల్ సమిష్టిగా దేశంలోని దాదాపు 50 నగరాల్లో 5G సేవలను ప్రారంభించాయి. అంతేకాదు.. ఇటీవలి కాలంలో వైర్‌లెస్ టెక్నాలజీని అందరికీ అందుబాటులోకి తీసుకువచ్చారు. ఇదే విషయాన్ని పార్లమెంట్‌లో ప్రశ్నోత్తరాల సమయంలో కేంద్ర టెలికాం మంత్రి అశ్విని వైష్ణవ్ వెల్లడించారు.

పార్లమెంట్‌లో మంత్రి మాట్లాడుతూ.. ‘టెలికాం సర్వీస్ ప్రొవైడర్లు దేశంలో అక్టోబర్ 1 నుంచి దేశ వ్యాప్తంగా 5జి సేవలను ప్రారంభించాయి. నవంబర్ 26వ తేదీ నాటికి దేశంలోని 50 పట్టణాల్లో 5జీ సేవలు ప్రారంభం అయ్యాయి. 5జీ సేవలకు ఇప్పుడు ఎలాంటి అదనపు ఛార్జీలు వసూలు చేయడం జరుగదు. అంటే.. కస్టమర్ ఇప్పటికీ ఎయిర్‌టెల్, జియో వినియోగిస్తున్నట్లయితే.. 5జీ నెట్‌వర్క్‌ని యాక్సెస్ చేయడానికి అదనంగా ఎలాంటి ఛార్జీలు చెల్లించాల్సిన అవసరం లేదు’ అని స్పష్టం చేశారు.