సూర్య నమస్కారాలతో ఇన్ని లాభాలా..? మహిళలకు రెట్టింపు ప్రయోజనాలు..
నేటి బిజీ బిజీ లైఫ్లో చాలా మంది ప్రజలు తమ ఆరోగ్యాన్ని నిర్లక్ష్యం చేస్తారు. కానీ, మీ రోజును కేవలం 10 నిమిషాల సూర్య నమస్కారంతో ప్రారంభించడం వల్ల మీ శరీరానికి శక్తివంతం కావడమే కాకుండా అనేక ఆరోగ్య సమస్యలను దూరం చేసుకోవచ్చు అంటున్నారు నిపుణులు.. సూర్య నమస్కారం అనేది 12 యోగా భంగిమలను కలిపి పూర్తి శరీర వ్యాయామంగా పరిగణించబడే యోగాభ్యాసం. ఈ సూర్య నమస్కారాలు స్త్రీలకు ఎలా ఉపయోగపడతాయో ఇక్కడ తెలసుకుందాం..
ప్రతిరోజు ఉదయాన్నే సూర్యనమస్కారాలు చేయడం వల్ల ఎన్నో రకాల ప్రయోజనాలు పొందుతారు. ప్రతి రోజూ ఉదయం సూర్య నమస్కారం చేయడం వల్ల శరీర జీవక్రియ సక్రియం అవుతుంది. ఇది జీర్ణక్రియను వేగవంతం చేస్తుంది. మలబద్ధకం, గ్యాస్, అజీర్ణం వంటి కడుపు సమస్యల నుండి ఉపశమనం కలిగిస్తుంది. ఇది ప్రేగులను కూడా పూర్తిగా శుభ్రపరుస్తుంది. ముఖ్యంగా మహిళలు ప్రతిరోజు ఉదయం సూర్య నమస్కారం చేస్తే పురుషుల కంటే ఎక్కువ లాభాలు పొందుతారట. సూర్యనమస్కారాల విధానం ద్వారా శరీరంలోని అన్ని వ్యవస్థలను ప్రభావితం చేస్తుంది. సూర్య నమస్కారాలు వెన్నెముక సామర్థ్యాన్ని మెరుగుపరచడంతో పాటు వెన్నెముక, భుజాలు, చేతులు, కాళ్ళ కండరాలను బలపరుస్తాయి.
సూర్య నమస్కారం చేయడం వల్ల శరీరానికి నూతన శక్తి లభిస్తుంది. ఉదయాన్నే ఈ యోగాసనం చేయడం వల్ల మీ శరీరం చురుగ్గా మారుతుంది. ఉదయం నిద్ర లేచిన తర్వాత మహిళలు సూర్య నమస్కారాలు చేస్తే రక్త ప్రసరణ వ్యవస్థ మెరుగుపడుతుంది..చర్మం ప్రకాశవంతంగా, యవ్వనంగా మారుతుంది. అలాగే, జీర్ణక్రియ సమస్యలతో బాధపడుతున్న మహిళలు ఉదయాన్నే సూర్యనమస్కారం చేస్తే మంచి ఫలితాలు పొందుతారు. ప్రతి రోజు ఉదయం సూర్య నమస్కారం చేస్తే జ్ఞాపకశక్తి కూడా మెరుగుపడుతుందని నిపుణులు చెబుతున్నారు.
క్రమం తప్పకుండా సూర్యనమస్కారాలు చేయటం వల్ల మెదడులో కొత్త ఆలోచనలు కలుగుతాయి. ఇది దృష్టిని పెంచుతూ పని సామర్థ్యాన్ని మెరుగుపరుస్తుంది. ఒత్తిడిని తగ్గిస్తుంది. శరీరంలోని అదనపు కొవ్వు కరుగుతుంది. ఇది జీవక్రియను వేగవంతం చేస్తుంది. ఫలితంగా బరువు తగ్గడానికి సహాయపడుతుంది. శరీరం సన్నగా, దృఢంగా ఉంటుంది. ముఖ్యంగా మలబద్ధకంతో బాధపడే వారు కూడా ఈ సూర్య నమస్కారాలు చేయడం వల్ల తొందరగా మంచి ఫలితాలు పొందగలుగుతారని నిపుణులు చెబుతున్నారు.
మరిన్ని లైఫ్స్టైల్ న్యూస్ కోసం ఇక్కడ క్లిక్ చేయండి.