Car Tips: కారు రన్నింగ్‌లో టైరు పంక్చర్ అయితే ఈ పొరపాటు అస్సలు చేయకండి.. ఈ చిట్కాతో ముందే గుర్తించవచ్చు తెలుసా

మనం కుటుంబంతోపాటు లేదా ఫ్రెండ్స్‌తో కారులో దూసుకుపోతున్నప్పుడు కారు టైరు పంక్చర్ అయితే.. ఊహించడమే చాలా ఇబ్బందిగా ఉంటుంది. కానీ, చాలా మంది తమ కారు టైర్ పంక్చర్ అయిందని త్వరగా గుర్తించకపోవడం వల్ల పెద్ద ప్రమాదాలకు కారణంగా మారుతుంది. ముఖ్యంగా కొత్త డ్రైవర్ కారు డ్రైవింగ్ చేస్తున్నప్పుడు టైర్ పంక్చర్ అయితే త్వరగా గమనించలేరు. మీరు కారును నడుపుతూ ఉంటే.. మీ కారు టైర్ ఖచ్చితంగా పాడైపోతుంది. అది కట్ అవుతుంది.

దీని తర్వాత మీరు కొత్త టైర్ను కొనుగోలు చేయాలి.. ఇది ఖరీదైనదిగా ఉంటుంది. దీంతో మన నెల ఖర్చు కూడా పెరుగుతుంది. అయితే, మీరు టైర్ పంక్చర్ గురించి సకాలంలో తెలుసుకుంటే.. మీరు భారీ ఖర్చుకు చెక్ పెట్టవచ్చు. కదులుతున్న కారులో టైర్ పంక్చర్‌ను ఎలా అంచనా వేయాలో మనం ఇక్కడ తెలుసుకుందాం..

ముందు టైరులో పంక్చర్

ముందుగా ముందు టైర్ల గురించి మాట్లాడుకుందాం. మీ కారు ముందు టైర్‌లో పంక్చర్ అయినట్లయితే.. మీ కారు టైర్ పంక్చర్ అయిన వైపు ఎక్కువగా కదలడం ప్రారంభిస్తుంది. మీ స్టీరింగ్ కొంచెం కష్టం అవుతుంది. టైర్ పంక్చర్ అయిన వైపు స్టీరింగ్ పదే పదే తిరుగుతున్నట్లు మీకు అనిపిస్తుంది.

ఇవి కూడా చదవండి

ఈ రుచికరమైన పండ్లు ఊబకాయానికి వేగంగా చెక్ పెడుతాయి..

ప్రధాని మోదీ ఇష్టంగా తినే పరాటా ఇదే..

కార్డు లేకుండానే ఏటీఎం నుంచి డబ్బులు తీసుకోవచ్చు..

మీ బైక్ మైలేజీని పెంచుకోవాలని అనుకుంటున్నారా..

స్టీరింగ్‌ను నియంత్రించడానికి మీరు మరింత శక్తిని ఉపయోగించాల్సి ఉంటుంది. ఎడమ టైరు పంక్చర్ అయినట్లయితే.. కారు మళ్లీ మళ్లీ ఎడమ వైపుకు వెళ్లడం ప్రారంభమవుతుంది. ముందు కుడి వైపు టైర్ పంక్చర్ అయితే మీ కారు మళ్లీ మళ్లీ కుడి వైపుకు వెళ్లడం ప్రారంభమవుతుంది. ఇలా జరిగితే.. వెంటనే ఆపి టైర్లను చెక్ చేయండి.

వెనుక టైరులో పంక్చర్

కదులుతున్న కారు వెనుక టైర్‌లో పంక్చర్‌ని గుర్తించడం కొంచెం కష్టమే. అయితే, కారు వెనుక టైరులో పంక్చర్ అయితే.. కారు పికప్ తగ్గుతుంది. కారుని ఎవరో వెనక్కి లాగినట్లు మీకు అనిపిస్తుంది. కారు ఒత్తిడిలో కదులుతున్నట్లు మీకు ఫీల్ వస్తుంది. ముందుకు సాగడానికి మరింత శక్తి అవసరమవుతుంది.

పంక్చర్ కారణంగా, కారు బ్యాలెన్స్ కూడా చెదిరిపోతుంది. ఇది వాహనాన్ని నియంత్రించడం కష్టతరం చేస్తుంది. కారు అకస్మాత్తుగా అస్థిరంగా మారిందని మీకు అనిపించినా.. ఒకసారి టైర్లను తనిఖీ చేయండి.  మీ కారు టైర్ పంక్చర్ అయ్యే అవకాశం ఎక్కువగా ఉంటుంది.

టైర్ పంక్చర్ అయితే ఏం చేయాలి?

టైర్ పంక్చర్ అయినట్లయితే, కారును దాని వైపు పార్క్ చేసి, స్టెప్నీ టైర్‌ను కారులో అమర్చండి. కానీ, స్టెప్నీ టైర్‌ను ప్రధాన టైర్‌గా ఉపయోగించకూడదని గుర్తుంచుకోండి. మీరు ఎక్కడైనా మెకానిక్‌ని కలవండి. మీ ప్రధాన టైర్ పంక్చర్‌ను రిపేర్ చేసి ఇస్తాడు.

మరిన్ని లైఫ్ స్టైల్ వార్తల కోసం