Boiled Egg Water Uses: గుడ్లు ఉడికించిన నీళ్లను పారేయకండి.. ఎందుకో తెలుసా..?

గుడ్డు ఉడికేటప్పుడు పెంకులు నుంచి కొన్ని ముఖ్యమైన ఖనిజాలు నీటిలోకి కలుస్తాయి. ముఖ్యంగా కాల్షియం, మెగ్నీషియం, పొటాషియం, ఫాస్ఫరస్ అనే ఖనిజాలు ఎక్కువగా ఉంటాయి. ఇవి మన శరీరానికే కాకుండా.. కొన్ని ఇంటి పనులకు, తోటపనులకు కూడా ఉపయోగపడుతాయి. ఈ నీరు సహజమైన పోషక పదార్థాలు కలగలిపిన రీతిలో ఉంటుంది.

ఈ నీటిని తోటలో వాడితే మొక్కలకు మంచి లాభం ఉంటుంది. కాల్షియం వల్ల నేల తత్వం సమతుల్యం అవుతుంది. ఇది మొక్కలు అవసరమైన పోషకాలను తీసుకోవడానికి సహాయపడుతుంది. ముఖ్యంగా కూరగాయలు, పూల మొక్కలకు ఇది మంచి ప్రకృతిసిద్ధమైన ఎరువులా పని చేస్తుంది. ఈ నీటిని మట్టిలో పోసినప్పుడు మొక్కలు ఆరోగ్యంగా పెరుగుతాయి.

గుడ్డు ఉడికిన నీటితో వంట పాత్రలను కడిగితే ఆయిల్, పులుసు మచ్చలు త్వరగా తొలగిపోతాయి. గిన్నెలపై అతుక్కున్న పదార్థాలను తొలగించడంలో ఇది సహాయపడుతుంది. గోరువెచ్చని నీటిని ఉపయోగిస్తే మరింత ప్రభావం ఉంటుంది. వంటింటి పనులు సులభంగా పూర్తవుతాయి.

ఈ నీటిని తల కడిగే చివరిలో ఓసారి పోస్తే జుట్టు మెరుస్తుంది. ఇందులో ఉన్న ఖనిజాలు జుట్టును బలంగా ఉంచతాయి. చుండ్రు తగ్గుతుంది. తల మీద ఈ నీరు పోసిన తర్వాత రెండు నిమిషాలు ఆపి కడిగితే మంచి ఫలితం ఉంటుంది. జుట్టు రాలడాన్ని తగ్గించడంలో సహాయపడుతుంది. జుట్టు ఆరోగ్యంగా కనిపిస్తుంది.

ఈ నీటిని పప్పులు, కూరలు లేదా సూప్‌లలో కలిపితే అదనపు రుచి వస్తుంది. గుడ్డు ఉడికే సమయంలో విడుదలైన పోషకాలు వంటలోకి చేరతాయి. దీనివల్ల ఆహారం పోషకంగా మారుతుంది. చిటికెడు ఉప్పు వేసి ఈ నీటిని సూప్‌ కు జోడిస్తే రుచి మెరుగవుతుంది. శరీరానికి అవసరమైన పోషకాలు అందుతాయి.

గుడ్డు ఉడికిన నీటిని లాండ్రీకి ఉపయోగిస్తే బట్టలు మెరుస్తాయి. బట్టలపై ఉన్న మసి, మరకలు తొలగిపోతాయి. ముఖ్యంగా తెల్లటి బట్టలకు ఇది మంచి ఫలితం ఇస్తుంది. ఇది బట్టలు మెరిసి పోవటానికి సహాయపడుతుంది.

ఇలా చూసుకుంటే మనం ఎప్పుడూ వృథా చేస్తున్న గుడ్డు ఉడికించిన నీరు ఎన్నో విధాలుగా మనకు ఉపయోగపడుతుంది. ఇకపై గుడ్డు ఉడికించిన నీటిని వృథా చేయకుండా జాగ్రత్తగా వాడండి.