Ramphal Benefits: రామ ఫలం తింటే.. ఈ సమస్యలన్నింటికీ బైబై చెప్పొచ్చు!
సీతా ఫలం లాగే రామ ఫలం కూడా ఉంటుందన్న విషయం తెలిసిందే. శీతా కాలం నుంచి వేసవి కాలానికి వచ్చే సమయంలో ఈ పండు మార్కెట్లోకి వస్తుంది. టేస్ట్లో మాత్రం అచ్చం సీతా ఫలం తిన్నట్టే ఉంటుంది. కేవలం సీజన్లో మాత్రమే ఎక్కువగా లభ్యమయ్యే ఈ రామ ఫలం తింటే ఎన్ని ప్రయోజనాలో తెలిస్తే అస్సలు వదిలి పెట్టరు. ఇందులో ఎన్నో విటమిన్లు, మినరల్స్, పోషకాలు ఉన్నాయి. కాబట్టి ఖచ్చితంగా తీసుకోండి. ఈ పండుతో ఎన్నో ఆరోగ్య ప్రయోజనాలు ఉన్నాయి. నేచురల్గా మీకున్న..
సీతా ఫలం లాగే రామ ఫలం కూడా ఉంటుందన్న విషయం తెలిసిందే. శీతా కాలం నుంచి వేసవి కాలానికి వచ్చే సమయంలో ఈ పండు మార్కెట్లోకి వస్తుంది. టేస్ట్లో మాత్రం అచ్చం సీతా ఫలం తిన్నట్టే ఉంటుంది. కేవలం సీజన్లో మాత్రమే ఎక్కువగా లభ్యమయ్యే ఈ రామ ఫలం తింటే ఎన్ని ప్రయోజనాలో తెలిస్తే అస్సలు వదిలి పెట్టరు. ఇందులో ఎన్నో విటమిన్లు, మినరల్స్, పోషకాలు ఉన్నాయి. కాబట్టి ఖచ్చితంగా తీసుకోండి. ఈ పండుతో ఎన్నో ఆరోగ్య ప్రయోజనాలు ఉన్నాయి. నేచురల్గా మీకున్న సమస్యల్ని తగ్గించుకోవచ్చు. మరి రామ ఫలం బెనిఫిట్స్ ఏంటో ఇప్పుడు చూద్దాం.
జుట్టు, చర్మ సమస్యలకు చెక్:
జుట్టు సమస్యలతో ఇబ్బంది పడే వారు రామ ఫలం కనిపిస్తే ఖచ్చితంగా తీసుకోండి. జుట్టు రాలడం, ఎదుగుదల ఆగిపోవడం, చుండ్రు వంటి సమస్యల నుంచి సులభంగా ఉపశమనం పొందవచ్చు. అదే విధంగా చర్మాన్ని కూడా ఆరోగ్యంగా, హైడ్రేట్గా ఉంచుతుంది. ఈ పండు తింటే చర్మం కాంతి వంతంగా తయారవుతుంది. అలాగే పింపుల్స్, పొడిబారడం వంటి సమస్యలు కూడా తగ్గుతాయి.
డయాబెటీస్ ఉన్నవారికి బెస్ట్:
డయాబెటీస్ ఉన్నవారు ఏవి పడితే అవి తినడానికి ఉండదు. కానీ ఎలాంటి భయం లేకుండా రామ ఫలం తినవచ్చని ఆరోగ్య నిపుణులు చెబుతున్నారు. ఈ పండులో సహజంగా లభించే చక్కెర పరిణామాలు ఉంటాయి. కాబట్టి రామ ఫలం తిన్నా రక్తంలో షుగర్ లెవల్స్ పెరగవు.
రోగ నిరోధక శక్తి పెంచుతుంది:
రామ ఫలం తింటే శరీరంలో ఇమ్యూనిటీ లెవల్స్ అనేవి బాగా పెరుగుతాయి. దీంతో రోగాలతో పోరాడే శక్తి లభిస్తుంది. సీజనల్ వ్యాధుల నుంచి కూడా సులభంగా ఉపశమనం లభిస్తుంది. అంతే కాకండా అలసట, నీరసం వంటివి కూడా తగ్గుతాయి. ఈ పండు తింటే ఎనర్జీ లెవల్స్ కూడా పెరుగుతాయి. ఇందులో యాంటీ ఇన్ ప్లామేటరీ గుణాలు అధికంగా ఉంటాయి. కాబట్టి ఫ్రీ రాడికల్స్తో పోరాడుతుంది.
కీళ్ల, మోకాళ్ల నొప్పులు తగ్గుతాయి:
కీళ్ల, మోకాళ్ల నొప్పులతో బాధ పడేవారు క్రమం తప్పకుండా రామ ఫలాన్ని తింటే నుంచి కూడా ఉపశమనం లభిస్తుంది. కీళ్ల, మోకాళ్ల నొప్పులను అరికట్టేందుకు రామ ఫలం సహాయ పడుతుంది. అదే విధంగా గుండె ఆరోగ్యం కూడా మెరుగు పడుతుంది.
మరిన్ని లైఫ్ స్టైల్ వార్తల కోసం ఈ లింక్ క్లిక్ చేయండి..
గమనిక: ఇది నిపుణులు, అధ్యయనాల నుంచి సేకరించిన సమాచారం. అవగాహన కోసం మాత్రమే ఈ కథనం. ఆరోగ్యానికి సంబంధించిన ఏ చిన్న సమస్య ఉన్నా నిపుణులను సంప్రదించడం మేలు.