Side Effects of Using More AC: ఏసీలో ఎక్కువ సమయం ఉంటున్నారా..? అయితే జాగ్రత్త.. ఇలాంటి జబ్బులు పొంచివున్నాయ్..
ఈరోజుల్లో ఏసీ వాడకం కూడా బాగా పెరిగిపోయింది. ఎండవేడిమి, ఉక్కపోత కారణంగా ఏసీ వాడకం పెరిగింది. నగరం, గ్రామాలు ప్రతిచోటా దీని డిమాండ్ పెరిగింది. అయితే ఎయిర్ కండీషనర్ నుండి వచ్చే గాలి మిమ్మల్ని అనారోగ్యానికి గురి చేస్తుందని మీకు తెలుసా.? ఏసీ వాడకం వల్ల అనేక రకాల ఆరోగ్య సమస్యలు మొదలవుతాయంటున్నారు నిపుణులు.
Updated on: Apr 13, 2024 | 7:48 AM
వేసవి ఆరంభం నుంచే ఎండలు మండిపోతున్నాయి. భానుడు తన ప్రతాపాన్ని చూపించడం ప్రారంభించాడు. రానున్న రోజుల్లో తేమశాతం మరింత పెరుగుతుందని వాతావరణ శాఖ చెబుతోంది. అటువంటి పరిస్థితిలో, ప్రజలు వేడిని నివారించడానికి వివిధ పద్ధతులను అనుసరిస్తారు. కొందరు ఫ్యాన్, మరికొందరు కూలర్లు విరివిగా వాడుతున్నారు. కానీ ఈరోజుల్లో ఏసీ వాడకం కూడా బాగా పెరిగిపోయింది. ఎండవేడిమి, ఉక్కపోత కారణంగా ఏసీ వాడకం పెరిగింది. నగరం, గ్రామాలు ప్రతిచోటా దీని డిమాండ్ పెరిగింది. అయితే ఎయిర్ కండీషనర్ నుండి వచ్చే గాలి మిమ్మల్ని అనారోగ్యానికి గురి చేస్తుందని మీకు తెలుసా.? ఏసీ వాడకం వల్ల అనేక రకాల ఆరోగ్య సమస్యలు మొదలవుతాయంటున్నారు నిపుణులు.
వేడి నుండి తప్పించుకోవడానికి మీరు కూడా ఎక్కువ సమయం ACలో గడుపుతున్నట్లయితే, మీరు జాగ్రత్తగా ఉండాలి. ఎందుకంటే ఇది చాలా దుష్ప్రభావాలను కలిగిస్తుందని అంటున్నారు నిపుణులు. ఇది మీకు అనారోగ్యం కలిగిస్తుందని చెబుతున్నారు. నిపుణుల మేరకు.. మీరు ఏసీలో ఎక్కువ సమయం గడుపుతున్నట్టయితే.. ‘సిక్ బిల్డింగ్ సిండ్రోమ్’ పెరిగే ప్రమాదం ఉంది. దీని వల్ల తలనొప్పి, పొడి దగ్గు, ఆయాసం, తల తిరగడం, వికారం, ఏ పనిలోనైనా ఏకాగ్రత లోపించడం వంటి సమస్యలు వస్తాయి. మధ్యాహ్నం, సాయంత్రం వేళల్లో ఏసీ వాడకం పూర్తిగా తగ్గించాలని గమనించాలి. ఎక్కువగా ఏసీలో ఉండేవారు తరచూ బలహీనంగా కనిపిస్తుంటారు. పదే పదే నీరసానికి గురవుతుంటారు. వీటిని నివారించాలంటే ఏసీని తక్కువ టెంపరేచర్లో వాడితే మంచిది.
ఎక్కువ సేపు ఏసీలో ఉండడం వల్ల శరీరంలోని తేమ పోతుంది. చర్మం బయటి పొరలో నీటి కొరత ఏర్పడుతుంది. దీని కారణంగా చర్మం పగుళ్లు ఏర్పడి పొడిగా మారుతుంది. ఎక్కువ సేపు ఏసీలో ఉండటం వల్ల వల్ల చర్మం ముడుచుకుపోతుంది. ముడతలు, గీతలు కనిపించడం ప్రారంభిస్తాయి. వృద్ధాప్యం కూడా వేగంగా పెరుగుతుంది. AC చల్లని గాలి శరీరంలో డీహైడ్రేషన్ సమస్యను కలిగిస్తుంది. ఎయిర్ కండీషనర్ ఎక్కువగా ఉపయోగించడం వల్ల అలర్జీలు, ఉబ్బసం వచ్చే ప్రమాదం ఉంది. AC గాలి కళ్ళు, చర్మంలో దురదను కలిగిస్తుంది. అందువల్ల ఎక్కువ సేపు ఏసీలో ఉండకూడదు.
(NOTE: ఇంటర్నెట్లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ న్యూస్ కోసం క్లిక్ చేయండి…
