Skincare: చర్మ సమస్యలతో ఇబ్బంది పడుతున్నారా..! కిచెన్లో దొరికే ఈ 5 చక్కటి పరిష్కారం..
Skincare: చర్మ సంరక్షణ కోసం ప్రతిరోజు ఎన్నో బ్యూటీ ప్రొడాక్ట్స్ వాడుతుంటాం కానీ వాటి వల్ల ఎటువంటి ప్రయోజనం ఉండదు. ఒకవేళ ఉన్నా అది తాత్కాలిక ప్రయోజనం
Skincare: చర్మ సంరక్షణ కోసం ప్రతిరోజు ఎన్నో బ్యూటీ ప్రొడాక్ట్స్ వాడుతుంటాం కానీ వాటి వల్ల ఎటువంటి ప్రయోజనం ఉండదు. ఒకవేళ ఉన్నా అది తాత్కాలిక ప్రయోజనం మాత్రమే. అందుకే చాలామంది హోమ్ రెమిడీస్ వైపు మొగ్గు చూపుతారు. ఎందుకంటే వీటివల్ల సమస్య పూర్తిగా తొలగిపోతుంది. అంతేకాదు ధర కూడా అందుబాటులో ఉంటుంది. ఈ రోజు చర్మ సంరక్షణ కోసం ఇంట్లో దొరికే ఐదు ఉత్పత్తుల గురించి తెలుసుకుందాం.
1. అవకాడో అవకాడో ఒక ఆరోగ్యమైన పండు. ఇది సహజసిద్దమైన కొవ్వులతో సమృద్ధిగా ఉంటుంది. చర్మ సమస్యలను తగ్గించడంలో చక్కగా పనిచేస్తుంది. ఇందులో యాంటీఆక్సిడెంట్లు, విటమిన్లు పుష్కలంగా ఉంటాయి. ఇది చర్మానికి మెరుపును అందించడంలో తోడ్పడుతుంది. అవోకాడో చర్మాన్ని మృదువుగా ఉంచడానికి సహాయం చేస్తుంది. ఇది వృద్ధాప్యం, ముడతలు, మొటిమలు, డెడ్ స్కిన్ వదిలించుకోవడానికి ఉపయోగపడుతుంది.
2. కాలే చర్మ సంరక్షణకు కాలే (కాలే క్యాబేజీ కుటుంబం నుండి వచ్చిన ఆకుపచ్చ ఆకు కూర) ఉపయోగకరంగా ఉంటుంది. ఇందులో విటమిన్లు సి, ఇ, కె పెద్ద మొత్తంలో ఉంటాయి. ఇది మీ చర్మాన్ని యవ్వనంగా, అందంగా ఉంచడానికి సహాయపడుతుంది. ఇందులో ఉండే విటమిన్ సి, యాంటీ ఆక్సిడెంట్లు చర్మంలోని ఫైన్ లైన్స్, డార్క్ స్పాట్స్ తగ్గించి సహజమైన మెరుపును తీసుకువస్తాయి.
3. వెన్న మీరు పొడిబారిన చర్మంతో బాధపడుతుంటే వెన్నని ఉపయోగించండి. ఇందులో కొవ్వు ఆమ్లాలు, విటమిన్లు ఎ, ఇ ఉంటాయి. ఇది కాకుండా యాంటీ ఇన్ఫ్లమేటరీ లక్షణాలను కలిగి ఉంటుంది. చర్మాన్ని బిగుతుగా చేయడంలో తోడ్పడుతుంది. చర్మాన్ని కండిషనింగ్, టోనింగ్, మాయిశ్చరైజ్ చేయడంలో సహాయపడుతుంది.
4. చియా విత్తనాలు చియా గింజల్లో యాంటీ ఆక్సిడెంట్లు పుష్కలంగా ఉంటాయి. ఇవి చర్మానికి ఎంతో మేలు చేస్తాయి. చియా గింజల్లో ఒమేగా -3 కొవ్వు ఆమ్లాలు ఉంటాయి. ఇవి చర్మంలో నూనె ఉత్పత్తిని తగ్గిస్తాయి. వృద్ధాప్య సంకేతాలను కూడా తగ్గిస్తాయి.
5. మౌంటైన్ పెప్పర్ బెర్రీ మౌంటైన్ పెప్పర్ బెర్రీలో విటమిన్ సి, ఈ ఉంటాయి. ఇది వృద్ధాప్య సంకేతాలను తగ్గించడంతో పాటు మంట, ఎరుపును తగ్గిస్తుంది. చర్మ కణాలను సమతుల్యం చేయడంలో సహాయపడుతుంది. మౌంటైన్ పెప్పర్ బెర్రీ డార్క్ సర్కిల్స్ తగ్గించడంలో ప్రభావవంతంగా పనిచేస్తుంది.