మీ ఇంట్లో బొద్దింకలను శాశ్వతంగా తరిగికొట్టాలా? టమాటాతో ఇలా చేయండి..

ఇల్లు ఎంత శుభ్రంగా ఉన్నా బొద్దింకల బెడద ఎప్పుడూ ఉంటుంది. ముఖ్యంగా వంటగదిలో బొద్దింకల సమస్య కొంచెం ఎక్కువగానే ఉంటుంది. బొద్దింకలు తరచుగా ఆహారం ఉంచే ప్రదేశాలు, సింకులు, చెత్తబుట్టలు మొదలైన వాటి చుట్టూ తిరుగుతాయి. ఇలా పాకుతూ వెళ్లి పాత్రలు, ఆహార పదార్థాలను తాకడం ద్వారా వ్యాధులను వ్యాపింపజేస్తాయి. దీనివల్ల అలర్జీలు, చర్మం ఎర్రబడటం, దురద, శ్వాసకోశ సమస్యలతో సహా అనేక వ్యాధులు సంభవిస్తాయి. అందువల్ల, వాటి బెడదను వదిలించుకోవడానికి చాలా మంది రసాయన స్ప్రేలు ఉపయోగిస్తారు. కానీ ఆరోగ్య దృష్ట్యా ఇది మంచిది కాదు. ఇలాంటి పరిస్థితిలో ఇంటిని శుభ్రంగా ఉంచడంతో పాటు ఈ రెండు పదార్థాలను టమోటాలో కలిపి బొద్దింకలు తిరిగే ప్రదేశంలో ఉంచడం ద్వారా కూడా వాటి బెడదను తేలికగా వదిలించుకోవచ్చు.

బొద్దింకల బెడదను వదిలించుకోవడానికి ఏం చేయాలి?

వంటగదిలో, ఇతర గదులలో బొద్దిపరుగులు తీస్తుంటే ఒక టమాటాలో బేకింగ్ సోడా, పంచదార కలిపి అవి తిరిగే చోట పెట్టండి. ఈ ప్రభావవంతమైన ఇంటి చిట్కా బొద్దింకలను సమర్థవంతంగా వదిలించుకోవడానికి సహాయపడతాయి.

అలాగే టమాటాను కోసి, దాని గింజలు, గుజ్జును తీసివేసి అందులో అర టీస్పూన్ బేకింగ్ సోడా, ఒక టీస్పూన్ పంచదార కలిపి బొద్దిపరుగులు ఎక్కువగా ఉండే ప్రదేశాలలో పెట్టండి. పంచదార, టమాటా వాసనకు ఆకర్షితులైన బొద్దింకలు ఈ మిశ్రమాన్ని తిని చనిపోతాయి.

ఇవి కూడా చదవండి

దూసుకుపోతున్న కాక్రోచ్ జనతా పార్టీ.. 48గంటల్లో 66లక్షల ఫాలోవర్లు

స్నానం చేయమన్నందుకు ఏకంగా బావిలోకి దూకింది.. అసాధ్యురాలు!

గంపెడు ఆశతో చేపల కోసం వెళ్తే.. జాలరి వలలో చిక్కింది చూసి షాక్‌!

ఈసారి EAPCET 2026 ఇంజనీరింగ్ కౌన్సెలింగ్ మరింత ఆలస్యం.. ఎందుకంటే?

బొద్దింకలను వదిలించుకోవడానికి ఇంటి చిట్కాలు ఇవే..

మీ వంటగది సింక్‌లో, అల్మారాలో లేదా డ్రాయర్‌లో కొన్ని పాలా ఆకులను ఉంచండి. వాటి వాసన బొద్దింకలను తరిమివేస్తుంది. ఒకటి రెండు టేబుల్ స్పూన్ల వేప నూనెను నీళ్లలో కలిపి, దానిని ఒక స్ప్రే బాటిల్‌లో పోసి, బొద్దింకలు తిరిగే ప్రదేశాలలో చల్లండి. మీ వంటగది,బాత్రూంలో అంతటా కర్పూరం బిళ్లలను ఉంచండి. దాని వాసనకు బొద్దింకలు పారిపోతాయి. ఇంట్లో నేలను తుడవడానికి ఉపయోగించే నీటిలో తెల్ల వెనిగర్, నిమ్మరసం కలిపి ఆ నీటితో నేలను తుడవండి. ఇది బొద్దింకలను, చీమలను తరిమివేస్తుంది. అలాగే నేలకు అంటుకునే బ్యాక్టీరియాను కూడా చంపుతుంది.