Kitchen Hacks: వడకట్టిన తేయాకులను పడేస్తున్నారా.? ప్రయోజనాలు తెలిస్తే అస్సలు వదిలిపెట్టరు
చాలామంది వంటగదిలోని కొన్ని పదార్థాలను ఉపయోగించిన తర్వాత ఇక ఉపయోగ పడవని పడేస్తారు. ఒకసారి ఉపయోగించిన వాటిని ఇక పనికి రావు అంటూ వెంటనే శుభ్రం చేయడం వలన ఆరోగ్య సమస్యలు ఏర్పడకుండా ఉండడానికి సురక్షితమైన పద్ధతి అని నమ్ముతారు. అయితే ఇలా రోజూ ఉపయోగించే కొన్నింటిని మళ్ళీ వాటితో అనేక ప్రయోజనాలున్నాయని మీకు తెలుసా.. చాలా మంది టీ తయారు చేసిన తర్వాత టీ పౌడర్ ని పడేస్తారు. అయితే దీనితో ఎన్ని ఉపయోగాలున్నాయో తెలిస్తే మీరు ఆశ్చర్యపోతారు.
చాలా మంది టీ తయారు చేసిన తర్వాత వడకట్టిన వెంటనే టీ పౌడర్ ని పారేస్తారు. అయితే కొద్ది మంది దీనిని మొక్కలకు ఎరువుగా కూడా ఉపయోగిస్తారు. అయితే టీ చేసిన తర్వాత వడకట్టగా వచ్చే టీ పౌడర్ తో అనేక ఉపయోగాలున్నాయి. ఈ విషయం చాలా తక్కువ మందికి మాత్రమే తెలుసు.
మొక్కలకు ఎరువులు: టీ ఆకులలో నత్రజని, భాస్వరం, పొటాషియం వంటి పోషకాలు పుష్కలంగా ఉంటాయి, ఇవి మొక్కల పెరుగుదలకు ప్రయోజనకరంగా ఉంటాయి. టీని కాచిన తర్వాత, ఉపయోగించిన ఆకులను తోటలో లేదా ఇంట్లో పెరిగే మొక్కల దగ్గర వేయండి. ఆకులు కుళ్ళిపోయి నేలను సారవంతం చేస్తాయి. మొక్కలు బలంగా, ఆరోగ్యంగా పెరగడానికి సహాయపడే సహజ ఎరువుగా ఉపయోగపడతాయి.
టీ ఆకులలో యాంటీఆక్సిడెంట్లు ఉంటాయి. ఇవి శరీరంపై గాయాలను నయం చేస్తాయి. ఉడికించిన టీ ఆకులను గాయం అయిన ప్రాంతానికి రాయండి. దీంతో ఉపశమనం లభిస్తుంది.
రోజంతా కంప్యూటర్ ముందు గడుపుతారా? మరిగించిన టీ ఆకులను బాగా చల్లబరచండి. ఉపయోగించిన టీ ఆకులను తీసుకొని శుభ్రమైన గుడ్డలో పెట్టి.. దానితో కను రెప్పలపై సున్నితంగా అప్లై చేయండి. దీంతో కంటి అలసట తొలగిపోతుంది.
మొటిమల సమస్యలతో బాధపడుతున్నవారికి కూడా మంచి మేలు చేస్తుంది. ఉపయోగించిన టీ పౌడర్ ని శుభ్రమైన నీటిలో కాసేపు నానబెట్టండి. తర్వాత ఆ నీటిలో దూదిని ముంచి మీ ముఖాన్ని తుడవండి. వారానికి కనీసం మూడు రోజులు చేయండి. ఇలా చేయడం వలన మొటిమల సమస్య తగ్గి ముఖ్యం అందంగా కనిపిస్తుంది.
టీ ఆకులు సహజ దుర్గంధనాశని లక్షణాలను కలిగి ఉన్నాయి. ఇవి దుర్గంధాన్ని గ్రహించడంలో అద్భుతమైనవిగా చేస్తాయి. ఉపయోగించిన తర్వాత టీ ఆకులను ఎండలో పెట్టి.. ఆ టీ ఆకులను ఒక చిన్న పర్సు లేదా సాచెట్లో వేసి మీ ఫ్రిజ్, అల్మారా లేదా బూట్లలో ఉంచండి. ఇవి వాసనలను గ్రహిస్తాయి. రిఫ్రెషింగ్, తేలికపాటి సువాసనను వెదజల్లుతాయి. ఇది రసాయన ఎయిర్ ఫ్రెషనర్లకు సహజమైన, పర్యావరణ అనుకూలమైన ప్రత్యామ్నాయం.
చెక్క ఫర్నిచర్ ఎక్కువ కాలం మన్నికగా ఉండేందుకు టీ ఆకుల మిశ్రమాన్ని ఉపయోగించండి. ఉపయోగించిన టీ ఆకులను మళ్ళీ మరిగించండి. మీరు క్రమం తప్పకుండా ఈ నీటితో ఫర్నిచర్ను తుడిచివేస్తే.. ఫర్నిచర్ ఎక్కువ సమయం చెదలు పట్టవు. పైగా మెరుస్తూ ఉంటాయి.
జుట్టు సంరక్షణ: టీ ఆకులను జుట్టు ఆరోగ్యంగా ఉండేలా చేస్తాయి. టీ కాచిన తర్వాత ఆకులను తీసుకుని బాగా చల్లబరచండి. తలలో రక్త ప్రసరణను ప్రేరేపించడానికి, చుండ్రును తగ్గించడానికి చల్లబడిన టీ ఆకులను తలపై మసాజ్ చేయండి. టీ ఆకులలోని యాంటీఆక్సిడెంట్లు తలకు పోషణ అందించడం ద్వారా జుట్టు పెరుగుదలను ప్రోత్సహిస్తాయి. జుట్టును శుభ్రం చేసే ముందు ఒక కప్పు టీని కాచి, చల్లబరిచి, షాంపూతో తలస్నానం చేసిన తర్వాత ఈ టీ నీరుతో జుట్టుని శుభ్రం చేసుకోండి. ఇలా చేయడం వలన జుట్టుకు మెరుపు వస్తుంది. ఊడిపోకుండా బలంగా ఉంటుంది.
మరిన్ని లైఫ్ స్టైల్ న్యూస్ కోసం క్లిక్ చేయండి..
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)