Kitchen Hacks: తెల్లని దుస్తులు పసుపు రంగులోకి మారాయా..! ఈ వంటింటి టిప్స్ మీ కోసం..

ఇంద్రధనుస్సులోని ఏడు రంగుల బట్టలు ఉన్నా.. సరే.. సప్తవర్ణాల సంగమం అయిన తెలుపు రంగు అంటే అందరికి ఇష్టమే. పండగులు, పర్వదినాలు ఫంక్షన్లు ఇలా ఎ సందర్భంలోనైనా ఎక్కువగా తెలుపు రంగు దుస్తులను ధరించడానికి ఎక్కువగా ఇష్టపడేవారున్నారు. తెలుపు రంగు దుస్తులు సాధారణ లేదా ప్రత్యేక సందర్భాలలో ఖచ్చితంగా సరిపోతాయి. అయితే కొన్నిసార్లు బట్టలకు తగిన నిర్వహణ లేకపోవడం వల్ల.. తెల్ల రంగు దుస్తులు పసుపు రంగులోకి మారుతాయి. ఆ తర్వాత చాలా మంది ఈ రంగును తొలగించడానికి మార్కెట్లో లభించే వివిధ ఉత్పత్తులను ఉపయోగిస్తారు. అయినప్పటికీ తెల్లటి బట్టల నుండి పసుపు రంగు అదృశ్యం కాదు. అటువంటి పరిస్థితిలో ఆ తెలుపు రంగు దుస్తులు ఎంత మంచివి అయినా సరే మళ్ళీ ధరించాలనిపించదు. మళ్లీ ధరించినా మంచి అనుభూతిని ఇవ్వదు. మెరుపు కోల్పోయిన తెల్లని దుస్తులు మళ్ళీ అందంగా కనిపించాలంటే ఈ సులభమైన టిప్స్ ని అనుసరించండి.

తెల్ల రంగు దుస్తుల నుంచి పసుపు రంగును తొలగించడానికి ఈ ఇంటి నివారణలు చాలా ప్రభావవంతంగా ఉంటాయి.

తెలుపు దుస్తులపై తరచుగా కొన్ని మరకలు పడుతూ ఉంటాయి. అపుడు ఈ బట్టలు చెడిపోతాయి. అంతే కాదు ఎక్కువ కాలం తెల్లని దుస్తులు ధరించకపోవడం వల్ల వాటి మెరుపు పోతుంది. అటువంటి పరిస్థితిలో వాటికి తిరిగి మెరుపు తీసుకురావడానికి వైట్ వెనిగర్ ను ఉపయోగించవచ్చు.

వెనిగర్ తో ఎలా శుభ్రం చేయాలంటే..

1. ముందుగా ఒక బకెట్‌లో నీటిని తీసుకోవాలి. ఇప్పుడు నీటిలో ఒక క్యాప్ఫుల్ వెనిగర్ వేయండి.
2. వెనిగర్ జోడించిన తర్వాత.. చేతులతో నీటిని కదిలించండి.. తద్వారా వెనిగర్ బాగా కలుపుతుంది.
3. ఇప్పుడు ఉతికిన తెల్లటి బట్టలను ఆ నీటిలో వేసి 20 నిమిషాలు అలాగే ఉంచాలి.
4. 20 నిమిషాల తర్వాత తెల్లటి దుస్తులను తీసుకుని చేతుల సహాయంతో వాటిని రబ్ చేసి శుభ్రం చేయండి.
5. అయితే వెనిగర్ ను తెల్లటి పట్టు దుస్తులకు లేదా తెల్లటి రేయాన్ దుస్తులకు ఉపయోగించకూడదని గుర్తుంచుకోండి.

నిమ్మరసం ఉపయోగించండి

1. తెలుపు బట్టలు నుంచి పసుపు రంగును తొలగించడానికి ఒక బకెట్లో నీటిని తీసుకోండి.
2. ఇప్పుడు అందులో నిమ్మకాయను కోసి బకెట్ లో నిమ్మ రసాన్ని పిండాలి.
3. నీరు, రసం బాగా కలపండి.
4. ఇప్పుడు అందులో ఉతికిన తెల్లటి బట్టలను నానబెట్టి 15 నుంచి 20 నిమిషాల పాటు అలాగే ఉంచాలి.
5. 20 నిమిషాల తర్వాత చేతుల సహాయంతో తెల్లటి బట్టలను రుద్ది శుభ్రం చేయండి.

బేకింగ్ సోడా, డిటర్జెంట్ ఉపయోగించండి

1. తెల్లని బట్టల నుండి పసుపు రంగును తొలగించడానికి ముందుగా ఒక పాత్రలో నీటిని తీసుకుని వేడి చేయండి.
2. ఇప్పుడు గోరువెచ్చని నీటిలో నీరు కలపి తర్వాత బేకింగ్ సోడా, డిటర్జెంట్ వేసి కలపాలి.
3. వీటిని బాగా కలిపిన తర్వాత ఆ నీటిలో తెల్లటి దుస్తులు వేసి 20 నిమిషాలు నానబెట్టండి.
4. సమయం ముగిసిన తర్వాత తెల్లటి దుస్తులను తీసి, మెత్తని బ్రష్ సహాయంతో రుద్ది బట్టలను శుభ్రం చేయండి.

ఈ వంటింటి టిప్స్ సహాయంతో కళ తప్పిన తెల్లటి దుస్తులకు మెరుపుని తిరిగి తీసుకురావచ్చు.

ఇవి కూడా చదవండి

దేశంలో ఈ 5 నగరాలను తప్పనిసరిగా ప్రయాణాల లిస్ట్‌లో చేర్చుకోండి..

పనీర్ లేదా టోఫు? ఆరోగ్యానికి ఏది మంచిదో తెలుసా..!

కూరలో కారం ఎక్కువైందా.. ఈ సింపుల్ చిట్కాలు ట్రై చేసి చూడండి..

పుచ్చకాయగింజలు పడేస్తున్నారా వాటితో టీ చేసి తాగితే ప్రయోజనాలెన్నో

మరిన్ని లైఫ్ స్టైల్ వార్తల కోసం ఇక్కడ క్లిక్ చేయండి..