Garuda Puranam: మరణం తర్వాత ఆత్మ ప్రయాణం ఎలా ఉంటుందో తెలుసా..?

Garuda Puranam

గరుడ పురాణం కేవలం మతపరమైన విషయాలను మాత్రమే కాకుండా.. ఆధ్యాత్మిక శాంతిని పొందడానికి కూడా ఒక మార్గదర్శిగా నిలుస్తుంది. మరణం తర్వాత నిజం ఏంటి, అబద్ధం ఏంటి అనే విషయాలను ఇది స్పష్టంగా తెలియజేస్తుంది. గరుడ పురాణం మరణం తర్వాత జరిగే విషయాలను, కర్మ ఫలాలను, జీవితం అసలైన ఉద్దేశాన్ని వివరంగా తెలిపింది. సరైన ప్రవర్తన అవసరమని, ధర్మ మార్గాన్ని అనుసరించాలని గరుడ పురాణం చెప్పింది. గరుడ పురాణంలోని ముఖ్యమైన విషయం ఏంటంటే.. మనిషి తన జీవితంలో పొందిన అనుభవాల ద్వారానే మరణానంతర జీవితాన్ని కూడా అర్థం చేసుకోగలడు.

గరుడ పురాణం ప్రకారం మరణం తర్వాత ఆత్మ జనన మరణాల చక్రం నుండి విముక్తి పొందాలని కోరుకుంటుంది. మోక్షమే ఆత్మ అసలైన లక్ష్యం.

మన మంచి పనులు, చెడు పనులు రెండింటికీ ఫలితాలు ఖచ్చితంగా ఉంటాయి. జీవితాంతం వాటి పరిణామాలను అనుభవించాల్సి వస్తుంది.

గరుడ పురాణం ప్రకారం మరణం సంభవించిన తర్వాత ఆత్మ ఈ భౌతిక శరీరాన్ని విడిచిపెట్టి తన తదుపరి ప్రయాణాన్ని ప్రారంభిస్తుంది. ఇది ఆ పురాణంలోని ఒక ముఖ్యమైన అంశం.

మన కర్మల లెక్క యమరాజు దగ్గర ఉంటుంది. మనిషి తన జీవిత కాలంలో చేసిన పుణ్య, పాప కర్మలన్నింటినీ ఆయన లెక్కిస్తాడు.

గరుడ పురాణం ప్రకారం పుణ్యకార్యాలు చేసిన వారు స్వర్గాన్ని పొందుతారు. పాపం చేసినవారు నరకాన్ని అనుభవించాల్సి ఉంటుంది.

మన జీవితంలో పరిచయమైన వ్యక్తుల సహవాసం మన కర్మల ఫలితాలపై ప్రభావం చూపుతుంది. మరణం తర్వాత కూడా ఆ ప్రభావం కొనసాగుతుంది. అందువల్ల మంచి పరిచయాలు పెంచుకోవడం అవసరం.

మరణం తర్వాత ఆత్మను యమరాజు వద్దకు పంపిస్తారు. అక్కడ తన కర్మల ప్రకారమే ఆత్మ ఫలితాలు పొందుతుంది. మంచి కర్మలు ఉంటే స్వర్గం దక్కుతుంది. చెడు కర్మలు ఉంటే నరకం అనుభవించాలి.

జీవితంలో మంచి పనులు చేసే వ్యక్తులు మరణానంతరం కూడా శాంతిని పొందుతారు. వారు ఆనందమైన దశలో కొనసాగుతారు. అందుకే మంచి ఆచారాలు, సేవా కార్యక్రమాలు చేయడం అవసరం.

పూజలు, ఉపవాసాలు, ఇతర మతపరమైన ఆచారాలు పుణ్యాన్ని పెంచుతాయి. ఇది మరణానంతరం ఆత్మ స్థితిని మెరుగుపరచడంలో సహాయపడుతుంది. ఒక వ్యక్తి తన జీవితాన్ని పవిత్రంగా గడిపినట్లయితే అతని ఆత్మ పొందే ప్రయోజనం మరింత ఎక్కువగా ఉంటుంది.

గరుడ పురాణం ప్రకారం ప్రపంచ మాయను తట్టుకోవడం అవసరం. భ్రమకు లోనవకుండా నిజమైన ధ్యానం చేసుకుంటూ జీవితం సాగించాలి. భ్రమలను అధిగమించినప్పుడు మాత్రమే మోక్షానికి దారులు తెరవబడతాయి.