ఉదయం లేవగానే టీ తాగుతున్నారా..? జాగ్రత్త.. ఈ సమస్యలు పక్కా..

Side Effects Of Tea

ప్రతిరోజూ టీ తాగనిదే రోజు గడవని వారు కోకొల్లలు. టీలోని కెఫిన్ ఇచ్చే కిక్కు మనల్ని రోజంతా హుషారుగా ఉంచుతుందని అనుకుంటాం. కానీ ఖాళీ కడుపుతో టీ తాగడం వల్ల కలిగే తాత్కాలిక శక్తి కంటే అది కలిగించే దీర్ఘకాలిక నష్టాలే ఎక్కువని పరిశోధనలు చెబుతున్నాయి. టీలో ఉండే కెఫిన్, టానిన్లు కొన్ని ఆరోగ్య సమస్యలను మరింత తీవ్రం చేస్తాయి. ఈ క్రింది లక్షణాలు ఉన్నవారు ఖాళీ కడుపుతో టీ తాగడం వెంటనే మానుకోవాలి:

రక్తహీనత ఉన్నవారు: టీలోని టానిన్లు శరీరం ఐరన్ గ్రహించకుండా అడ్డుకుంటాయి.

జుట్టు రాలడం: ఖనిజాల శోషణ తగ్గడం వల్ల జుట్టు కుదుళ్లు బలహీనపడతాయి.

డయాబెటిస్: రక్తంలో చక్కెర స్థాయిలు అకస్మాత్తుగా పెరగడానికి ఇది కారణమవుతుంది.

అధిక రక్తపోటు: హృదయ స్పందన రేటును పెంచి గుండెపై ఒత్తిడి కలిగిస్తుంది.

PCOS సమస్య ఉన్న మహిళలు: హార్మోన్ల సమతుల్యత దెబ్బతింటుంది.

హైపోథైరాయిడిజం: థైరాయిడ్ ఔషధాల పనితీరును టీ అడ్డుకోవచ్చు.

ఆందోళన: కెఫిన్ వల్ల మానసిక ప్రశాంతత దెబ్బతిని మరింత ఆందోళన పెరుగుతుంది.

ఖాళీ కడుపుతో టీ తాగితే కలిగే అనర్థాలు

అసిడిటీ – గ్యాస్: ఉదయాన్నే కడుపులో యాసిడ్ స్థాయిలు ఎక్కువగా ఉంటాయి. టీ తాగడం వల్ల అవి మరింత పెరిగి గుండెల్లో మంట, గ్యాస్ సమస్యలకు దారితీస్తుంది.

జీర్ణక్రియ దెబ్బతింటుంది: జీర్ణ రసాల స్రావాన్ని టీ ప్రభావితం చేస్తుంది. ఫలితంగా తిన్న ఆహారం సరిగ్గా అరగదు.

నీరసం-విశ్రాంతి లేకపోవడం: కెఫిన్ రక్తంలోకి త్వరగా చేరడం వల్ల మొదట హుషారుగా అనిపించినా, తర్వాత శరీరం మరింత నీరసానికి గురవుతుంది.

మెటబాలిజంపై ప్రభావం: శరీర జీవక్రియల వేగం దెబ్బతిని, మలబద్ధకం వంటి సమస్యలు తలెత్తుతాయి.

టీ తాగడానికి ముందు కనీసం ఒక గ్లాసు గోరువెచ్చని నీరు తాగడం లేదా టీతో పాటు రెండు బిస్కెట్లు లేక నట్స్ వంటివి తీసుకోవడం మంచిది. అలాగే పరగడుపున టీ తాగడం కంటే టిఫిన్ చేసిన గంట తర్వాత తాగడం ఆరోగ్యానికి శ్రేయస్కరం.

మరిన్ని లైఫ్‌స్టైల్ న్యూస్ కోసం ఇక్కడ క్లిక్ చేయండి..