Mango Lassi: మామిడి సీజన్లో చల్లగా ఇలా మ్యాంగో లస్సీ చేసుకోండి.. ఆహా అంటారు!
వేసవి కాలానికి మరో పేరు కూడా ఉంది. అతే మామిడి కాయల సీజన్. ఎందుకంటే ఈ కాలంలోనే ఎక్కువగా మామిడి పండ్లు లభిస్తాయి. మళ్లీ ఎన్ని రసాయనాలు వేసి పెంచినా.. మామిడి పండ్లు రావు. ఈ సీజన్లో ప్రత్యేకంగా దొరికే మామిడి పండ్లను ఖచ్చితంగా తినండి. ఈ పండ్ల కోసం చిన్న వారి నుంచి పెద్ద వారి దాకా ఎంతో ఆశగా ఎదురు చూస్తారు. మామిడి పండులో ఎన్నో పోషకాలు కూడా ఉంటాయి కాబట్టి.. అస్సలు మిస్ చేయకండి. మామిడి పండుతో ఎన్నో రకాల వంటలు తయారు..
వేసవి కాలానికి మరో పేరు కూడా ఉంది. అతే మామిడి కాయల సీజన్. ఎందుకంటే ఈ కాలంలోనే ఎక్కువగా మామిడి పండ్లు లభిస్తాయి. మళ్లీ ఎన్ని రసాయనాలు వేసి పెంచినా.. మామిడి పండ్లు రావు. ఈ సీజన్లో ప్రత్యేకంగా దొరికే మామిడి పండ్లను ఖచ్చితంగా తినండి. ఈ పండ్ల కోసం చిన్న వారి నుంచి పెద్ద వారి దాకా ఎంతో ఆశగా ఎదురు చూస్తారు. మామిడి పండులో ఎన్నో పోషకాలు కూడా ఉంటాయి కాబట్టి.. అస్సలు మిస్ చేయకండి. మామిడి పండుతో ఎన్నో రకాల వంటలు తయారు చేసుకోవచ్చు. వాటిల్లో ఈ మ్యాంగో లస్సీ కూడా ఒకటి. వేసవి కాలంలో చల్ల చల్లగా ఒక్క గ్లాస్ ఈ లస్సీ తాగండి. ఎంతో చల్లగా అనిపించడం ఖాయం. ఈ లస్సీ ఎంతో రుచిగా కూడా ఉంటుంది. మరి ఈ మ్యాంగో లస్సీని ఎలా తయారు చేస్తారు? ఇందుకు కావాల్సిన పదార్థాలు ఏంటో ఇప్పుడు చూద్దాం.
మ్యాంగో లస్సీ తయారీకి కావాల్సిన పదార్థాలు:
మామిడి పండ్లు, పెరుగు, కాచి చల్లార్చిన పాలు, డ్రై ఫ్రూట్స్ తరుగు, యాలకుల పొడి, చక్కెర లేదా తేనె.
మ్యాంగో లస్సీ తయారీ విధానం:
ఈ లస్సీ చేయాలంటే బాగా పండిన మామిడి పండ్లను తీసుకుని.. గుజ్జు అంతా తీసి ఒక గిన్నెలో వేయండి. ఈ గుజ్జును ఇప్పుడు మిక్సీ జ్యూస్ గిన్నెలో వేయండి. ఇదే గిన్నెలో పెరుగు, కాచి చల్లార్చిన పాలను కూడా వేసి ఒక్క సారి మిక్సీ తిప్పండి. ఆ తర్వాత చక్కెర లేదంటే తేనె, యాలకుల పొడి కూడా వేసి మరోసారి బ్లెండ్ తీసి.. ఓ బౌల్లోకి తీసుకోండి. దీన్ని కాసేపు ఫ్రిడ్జ్లో ఉంచి తాగడమే.
తాగే ముందు డ్రైఫ్రూట్స్తో గార్నిష్ చేసుకోండి. అంతే ఎంతో రుచిగా ఉండే మ్యాంగో లస్సీ సిద్ధం. ఇంకెందుకు లేట్ మీరు కూడా ఓ సారి ట్రై చేయండి. ఇంటికి గెస్టులు వచ్చినప్పుడు కూడా దీన్ని తయారు చేసి పెట్టి ఇవ్వొచ్చు. అంతే కాదు ఈ లస్సీ తాగడం ఆరోగ్యానికి కూడా ఎంతో మంచిది. శరీరాన్ని చల్ల బరుస్తుంది.