Morning superfoods: ఖాళీ కడుపుతో తినాల్సిన సూపర్ ఫుడ్స్ ఇవే..! వీటితో మీ రోజును మొదలు పెట్టండి..

Morning Superfoods

ఖాళీ కడుపుతో తినడం మీ రోజును ప్రారంభించడానికి గొప్ప మార్గం. పౌష్టికాహారం దీర్ఘకాలం శక్తిని అందిస్తుంది. గంటల తరబడి మిమ్మల్ని పూర్తి శక్తితో ఉంచుతుంది. మంచి ఆహారం సాధారణంగా ఫైబర్, ప్రోటీన్, ఆరోగ్యకరమైన కొవ్వులు, సూక్ష్మపోషకాలను కలిగి ఉంటుంది. అందుకే మనం ఉదయం ఖాళీ కడుపుతో తీసుకునే ఆహరం, పానీయాల విషయంలో జాగ్రత్తగా ఉండాలని నిపుణులు సూచిస్తున్నారు. మీరు మీ కడుపు, ప్రేగు, మొత్తం జీర్ణవ్యవస్థను ఆరోగ్యంగా ఉంచుకోవాలంటే.. ఉదయం ఖాళీ కడుపుతో ఎలాంటి ఆహారం తీనాలో కొన్ని విషయాలను ఇక్కడ తెలుసుకుందాం..

ఖాళీ కడుపుతో తినడానికి ఉత్తమమైన ఆహారాలు, వాటి ఆరోగ్య ప్రయోజనాలు:

1) అరటిపండు:

ఫైబర్, విటమిన్లు, ఖనిజాలు,మరియు యాంటీఆక్సిడెంట్లు ఆరోగ్యకరమైన మొత్తంలో కలిగి ఉన్న అరటిపండ్లు మనకు అందుబాటులో ఉన్న ప్రకృతిలో లభించే అత్యంత పరిపూర్ణమైన ఆహారాలలో ఒకటి. ఉదయాన్నే రెండు అరటిపండ్లు తినడం వల్ల మీ రోజును అదనపు శక్తితో ప్రారంభించవచ్చు. మీ బ్లడ్ షుగర్ తక్కువగా ఉన్నప్పుడు అరటిపండ్లలోని కార్బోహైడ్రేట్లు ఎనర్జీ బూస్టర్‌గా పనిచేస్తాయి. అదనంగా, అరటిపండ్లలో ట్రిప్టోఫాన్ అనే అమైనో ఆమ్లం ఉంటుంది. ఇది సెరోటోనిన్ ఉత్పత్తికి సహాయపడుతుంది. సెరోటోనిన్ మనల్ని రిలాక్స్‌గా, సంతోషంగా ఉండేలా చేస్తుంది. కాబట్టి అల్పాహారానికి ముందు అరటిపండు తినండి.

2) ఖర్జూరాలు:

ఖర్జూరం మీ రోజువారీ ఆహారంలో ఆరోగ్యకరమైన స్వీట్లు. మీరు సరైన ఆరోగ్యాన్ని పొందడంలో సహాయపడే అన్ని రకాల పోషకాలు పుష్కలంగా లభిస్తాయి. ఖర్జూరాలలో కార్బోహైడ్రేట్లు, డైటరీ ఫైబర్, ప్రోటీన్, ఐరన్, మెగ్నీషియం, కాపర్, కాల్షియం, సోడియం మొదలైన ఖనిజాలు, విటమిన్లు A, B1, B2, C సమృద్ధిగా ఉంటాయి. మీ రోజువారీ ఆహారంలో ఖర్జూరాలను చేర్చుకోవడం వల్ల ఫ్రీ రాడికల్ డ్యామేజ్‌ను నివారించవచ్చు. కొరోనరీ హార్ట్ డిసీజ్, క్యాన్సర్ వంటి వ్యాధుల ప్రమాదాన్ని తగ్గిస్తుంది.

3) ఆపిల్స్‌:

రోజుకో ఆపిల్‌ తింటే డాక్టర్‌తో పనిలేదు అన్న మాట మనందరికీ తెలిసిందే..విట‌మిన్ ఎ, విట‌మిన్ బి, విట‌మిన్ సి, విట‌మిన్ ఇ, విట‌మిన్ కె, కాల్షియం, ఐర‌న్, మెగ్నీషియం, పొటాషియం, సోడియం, జింక్‌, ఫైబ‌ర్‌, ప్రోటీన్ వంటి పోష‌కాలు ఆపిల్స్‌లో పుష్క‌లంగా లభిస్తాయి. అందుకే ఆరోగ్య ప‌రంగా యాపిల్ అనేక ప్ర‌యోజ‌నాలను అందిస్తుంది. ముఖ్యంగా ఉద‌యాన్నే ఖాళీ క‌డుపుతో యాపిల్‌ను తింటే ఎక్కువ‌ లాభాలు పొందొచ్చ‌ని ఆరోగ్య నిపుణులు చెబుతున్నారు. అందులో ఉండే విట‌మిన్ `సి` ని శ‌రీరం త్వ‌ర‌గా గ్ర‌హిస్తుంది. రోగ నిరోధ‌క వ్య‌వ‌స్థ బ‌ల‌ప‌డుతుంది. అధిక ర‌క్త‌పోటుతో బాధ ప‌డే వారు ఖాళీ క‌డుపుతో ఆపిల్‌ తింటే చాలా మేల‌ని అంటున్నారు. గుండె జ‌బ్బులు వ‌చ్చే రిస్క్ సైతం త‌గ్గుతుంది. అంతేకాదు, ఖాళీ క‌డుపుతో యాపిల్‌ను తింటే మ‌ల‌బ‌ద్ధ‌కం స‌మ‌స్య దూరం అవుతుంది. శరీరంలో వాపులు తగ్గుతాయి. మెద‌డు చురుగ్గా ప‌ని చేస్తుంది. శ‌రీరం రోజంతా యాక్టివ్‌గానూ ఉంటుంది.

4) బాదం:

బాదంపప్పులో విటమిన్ ఇ పుష్కలంగా ఉంటుంది. ఇది మీ రోజును ప్రారంభించడానికి మరింత శక్తిని ఇస్తుంది. బాదంపప్పును సలాడ్‌ రూపంలో, పచ్చిగా కూడా తినవచ్చు. లేదంటే ప్రోటీన్ షేక్స్‌లో యాడ్‌ చేసుకున్న సరే. మీరు కాఫీకి ప్రత్యామ్నాయంగా బాదం పాలను కూడా తాగవచ్చు. బాదంపప్పులోని అసంతృప్త కొవ్వు ఓర్పును పెంచడానికి, ఆకలిని అరికట్టడానికి సహాయపడుతుంది. అయితే వాటిలోని అధిక ఫైబర్ కంటెంట్ మిమ్మల్ని ఎక్కువ కాలం సంపూర్ణంగా ఉంచడంలో సహాయపడుతుంది. విటమిన్ E, ప్రోటీన్, ఒమేగా-3, ఒమేగా-6 ఫ్యాటీ యాసిడ్, మాంగనీస్, ఫైబర్‌తో నిండిన బాదం మీకు బెస్ట్‌ బ్రేక్‌ఫాస్ట్‌ అవుతుంది. కానీ వాటిని రాత్రంతా నానబెట్టిన తర్వాత తినటం మంచిది.

5) గ్రీక్ పెరుగు:

ప్రొటీన్లు అధికంగా ఉండే గ్రీక్‌ పెరుగు ఉదయాన్నే తినటం వల్ల పొట్ట నిండుగా ఉంచుతుంది. పొట్టను ఆరోగ్యంగా ఉంచే మంచి ప్రోబయోటిక్ ఇందులో ఉంటుంది. పండ్లు, తేనెతో తింటే మంచిది. పెరుగు ఖాళీ కడుపుతో తినడానికి ఉత్తమమైన ఆహారం. ఇది ఆరోగ్యకరమైన జీర్ణ వ్యవస్థ, బలమైన రోగనిరోధక వ్యవస్థను నిర్వహించడానికి సహాయపడే ప్రోబయోటిక్స్‌తో నిండి ఉంది. గ్రీక్ పెరుగులో కేలరీలు గట్ ఆరోగ్యానికి తోడ్పడతాయి.

6) గుడ్లు:

గుడ్లు ప్రోటీన్ మంచి మూలం. గుడ్లు సహజంగా లభించే ఇతర ఆహారాల కంటే ఎక్కువ ప్రోటీన్‌ను కలిగి ఉంటాయి. వాటిని ఖాళీ కడుపుతో తినడానికి గొప్ప అల్పాహారం అవుతుంది. ఉడకబెట్టినా, లేదంటే, ఆప్లేట్‌గా తిన్నా కూడా గుడ్లు చాలా మంచి అనుభూతిని కలిగించే అల్పాహారం. ఉదయాన్నే గుడ్లు తినటం వల్ల కడుపు నిండుగా ఉంటుంది. దీంతో మీకు ఆకలి బాధలు తక్కువగా ఉంటాయి. తద్వారా అతిగా తినకుండా ఉంటారు. కాబట్టి బరువు తగ్గేందుకు తోడ్పడుతుంది. గుడ్లలో ఐరన్, విటమిన్ డి, పొటాషియం, జింక్ మరిన్ని ఉంటాయి. ఇవి మీ శక్తి స్థాయిలను పెంచుతాయి. గుడ్లలో ఉండే అధిక-నాణ్యత ప్రోటీన్ మీ శరీరం ద్వారా సులభంగా జీర్ణమవుతుంది. వీటిని మంచి బరువు తగ్గించే ఆహారంగా ఉపయోగించవచ్చు.

7)చియా విత్తనాలు:

చియా గింజలు ఫైబర్ ఎక్కువగా ఉంటుంది. ఉదయాన్నే ఖాళీ కడుపుతో ఇది తింటే కడుపుని ఎక్కువసేపు నిండుగా ఉంచుతుంది. ఉదయం స్మూతీలో వాటిని కలిపి తింటే మంచిది. త్వరగా ఆరోగ్యవంతంగా బరువు తగ్గటంలో దోహదపడుతుంది.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది… ప్రయత్నించేముందు సంబంధిత నిపుణుల సలహాలను పాటించవలసిందిగా మనవి. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)

మరిన్ని లైఫ్ స్టైల్ న్యూస్ కోసం క్లిక్ చేయండి..