విటమిన్లు, ఖనిజాలు, ప్రొటీన్లు.. అబ్బబ్బ.. ఇది తింటే బలహీనత దూరమై రక్తం పెరుగుతుంది

చికెన్ మాదిరిగానే.. చికెన్ లివర్‌లో ఎన్నో పోషకాలు దాగున్నాయి. విటమిన్లు, ఖనిజాలు, ప్రొటీన్లు అత్యధికంగా ఉంటాయి.. అందుకే.. బలహీనతతో ఉండేవారు రక్తం తక్కువగా ఉన్నవారు ఇది తినాలని సూచిస్తున్నారు ఆరోగ్య నిపుణులు.. చికెన్ లివర్ లో ఐరన్, ప్రొటీన్లు సమృద్ధిగా ఉంటాయి. అంతేకాకుండా.. కొవ్వులు, కార్బోహైడ్రేట్లు, కెలోరీలు పుష్కలంగా ఉంటాయి.. విటమిన్ B12, విటమిన్ ఎ, ఫోలేట్, సెలీనియం – జింక్, విటమిన్ B3 (నియాసిన్), రిబోఫ్లేవిన్.. మొత్తం ఆరోగ్యంతోపాటు.. చర్మం, మెదడు మరియు కణజాలాల ఆరోగ్యాన్ని కాపాడతాయి.

అయితే.. చికెన్ లివర్ వేపుడు ఒక ప్రసిద్ధ, పోషకమైన వంటకం. ఇది భారతదేశంలో, ముఖ్యంగా తెలుగు రాష్ట్రాలలో చాలా ఇష్టపడతారు. దీనిని పప్పుచారు లేదా రసం వంటి వాటితో పాటు సైడ్ డిష్ గా అందిస్తారు. దీని ప్రత్యేక రుచి, తక్కువ సమయంలో తయారు చేయగల సామర్థ్యం వల్ల ఇది ఇంటి వంటలలో ఒక ప్రముఖ స్థానాన్ని సంపాదించుకుంది. ఈ కథనంలో అందించిన విధంగా, ఇంట్లోనే రుచికరమైన చికెన్ లివర్ వేపుడును ఎలా తయారు చేయాలో తెలుసుకుందాం..

కావలసిన పదార్థాలు:

చికెన్ లివర్.. మీకు అవసరం అయినంతగా..

నూనె, బిర్యానీ ఆకు, లవంగాలు2-3, దాల్చిన చెక్క కొంచెం, యాలుక్కాయలు-2, జీలకర్ర సగం టేబుల్ స్పూన్, ఉల్లిపాయలు 2-3, పచ్చిమిర్చి 5, అల్లం వెల్లుల్లి పేస్ట్: 1 టీ స్పూన్, పసుపు, ఉప్పు, కారం: రుచికి సరిపడా , ధనియాల పొడి, జీలకర్ర పొడి, కొత్తిమీర: కొద్దిగా (సన్నగా తరిగినది), కరివేపాకు: 10-15 రెమ్మలు, గరం మసాలా పొడి: ¼ టీ స్పూన్, మిరియాల పొడి: ¼ టీ స్పూన్..

అయితే.. మసాలా దినుసులను సగం టేబుల్ స్పూన్ వేసుకుంటే సరిపోతుంది.

తయారీ విధానం:

లివర్ శుభ్రపరచడం: ముందుగా, పావుకేజీ చికెన్ లివర్ ను రెండు మూడు సార్లు నీటితో శుభ్రంగా కడిగి, నీటిని పూర్తిగా తీసేసి పక్కన పెట్టుకోవాలి. ఈ ప్రాథమిక దశ లివర్ స్వచ్ఛతను నిర్ధారిస్తుంది, వంటకానికి చక్కటి రుచిని అందిస్తుంది.

మసాలా దినుసులు వేయించుట: స్టవ్ ఆన్ చేసి పాన్ పెట్టుకుని, అందులో రెండు మూడు స్పూన్ల నూనె వేసుకోవాలి. నూనె చక్కగా వేడెక్కిన తర్వాత, బిర్యానీ ఆకు, లవంగాలు, దాల్చిన చెక్క ముక్క, యాలుక్కాయలు, హాఫ్ టీ స్పూన్ జీలకర్ర వేసి లైట్ గా వేయించాలి. ఈ సుగంధ ద్రవ్యాలు నూనెలో వేగినప్పుడు వంటకానికి అద్భుతమైన సువాసనను ఇస్తాయి.

ఉల్లిపాయలు, పచ్చిమిర్చి వేయించుట: సుగంధ ద్రవ్యాలు వేగిన వెంటనే, సన్నగా తరిగిన ఉల్లిపాయలు, సన్నగా తరిగిన పచ్చిమిర్చి వేసుకుని, ఉల్లిపాయ ముక్కలు లేత గోధుమ రంగులోకి మారే వరకు దోరగా, మెత్తగా వేయించుకోవాలి. ఉల్లిపాయలు సరిగ్గా వేగడం వలన వంటకం రుచి మరింత పెరుగుతుంది.

అల్లం వెల్లుల్లి పేస్ట్: ఉల్లిపాయ ముక్కలు కాస్త వేగిన తర్వాత,  అల్లం వెల్లుల్లి పేస్ట్ వేసుకుని, దాని పచ్చివాసన పూర్తిగా పోయే వరకు బాగా వేయించుకోవాలి. అల్లం వెల్లుల్లి పేస్ట్ వంటకానికి ప్రత్యేక రుచిని, పరిమళాన్ని అందిస్తుంది.

పసుపు, లివర్ చేర్చడం: అల్లం వెల్లుల్లి పేస్ట్ వేగిన తరువాత, పావు టీ స్పూన్ పసుపు వేసుకుని, వెంటనే శుభ్రంగా కడిగి పెట్టుకున్న చికెన్ లివర్ ను వేసుకుని, అంతా కలిసేటట్టుగా ఒకసారి బాగా కలుపుకోవాలి. పసుపు సహజమైన రంగును, ఆరోగ్య ప్రయోజనాలను అందిస్తుంది.

లివర్ మగ్గించడం: ఇలా కలుపుకున్న తర్వాత, ఫ్లేమ్ ను సిమ్ లోనే పెట్టుకుని మూత పెట్టి మూడు లేదా నాలుగు నిమిషాలు మగ్గించాలి. ఈ సమయంలో, లివర్ లోంచి సహజంగా నీరు బయటకు వచ్చి చక్కగా మగ్గుతుంది. లివర్ ను ముందుగా మగ్గించడం వలన దానిలోని సహజ రుచులు బయటపడతాయి, తరువాత మసాలాలు చక్కగా పడతాయి.

మసాలా పొడులు కలపడం: నాలుగు నిమిషాల తర్వాత మూత తీసి చూసినట్లయితే, లివర్ లోంచి నీరు బయటకు వచ్చి ఉంటుంది. ఇప్పుడు, మీ రుచికి సరిపడా సాల్ట్, కారం, ఒక టీ స్పూన్ ధనియాల పొడి, హాఫ్ టీ స్పూన్ జీలకర్ర పొడి వేసుకుని, మొత్తం అంతా కలిసేటట్టుగా ఒకసారి బాగా కలుపుకోవాలి. ఈ మసాలాలు లివర్ కు అద్భుతమైన, సంప్రదాయ రుచిని ఇస్తాయి.

మసాలాలు కలిపిన తర్వాత, మళ్ళీ మూత పెట్టి ఫ్లేమ్ ను సిమ్ లోనే పెట్టుకుని మూడు లేదా నాలుగు నిమిషాలు ఉడికించుకోవాలి. లివర్ త్వరగానే ఉడికిపోతుంది కాబట్టి ఎక్కువ సమయం పట్టదు. ఈ దశలో నూనె చక్కగా పైకి తేలి, లివర్ పూర్తిగా ఉడికినట్లు సూచిస్తుంది.

చివరగా, సన్నగా తరిగిన కొత్తిమీర కొద్దిగా, కరివేపాకు రెమ్మలు ఒక పది లేదా పదిహేను వేసుకోవాలి. అలాగే పావు టీ స్పూన్ గరం మసాలా పొడి, పావు టీ స్పూన్ మిరియాల పొడి వేసుకుని ఒకసారి మొత్తం కలిసేటట్టుగా కలుపుకోవాలి. ఈ పదార్థాలు వంటకానికి ఒక ప్రత్యేకమైన సువాసనను, రుచిని అందిస్తాయి, రుచిని మరింత మెరుగుపరుస్తాయి.

ఇలా కలుపుకుని స్టవ్ ఆఫ్ చేసుకుంటే సరిపోతుంది. ఎంతో రుచికరమైన, సులభంగా తయారుచేయగలిగే చికెన్ లివర్ ఫ్రై సిద్ధం. దీనిని వేడివేడిగా అన్నం, పప్పుచారు, లేదా రసంతో పాటు సైడ్ డిష్ గా అందించి ఆస్వాదించండి.

ఈ చికెన్ లివర్ ఫ్రై రెసిపీ కేవలం రుచికరమైనదే కాదు, ఎన్నో పోషక విలువలు కలిగినది.. అయితే.. ఏమైనా అనారోగ్య సమస్యలుంటే నేరుగా ఆరోగ్య నిపుణులను సంప్రదించడం మంచిది.