Dental Hygiene: నెల రోజులపాటు బ్రష్ చేయకపోతే ఏం జరుగుతుందో తెలుసా? మీరు అస్సలు ఊహించలేరు
కొంత మందికి ఉదయాన్నే బ్రష్ చేయడమంటే మహా చిరాకు. దీంతో వాళ్లు పైపైన ఏదో మమా అనిపించేసి వెళ్తుంటారు. ఇలా సరిగ్గా బ్రష్ చేయకుంటే ఆరోగ్యానికి మహా ప్రమాదం అంటున్నారు ఆరోగ్యా నిపుణులు..
Updated on: Oct 17, 2024 | 8:49 PM
చాలా మంది నోటి శుభ్రతకు అధిక ప్రాధాన్యత ఇస్తారు. దీంతో వారు దంతాలు, నాలుక అన్ని విధాలుగా శుభ్రంగా ఉంచుకుంటారు. అయితే కొంత మంది ఉదయాన్నే పళ్లు తోముకోవడం, శుభ్రంగా ఉంచుకోవడం వంటి పనులు తీవ్ర బద్దకాన్ని కలిగిస్తాయి. ఒక్కోసారి బ్రషింగ్ కూడా చేయరు. కానీ బ్రషింగ్ను ఒకటి లేదా రెండు రోజులు చేయకపోయినా పెద్దగా సమస్య ఉండదు. కానీ ఇలా నెల రోజులపాటు నిర్లక్ష్యం చేయడం వలన శరీర మొత్తం ఆరోగ్యంపై తీవ్ర ప్రభావం చూపుతుందని నిపుణులు అంటున్నారు. నిజానికి, నోట్లో మిలియన్ల బ్యాక్టీరియా ఉంటుంది. దంతాలను క్రమం తప్పకుండా బ్రష్ చేయకపోతే, బ్యాక్టీరియా సంఖ్య పెరుగుతుంది. ఇది నోటి దుర్వాసనతో మొదలై అనేక ఇతర సమస్యలకు దారితీస్తుంది.
బ్రష్ చేయకుంటే నోట్లో ఈ విధమైన మార్పులు కనిపిస్తాయి..
- మీరు బ్రష్ చేయడం పూర్తిగా ఆపివేస్తే మీకు కనిపించే మొదటి మార్పు దంతాల మీద మృదువైన ఫలకం ఏర్పడటం. ఈ ఫలకం బ్యాక్టీరియాతో నిండిపోయి చిగుళ్లకు నష్టం కలిగిస్తుంది. ఇది చిగుళ్ళకు ఇన్ఫెక్షన్ కావడానికి దారి తీస్తుంది. సున్నితంగా బ్రష్ చేసినా సులభంగా రక్తస్రావం అవుతుంది.
- నిపుణుల అభిప్రాయం ప్రకారం.. డెంటల్ ప్లేక్ డెంటిన్లో డీకాల్సిఫికేషన్ను ప్రారంభించే సామర్థ్యాన్ని కలిగి ఉంటుంది. కాబట్టి ఇది దంతాలపై ఎనామెల్ కింద ఉండే రక్షిత పొరపై 48 గంటలలోపు దాడి చేస్తుంది.
- దంతాల ఎనామెల్ బలహీనపడటం డీమినరలైజేషన్కు దారితీస్తుంది. ఇది బ్రష్ చేయకుంటే మొదటి వారంలోనే మొదలవుతుంది. ఫలకం ఏర్పడటం వలన నోట్లో చెడు వాసన, హాలిటోసిస్ రావడం ప్రారంభమవుతుంది.
- మొత్తం ఆరోగ్యంపై ప్రభావం చూపుతుంది. మన నోరు మన శరీరానికి గేట్వే అని దంతవైద్యులు అంటుంటారు. అందువల్ల, నోటి పరిశుభ్రతను నిర్లక్ష్యం చేయడం వల్ల దంతాల ఆరోగ్యం దెబ్బతింటుంది. అదనంగా, ఇతర అవయవ వ్యవస్థలు కూడా ప్రభావితమవుతాయి.
గుండె సమస్యలు
నోటి ఆరోగ్యం, గుండె జబ్బుల మధ్య లింక్ ఉంటుంది. చిగుళ్ల వాపు వల్ల విషాన్ని విడుదల చేస్తుంది. ఈ విషపదార్ధాలు రక్తప్రవాహం ద్వారా గుండెకు చేరుకుంటాయి. ఇక్కడ అవి ఎండోకార్డిటిస్, ధమనులకు అద్డుపటం జరిగి, స్ట్రోక్కు కారణమవుతాయి.
మధుమేహం
రక్తంలో చక్కెర స్థాయిలను నియంత్రించడానికి ఇన్సులిన్ను సమర్థవంతంగా ఉపయోగించే శరీర సామర్థ్యాన్ని దెబ్బతీస్తుంది. ఇది రక్తంలో చక్కెర స్థాయిలను పెంచుతుంది. ఇది బ్యాక్టీరియా పెరుగుదలకు అనుకూలమైన వాతావరణాన్ని అందిస్తుంది. ఒకదానికొకటి విష చక్రాన్ని సృష్టిస్తుంది. కాబట్టి నోటి పరిశుభ్రతను నిర్వహించడం ద్వారా ఈ చక్రాన్ని విచ్ఛిన్నం చేయవచ్చు.
శ్వాసకోశ ఇన్ఫెక్షన్లు
నోటిలోని చెడు బ్యాక్టీరియాను పీల్చడం వల్ల అనేక శ్వాసకోశ వ్యాధులు తీవ్రతరం అవుతాయి. పేలవమైన దంతాల ఆరోగ్యం అబార్షన్, తక్కువ బరువుకు దారి తీస్తుంది.
దంతాలను క్రమం తప్పకుండా బ్రష్ చేయకపోవడం తీవ్రమైన దీర్ఘకాలిక ప్రమాదాలకు దారితీస్తుంది. చిగురువాపు, చిగుళ్ల వ్యాధి అనేది ప్రారంభ దశ, ఇది పీరియాంటైటిస్గా అభివృద్ధి చెందుతుంది. దీంతో చిగుళ్లు చనిపోయి, దంతాల మూలాలు బయటకు వస్తాయని వైద్యులు చెబుతున్నారు. ఇది గణనీయమైన ఎముక నష్టానికి దారి తీస్తుంది. దంతాలు వదులుగా మారి ఊడిపోయే ప్రమాదం కూడా ఉంది. దీర్ఘకాలిక పీరియాంటైటిస్ అనేది గుండె సమస్యలు, మధుమేహం, ఆర్థరైటిస్, గర్భధారణ సమయంలో వచ్చే సమస్యల వంటి దైహిక ఆరోగ్య సమస్యలతో ముడిపడి ఉంటుంది.
